حلم حياتي (للكاتبه منى أبو العز )

البارت 11

صحى سليم الصبح قبل جميلة ودخل خد حمامه ولبس عشان ينزل الصيدلية اللي مبعرفش عنها حاجه بقاله كام يوم وهو بيلبس جميلة صحيت ودخلت هى كمان عشان تستحمى وتتوضا وتادى فريضتها وتنزل كليتها ما مش معقول هيا بقالها قد اي منزلتش

سليم : اي ده انتى راحة فين علي الصبح كده

جميلة : هروح الكلية هروح فين يعني

سليم : لا كلية اي هما عارفين كليتك وممكن يجولك هناك وانا مش هيبقي موجود لأن هنزل شغلي

جميلة : طب هعمل اي طب مانا لازم احضر دى اخر سنة ولازم اتخرج بتقدير كويس مينفعش بعد تعبي ده كله يروح

سليم : اممم معاكى حق طب بصى انا بوصل ندى اختى الكلية كل يوم هوصلك معاها وتخلي بالك من نفسك

جميلة : تمام

خرج جميلة و سليم من الاوضة لقوا العيلة قاعدين بيفطروا
جميلة بابتسامة ووجه بشوش وبنيه صافية : صباح الخير
محدش رد عليها غير ندى اللى كانت هترد بس سكتت لما مامتها بصتلها

سليم : اي يا جدعان بتقولكوا صباح الخير محدش سامع ولا اي

هبه : وهيجى منين الخير طول ما انتى موجودة ودخلتي حياتنا
جميلة سكتت وبصت فى الارض ومش عارفه تتكلم ولا تقول اي واتمنت لو الأرض تنشق وتبلعها بس هيا فهمه أن اكيد صعب علي أم أن تتقبل أن ابنها اجوز في يوم وليله ومن غير ما حد يعرف كمان من البيت

أما سليم لاحظ زعلها وقال : ياريت اللى عنده كلمة حلوة يقولها يلا جميلة احنا هنبقى نفطر برة لوحدنا

ندى بصت لسليم افتكرت أنه هيسيبها ويمشى ومش هيوصلها زى كل يوم ثم أكمل سليم يلا يا ندى افطرى معانا عشان اوصلك علي كليتك

ندى بفرحة : ماشى يا سليم يلا

راح سليم و جميلة و ندي عشان يفطروا فى مطعم وندي وجميلة اتعرفوا على بعض اكتر وندى حست أن جميلة طيبة وممكن يبقوا أصحاب لأن ندى مالهاش صحاب خالص وبعيده عن الكل
ووصلهم سليم الكلية اليوم كان عادى جداا خلصوا محاضراتهم وسليم اجه خدهم وروحوا

عدى اسبوعين ومفيش اى جديد بس اسبوعين كانوا صعبين علي جميلة لأن مامت سليم كانت بتسمع كلام لجميلة وجميلة وندى بقوا أصحاب اوى وقربوا من بعض اكتر و سليم بيفضل يكسف جميلة بكلامه عشان يشوف خدودها اللى بتحمر دى وحب كسوفها جداا وحدودها وهيا حمره بتجننه

فى صباح يوم جديد.....

سليم وصل جميلة وندى إلى كليتهم كالعادة وعندما دخلوا الكلية ندى حضرت اول محاضرة وباقى المحاضرات اتلغت فقالت تستنى جميلة فى الكافتيريا عما اخلص و سليم يجي ياخدهم

جم خالد وفؤاد اكيد فاكرينهم اللى سليم ضربهم قبل كده عشان جميلة
راحوا الكافتيريا لقوا ندى قاعدة لوحدها حولوا يضايقوها بس سابتهم وقامت خرجت قدام تستنى سليم قدام الكلية بس مسابوهاش وفضلوا يضايقوها وانتهى المطاف بلكمة فى وش خالد