رواية حورية قلب سليم (السلسلة الأولى من جبروت الذئب)"بقلم سما حازم مراد"

البارت الأربعون

رواية حورية قلب سليم (السلسة الأولى من جبروت الذئب)
"بقلم سما حازم مراد"

**********

يا ليت قلبي ينطق ليخبر الجميع مابداخله ولكن إذا نطق قلبي هل من مستمع

أنا أعلم بأن الله يسمع لحزن قلبي بدون أن أتحدث

ربي انت هو الصديق الذي تهون علي القلوب حزنها

فحقاََ كل الأوجاع ستطيب مادام ربي هو الطبيب 💖🌺

وصلنا في البارت اللي فات..............

في الشركة وبالتحديد في مكتب أنس

أنس بخوف : جرا ايه يا شباب سليم اتأخر أوي كده ليه

أنا لسه مكلم تقي قالت ليا أنه خارج من البيت بقاله ساعة يا ترى مجاش ليه لحد دلوقتي

يوسف بحيرة : العلم علمك يا أنس معرفش انا ثم اردف بمزاح وبعدين انت ايه اللي خلاك تكلم أختي يكنش مراتك وأنا مش واخد بالي

أنس بالامبالاة : انت مالك يلا دي خطيبتي وكلها كام يوم وهتبقا مراتي عندك شوق في حاجة

يوسف بخوف : لا يا باشا ولا في حاجة تحت أمرك اقولك على حاجة خدها كده ذي ما هي

محمد : هي كوسة يا جماعة دي بني ادمة في ايه

وبعدين يا جو تقي كله ملاك العتب كله على ابليس خطيبتي والمستشار بتاعها همس

انس بصياح : خلاص يا حيوان انت وهو اخرسوا وانت يلا ثم أشار على محمد مش عجبك سمر سيبها وأنا اجوزها لسيد سيدك

محمد بصياح : لا وحياة امك أعيش من غيرها ازاي أنا

انس بتحذير : طب يا ميدو احترم نفسك بقا سمر دي اختي ذي حور ويمكن اكتر صدقني هنسي الصحوبية اللي بنا في يوم لو زعلتها

يوسف بمزاح : تراني اتاثرت أنس بقا اخ مثالي

انس : ما تخرس يا حيوان انت يلا بتحب التهزيق كل شوية

محمد : أنت عارف يا صحبي اني بهزر سمر دي امي واختي وكل حياتي خليك واثق في كده (تعالي اسمعي الشعر اللي بيتقال فيكي يا ست سمر 😂😂)

أنس بحب : أنا واثق فيك يا صحبي وعارف انك قد الثقة دي

وبعدين يلا بقا بلاش دراما ومحن الله يكرمكم خلينا نشوف شغلنا

يوسف ومحمد : تمام يا بوص

ثم ابتسم لهم وعادوا الي العمل من جديد ولكن انس يشعر بالقلق وبشدة على صديق دربه

فهذه هي المرة الأولى الذي يتأخر فيها سليم هكذا فدائما يأتي قبلهم أو معهم

انس بداخله : مش عارف يا صحبي حاسس انك واقع في مشكلة ومش لاقي ليها مخرج

اياََ يكن مكانك لعلك بخير يا صحبي وربنا يسترك ويتولاك برحمته وتيجي بالسلامة

في قصر المحمدي وبالتحديد في غرفة الجد نجد البنات بحوذته للتسلية معاََ