أعماق مؤلمة 🤎 ((روايات ليبية))

1

🔥🔥 روآيآت سـيف آلقمـآطـي 🔥🔥
#روآية-آعمـآق-مـؤلمـة 🥺🔞💔
آلمـقدمـة + آلحلقة 1
(ممنوع أصحاب النفوس الضعيفة 🙅🏻‍♂️)
(حقيقية ممزوجة بالخيال 🖤)

_______________________________

بنت كبيرة تخدم على هلها والراتب متعها بسيط مايديرش في شيء ومع هذا مكافحة وشادة في الحياة شن الصعوبات للي حتى اتوجهها وكيف ح تتصرف 😐😐

__________________________

نبي أنحس بشعور الابوة نبي انولي أب وانشوف ذريتي قدامي في من يحمل أسمي نبي أولاد في ضعفي وفي كسرتي نلقاهم جبل فوقي نبي صغار 😓💔
مرتي أنحبها هلبا واخدين على حب وعلاقة أربع سنين منقدرش أني نجرحها ولا انقوللها بنشوف غيرك نهائي قعدت بين نارين وانشوف في عمري للي يضيع قدامي وصحتي للي كل يوم تالي 💔!
شن بندير بس اااخخخخ ياكلي؛!

______________________________

ضروري أندير حل لروحي معقولة مواليد 2000 يتزوجو وأني قعدت هكي هلبا؛؛ قاعدات فرخات 😕😕
كان أني مااندير حل مانتسمآ  مروة هذيكا الفالحة،، بأي طريقة كانت 🙂🙂
هي بنوض عندي صاحبتي 😈🙂

________________________

أني نعتبر من خائنة صح أني مادرت شيء غلط ولا متعودة أندير في الغلط معاش قدرت نتحمل شيء كل شيء انشوف فيه عوج في عوج 🤷🏻‍♀️ يحمد ربي ويشكره أني قاعدة متحملة معاه كل الفترة هذه وانشوف في عازتي قدامي..........
وفي الاخير اني مش اول وحدة اتخون ولا تطلع من دون علم راجلها ولا اتقابل تريس 😭😭 وشاهد عليا ربي اندير فيه غصب عني!؟
شنو هو المر للي يجبر فيك اديري هكي؟!

___________________________

من لما انولدت في حوش جدي منعرفش بوي منعرفش حد كان أمي وحناي والدار للي سقفها كله مربعات مربعات بس
(حوش قديم مشروع) انفكر في أفكار انحس في روحي مداير جريمة ومنعلمش،، باهي وين بوووي
خالاتي وين انشوف في نساوين مرة مرة يجو لحناي يرقبو عليا من الدار حتى سلام منسمعش فيها منهم 😐 منو أهما
اني منوو،، بوي منو؟  اني من عيلة منوو،، نسمع في صوت صغار وألعاب بس محبوس 24 ساعة بس لأمتا،، ولين دخلت المدرسة وأنجبرت امي أنها اتطلعني ولاول مرة انشوف المجتمع والعالم شعور غريب وحسيت بالحرية بس الحرية هذه ح اتغيرني على هلبا ناس وتصدمني فيهم ونعرف اخيرآ حقيقة........!!
لين بيجي يوم ح نعرف كل شيء ونضرة الناس ليا مش فاهم شيء 😕!! 

____________________________

رواية قوية زي باقي روايات سيف القماطي ❤
قريبآ......❤
للكاتب: سيف القماطي ❤

_________________________________

الحلقة (1)❤🙋🏼‍♂️
أمي:نوضي نصيب الساعة 8:50
أني بكسل وخمول مانبيش انوض سمعت الساعة لوحت البطانية وفتحت عيوني بصدمة كم كم؟؟
أمي: اي الساعة 9 إلا شوي توا!!!
أني: فات عليا الدوام واااك حطيت يدي على رأسي ونهتت؟..
أمي: من أمبكري انوض فيك بس ولا حركة لين شكيت فيك ميتة وخفت عليك 🥺🥺
أني: 🥺🥺 تعبت الحق أمس عمل أضافي وبعدها تعرفي شن صار في الليل ماقدرت انقاوم وانوض....
أمي: لا عادي كان يوم غبتي أحسن شيء أقل شيء تتغدي معنا وتهذرزي معاش شبعنا منك بكل....