أعماق مؤلمة 🤎 ((روايات ليبية))

16

🔥🔥 روايــــــــــات سيــــــــــف القمـاطــــــــي 🔥🔥
#روايــة_أعماق_مؤلمـــــة 🖤🔥
#الحلــــــــــــــــــــ(16)ـــــــــقة 🖤🔥
(حقيقية ممزوجـة بالخيـــال)

قراءة ممتعة 🙏🏻🌸..
.
.
.
.

أني:  خفت منه هلبا شن اندير توا اماليا وأمي 💔😥
ياريت ماتكلمت من البداية مصدومة مقعمزة على السرير قاعدة وهو أنشوف فيه واقف عليا قعدت ساكتة...
سعد:  من قالك كلمي أهلك؟  من قالك قوليلهم أتزوجتي....
أني: كملت باقي البكيء متعي وصوته عالي هلبا وحاد 🥺🥺
سعد :  أتكلمي أنكلم فيك....
أني:  في سري هذه خيره تغيير عليا شن أني درت شيء غلط....
مش عارفة قلت ضروري أنخبر أماليا وألقيتهم مشغولين عليا......

سعد:  اي باهي..
أني:  شفتله شنو أي باهي....
أعطيني أنكلم أمي وأنفهمها وكان أتموت 😭💔
سعد: لا لا قتلك قبل ماتتصرفي لين تسأليني ومااديري شيء غلط.....
أني:  أمتا؟...
سعد:  نكذب أني؟...
أني:  لا حشاك بس باللهي عليك ورأس راجلي ✌😁🌚😭😭..
سعد:  شافلها وأستغرب وفرح بالكلمة راجلي أول مرة نصيب أتقولها...
عاوديها ثاني... 🤤❤
أني:  شن هيا؟
سعد:  رجع للواقع 🤦🏻‍♂️🤦🏻‍♂️🤦🏻‍♂️ شيء
أني:  باهي شن قلت 🥺🥺 حرام عليك حط روحك بدلي...... باهي باهي

سعد:  وهو طالع من الدار لا يعني لا،،  كلمتي مستحيل أطيح وانتي أعطيتني عهد!
أني:  😭😭حي عليا حي شن درت ياريت ماكلمتهم نهائي....
توا خودلي أمي ميتة ولا أبصر، شن صار فيها...
شفت جنبي وبعيوني في الدار التليفون معاه 🤦🏻‍♀️🤦🏻‍♀️🤦🏻‍♀️
قعدت أنخبط وأنعيط. 💔💔😥😥
أني:  أني نستاهل أتصلت طوول مفروض لين طلع برا القصر الباب مفتوح زايدة ضربت روحي وين دماغك وين.... 😥💔😭🤷🏻‍♀️

سعد: ورأس راجلي 😁😂 باهي شورها بدت تأخد عليا وتتقبل فيا بس أحسن شيء كنت معاها صارم مش مرة ثانية اتحسب على كلامي...!!

_____________________________

هالة: أمي للي غمي عليها يارب شن بندير...
مشيت نجري للمظبخ والدنيا ليل وظلام شوي الحق خايفة....
تخيلت جنون وتذكرت قصص والكلام متع السحر والغولا.....
هالة: تشجعت وخشيت للمظبخ....
خايفة بنموت أنفكر في نصيب وأمي أكثر  ،، سند للي طلع لتوا ماجيء زعما يكون سمع شيء عل نصيب 🤦🏻‍♀️
أندور في يبرة السكر....
ونرعش وأني أنعبي فيها.....
بنضربها لأمي ومش عارفة هبطلها السكر أو لا؟.
هالة: بروحي قريب أغمئ عليا....
أكيدة هذا السكر دايما أمي هكي...ولا زعما الضغط....
كان أرتفع راهو ماتت زعما هبط؟.🤦🏻‍♀️🤦🏻‍♀️
يارب معاش عرفت شيء......

هالة: سمعت صوت قووي في المظبخ،، معاش حركت رأسي ضربت الايبرة لأمي بسرعة وأني بنموت
أنراجي امتا شخص يجيني مع تالي....
زعما عمامي اليهود؟!.
هالة: وأني جامدة لدرجة حسيت بالنفس متعي ونبضات القلب!!
أمي للي طايحة قدامي وخايفة اتموت كلام نصيب وأني تزوجت 💔 زواج شنووو
زعما في موقف ومجبورة أتقول هكي..؟؟!
هالة: سمعت باب الحوش.
هالة: أبصر من يفتح فيه.......😰 نسيت سند 🤷🏻‍♀️
سند: فتح الباب وخش وشارد تفكيره كله شن بيقول لأمه وهالة بس......
سند: وصل للصالة وخش على هالة...
هالة: نهتت بعد ماشافت سند وناضت طوول لحق أمك..
سند: خيرها أمي؟ نزل بسرعة عندها
هالة: قعمزت على الكرسي تمسح على وجهها والموقف المرعب قاعد في رأسها والصوت......