أعماق مؤلمة 🤎 ((روايات ليبية))

12

🔥🔥 روايـــــــات سيــــف القمـــــــاطي 🔥🔥
#روايــة_أعماق_مؤلمة ❤🌩
#الحلـــــــــــ(12)ــــــــــــــقة 🌩
(حقيقية ممزوجة بالخيــــــال 🖤)

قراءة ممتعة...؛
.
.
.
.

أني: قعدت اندور في الدار اندور بالك انحصل تليفون بس مافيش شيء....
شفت من الروشن مكان اجديد بس واضح راقي.....
واني قاعدة نتفرج من الروشن سمعت الباب بينفتح....😦😦...
أني:  خفت لفيت عيوني في الباب ولصقت في الحيط وبعدها مشيت جري قعمزت على السرير وانشوف للباب بخوف زعما رجع وشن بيديرلي 🥺🥺
أني ساكتة وعروقي يدعووو يارب معاي يارب مايدير فيا شيء يارب 🥺💔......

فكرت في كلام الناس بعدها شن بيصير فينا وأهلي وين بيصبحوو أختي هالة كان ماتزوجت تقعد أتلوم فيا أني باهي زعما شن بيصير بنموت.. 💔
سعد فتح الباب.....
أني:  أنصدمت 😳.......  هذا من جايب معاه....
سعد:  تفضل ياشيخ...
أني:  شيخ..؟  علاش جايب شيخ
سعد:  نبي نتزوجها ياشيخ على سنة الله ورسوله
أني:  😳 😳😳 هذا شن يقوول زواج شنوو...... من قالك موافقة أني.....
فكرت قلت مادام شيخ يعني ولد حلال ومايرضئ العيب....
وقفت ودموعي في عيوني ياشيخ خطفوني وضربوني وأني بنت ناس والله مادرت شيء.... 🥺💔 رجعني لأهلي باللهي عليك انت شيخ ولد ناس وأكيدة ماترضئ العيب والفاحشة أتصير......

سعد:  أسكتي كلامك هذا كله زايد...
أني:  😳😳 كيف زايد واني نمسح في دموعي.......
سعد:  هذا شيخ من طرفي بس زواج حلال يعني...
الشيخ:  عيونه لوطا..  هيا بنتي أفضلك...
أني:  أنصدمت أكثر توقعت اني نجيت منه بس هذا يبي يتزوجني..... وبالأجباار 🥺🥺...
أني:  في سري ومجدي كيف بديت نتعلق بيه ☹️💔
الشيخ :  هيا شن قلتي يابنتي....
أني:  أني مش بنتك لو سمحت...
الشيخ:  باهي شن قلتي يانصيب!!
أني في سري:  يعرف أسمي 😕😕...

سعد:  ح اتوافقي غصب عليك وكان هذا يصير كلام ثاني أقل شيء بعدها مرتي واني زوجك وهذا حوشك
اني:  حكمت عقلي في هذيكا اللحظة وفكرت كوويس
أفضل شيء انوافق،،  أول شيء نبدأ مرته بالحلال وأي شيء يصير بينا مش حرام 💔☹️😥
ثاني شيء كان قعدت مرته وبما ان هو غني نضمن حياة كويسة ليا ولأهلي.....
بس كيف بنقول لأهلي اني تزوجت ☹️....!
وثالث شيء نضمن إني ح نكشف المدير على الحقيقة متعه ونسكر شركته...

بس والله ماأنحبه بكل 💔💔🥺 شن بندير هي.....
حرام عليكم والله الظلم حرام هي.....
سعد:  شنو قلتي .؟؟
أني:  شفته بصوت هادئ وخاطر مكسور موافقة 😔
سعد:  ارتسمو على وجهه ملامح الفرح هيا بسرعة ياشيخ.....

أني:  😔💔 زمان دايما نتخيل في فرحي كيف بيكون أنقول كان سخرلي ربي وأتزوجت وجاني نصيبي بنجيب زمزمات وبنديره فرح كبير.. 
ونفرحو شووي بس مانحساب يجي بسرعة هكي ومن دون سابق إنذار .......
ومن دون وجود حتى اهلي....!!
.
.
.
.
.
.
.
.