أعماق مؤلمة 🤎 ((روايات ليبية))

9

🔥🔥روايـــــــــــــات سيـــــــف القمــــــــاطـي 🔥🔥
#روايـــة_أعماق_مؤلمـة ❤🙋🏼‍♂️
#الحلــــــــــــــــ(9)ــــقة 🔥
.
.
بسم الله ❤
صح فطوركم ❤🔥
.
.
.
.
.
.

مجدي: نصيب؟
أني: حي الراجل متع شركتي من أول ماشفته عيوني دمعوو وبديت نبكي....💔
مجدي: اشش خلاص خلاص!!
أني: كان اتشوف شن صار معاي؟ باللهي عليك مااتخليني بروحي باللهي عليك باعني المدير 🥺💔
مجدي : عرفتي بالموضوع؟
اني: اول ماسمعت كلامه كنت مش مركزة من الخوف بعدها بديت نسترجع في كلامه في رأسي زدت أنصدمت أكثر ودموعي ينزلووو؟ شن تقصد
كيف أتقول عرفتي بالموضوع يعني أنت عندك بيه علم قبلي.....

مجدي: 🤦🏻‍♂️🤦🏻‍♂️ مش هكي والله مسك يدي......
أني: حول أكيدة أنت متعاون مع المدير،،
مجدي: والله لا حرام عليك الكلام هذا!! أنتي فاهمة غلط!

أني: معاش عرفت كيف نتصرف خفت نمشي بروحي وانقوله برا وبعدين نحصل... وقفت واني ساكتة
مجدي: توا كانو زوز شباب يدورو فيك؟ ضروري نطلعو من اهنايا بأسرع وقت؟😐

أني: باهي كيف عرفت بينهم هما صح وتوا فاتو من أهنايا وسمعت كل شيء وفهمت....
مجدي: ربي يهديك وربي رجعت من نصف الطريق على خاطرك ماانخليش بنت بلادي ولا انبيعها ولو أي بنت ح نتصرف معاها هكي....

اني: 🥺🥺🥺 باهي
في لحظة تذكرت كلام أمي وأختي هالة
خليك قوية ومش اي شيء يضعفك جت الدمعة بتنزل
مجدي: هيا ومعاش تبكي مسك بيدي ومشينا

أني: مسحت دموعي بيدي الثانية ونحمد في ربي إن مازال في ناس طيبة وكويسة زي الراجل هذا؟!
يارب معاي في كل خطوة ياربي أني بنت أنثى ضعيفة مهما كان مش زي الراجل يارب كون معاي ووقفني وأبعد علينا أولاد الحرام والناس الحرام ❤🥺..

مجدي: يمشي خطوتين ويوقف يشوف بعيونه خايف حد يمسك نصيب ويعرف نوايا الذكووور للي قبل بيشدوها،،يعني زي تفكير ذكر فاســـــــد!

" ومش كل ذكر راجل " " والرجولة أفعــــــــال "!!
أني: تذكرت أني قلت بنسأله على أسمه؟؟
أني: شن أسمك؟
مجدي: أني ؟
أني: لا لا الحيط أكيد انت؟
مجدي: وعلاش؟!
أني: هكي مش اناديك بأسمك أفضل لا غير 🥺🙂
مجدي: أسمي مجدي 😅🤦🏻‍♂️

أني: عاشت الاسامي أسمك حلوو 🙂❤
مجدي: أنتي أحلى وشااف لوطا...

________________________________

:- راكب في السيارة وقريب يوصل للمكان....
شاف التيلفون يرن
خيره هذا توا شن يبي مني؟
سكر الخط في وجهه!
--: هالحيوان هرب بالفلوس ومعاش يبي يرد عليا عرف أني عرفت بالمووضوع ورجع يتصل بيه 😡😡
المدير: خيره هذا؟!
--: اهو رد؛؛ وينها وينها البنت ياووولد...........   
المدير: شن صاير؟ أحترم نفسك ومعاش تغلط أحسنلك
--: أني كان البنت ماكانت جنبي قبل الفجر أعتبر روحك ميت؛!