أعماق مؤلمة 🤎 ((روايات ليبية))

15

🔥🔥 روايــــــــــــات سيـــــف القمـــــــــاطي 🔥🔥
#روايـــة_أعماق_مؤلـمة
#الحلــــــــــــــ(15)ــــــــــقة 🧡🌩
(حقيقية ممزوجـة بالخيـــــال 🖤)

قراءة ممتعة 🧡🌩
.
.
.

أني:  طلعت برا الدار ولأول مرة وأني مركزة وعلى الوعي متعي كل شيء فاخر الارضية الاثاث راقي 🔥 عجبني التصميم وكل شيء...
الله من قال تتزوجي راجل هكي وأتعيشي في وضع وظروف زي هذم..
ضحكت تذكرت أماليا خسارة ياريتهم توا معاي وكلنا عايشين مع بعض....
أني:  والله نعرفها أمي توا أكيدة فاتحة عزي غاذي بس ضروري انكلمها ونحكيلها شن صار..
بس قالي سعد مانبيش مشاكل...... 🤦🏻‍♀️🤦🏻‍♀️
أني:  لا والله لو تسمع صوتي أني توا نعرف وسند زعما شن صار فيه أني اليوم بس حصلت الحرية وطلعت الله الله مانبي شيء غير حوشنا القديم وأماليا جنبي وخلاص والله نعمة الحق 🥺❤
مايحس بيها إلا للي فقدها 🔥🙏🏻!!.
أني:  مافيش تليفون نهائي ولا خليه إني قتله توا بيجيبلي واحد 🙂🙂...
.
.
.
.
.
.
سند: راجع للحوش ومش عارف شن يقول ولا كيف ح يتصرف كلام المدير كبير وهو مش مصدقه وفي نفس الوقت الظرف للي فيه هو يجبر فيه إنه يصدق بالسيف.. 
سند:  معقولة تهرب وأدير فينا هكي وفي أمي..؟
أمي لو سمعت بيها هربت أكيدة ح تموت يارب كيف ح نتصرف ؟
يارب يطلع في سوء تفاهم يارب
يارب ترجع نصيب ويطلع الكلام كله كذب!!
هالة:  أنحس في شيء صاير أحساسي هكي يقوول يارب خير
أني كيف خليتها تمشي بس اليوم أسبوع وهيا ماشية وين عقلي أني بس 😭😭😭
والله قتلها فوتيها المشية قتلي المدير فرض عليا والحق معاش قدرت نتكلم 💔 حسبي الله  ونعم الوكيل وفي نفس الوقت كنت مطمنة أنها نصيب مش زي أي بنت دايما انشوف فيها وعندي قوية ونستمد في قوتي منها وفرحانة بيها 😥😥
هالة:  يارب ترجع يارب يارب.....

_____________________________

نادية:  اتشوف لفراس يتحرك في الدار معاها ومدايرة روحها لاهية وهيا اتراقب فيها ومستغربة...
فراس نهت!!
نادية:  شبحتله ☹️!.
فراس:  نادية؟؟
نادية:  طول سكرت التليفون نعم.. !!
فراس:  في موضوع نبي نحكيلك عليه أني حاسم قراري غير مش أنقولك بس ويكون عندك علم ولا تبي مفأجاة أحسن..
نادية:  قولي إن شاء الله خير،، لا نبي توا فكني منهم المفأجات..
فراس: باهي
نادية: أتراجي في فراس أمتا ينطق خافت شن هو القرار للي حاسمه يارب خير.....
فراس:  والله نبي نتزوج؟؟؟؟؟
نادية:  أسخطني بالكلمة 💔😥 شفتله من جديد بملامح مبتسمة مصدومة مستغربة....... أتبصر عليا صح..
فراس:  شن أتشوفي فيا فاتح معاك بصارة؟؟
نادية:  حسيت بحاجة انكسرت في داخلي وقاعدة تحت ثأثير الصدمة أختفو ملامحي وأرتسمو ملامح جدد منك جد فراس؟ 🥺
فراس:  أي أكيد وقريب بأذن الله وأني قتلك من توا تبي كلمتك وحوش بوك تمام بتقعدي أهنايا بتربي صغارك أقعدي.... 
ناض خدي مفتاح السيارة وطلع....