أعماق مؤلمة 🤎 ((روايات ليبية))

28

🔥روايـــــــــات سيـــــــــــف القماطــــــــــــي🔥🔥
#روايــــــة_أعمـــــــاق_مؤلمـــــة 🖤
#الحلـــــــــــــ(28)ــــــــــــقة 🔥
(حقيقـــية ممزوجة بالخيــــــــال)

قراءة ممتعة 🖤🌩
.
.
.
.
.

أي ضربتي هيا يارب.....
وعلاش
سجى: صار بينا نقاش ومطلعة عليا دووة وين مشيت عندها طوول ضربت وهجمت عليا زي الكلب
اخخ ياظهري وجسمي معاش حاسة بيه
رد عليها راجلها
والله مادام خوي ماجي ووقف عليا بروحه وماوصل فيك ولا فيا ماني حاط رأسي من رأس نساوين ولا نسمحلكم أنتي وحميدة وغيرهن تقسمن العيلة واتفرقو بين الخووت وأني نعرف كله هذا من تحت ماريا نفهم أني...

سجى شافت لوطا بصدمة من كلام راجلها وماصار كيف ماخططو هيا وماريا...
كيف عرفت سألت وهيا مستغربة؟.
رد عليها
قتلك اني نفهم وهذه حميدة أول كنة ومرات خوي الكبير وجميلها سابق كل شيء ماننسا زمان أنروح جعان من المدرسة ولو مافيش حد في الحوش طول نمشيلها وهيا مدايرتي ولدها
هني روحك أنتِ أحسن نعرفك قبل مش هكي لكن خلطك الجديدة عليها بيفسدك وربي ماعندي الريح وين يدور وأنتي فاهمة.
سجى: انصمتت وسكتت في داخلها وهيا ترعش خيرها هذا هكي أول مرة أنشوفه واعر عليا هكي...
والله في الغلط مانرحم ونااااض
سجى بلعت ريقها اخخخ راحت فيا الطريحة لكن مش ح تبردي بيها واني وماريا سلفاتك....
.
.
.
.
.
ماريا:  وبلهفة شن قالك؟
سجى: أسكتي ساكتة وربي قالي مانسمح لوحدة تقسم العيلة ومسعتد حتى انطلقك لو أديري مشاكل ولا تحشميني مع خواتي والناس.......

ماريا:  هكي أتكلم؟
سجى: أي وربي خفت فكيني منهم الزوز
ماريا:  توا أنفكر في حاجة ثانية وانتي معاش تقدري أتكلميه
سجى:  تبيه يطلقني مالا...
ماريا:  غير حولي بس
وفي سرها ان شاء الله يطلقك يارب
سجى: لا الحق
" هذا الخبث كله من بنت مواليد الالفين حقد وكفر لما بتعطو البنت وأتزوجها اعرفو قبل ان في وراها راجل ومسؤؤليات وعزايم.......
وأهم شيء الاخلاق كيف تتعامل مع العيلة وتتصرف أتخلي روحها عادية أتلم العيلة العجوز أتعاملها زي أمها شن انتي بتقعدي دايما ولا هيا بتقعدلك دايما
وهذا كله غلط الاهل البداية ماربوها  كوويس ولا امها نصحتها أتزوجي أتزوجي مش اندير نسيب اتزوجي مش تقهري بنات عمك وعماتك ومش ومش.....
علاش؟؟؟
كله معكوس على الاهل وفي وجهم كله لذلك لما تعرف بنتك كويسة وماعندها على شيء أعطيها وعيونك مغمضين 🌸
ياريت كلامي يوصل ويفهمه الكل ويعمل بيه!
.
.
.
.
.
.
.
هالة: زي أي محامي أكيد؟
سعد:  لا هذا واصل هلبا ومعروف في ليبيا ومترقى هلبا.....
أني:  يارب سخره ويحل مشكلة سند.
هالة:  أمين يارب
سعد:  ان شاء الله خير
هالة: غمزت أمي جت!!
أني:  أبتسمت وقعدت أنشوفلها...
أمي: السلام عليكم
سعد:  وعليكم السلام كيف حالك اليوم
أمي: الحمد لله كيف حالكم أنتم....
أني:  بخير لما أنشوفك رايقة وبخير.
هالة:  أي وأبتسمت
أمي:  سلمكم يارب
سعد:  تحشم قعد شووي ونااض برا....