🔥🔥 روايــــــــــات سيــــــــف القماطـــــــي 🔥🔥
#روايــة_أعماق_مؤلمـــــــة ❤🌩
#الحلــــــــــــــــــ(20)ــــــــقة 🔥
(حقيقية ممزوجــة بالخيــــــــال 🖤)
.
.
.
اليوم الثالت على التوالي نكتب وننشرلكم في الرواية أكيدة فرحانين 🥺😍..
منورين وربي للي مخلاني نكتب تفاعلكم وكلامكم القنين 😍🔥
.
.
.
خالد: نوال حامل 😳 بصدمة
محمد: 😐؟؟ أستغرب اخفتو الملامح على وجهه نعم
خالد: حط يده على رأسه قصدي مباارك وان شاء الله يكون من نصيبك ياغالي 😳😐
يتكلم وقلبه يرجف بيطيح زعما حملت مني....
قطعه محمد الله يبارك فيك امين يارب
والله توا بس كيف عرفت وأتصلت بيك أنت أول واحد حتى أماليا ماسمع منهم حد وأمالي المرأة
خالد: عرق يجري مع وجهه،، اي والله فرحتلك هلبا مبارك مبارك
محمد: يبارك فيك سلمك وربي عارف ونعزك هلبا ياخالد ولو مانعزك ومادايرك رقم واحد مااتصلت بيك توا في هالوقت
خالد: يسمع في كلام خالد وقلبه ينقسم وضميره يقطع
خالد : واني أكثر غالي والله 😰😰
محمد: هي توا المرأة طلعت
خالد: أتوصي على شيء
محمد: سلامتك
خالد: سلام وألف مبارك ❤
محمد:أبتسم وسكر الخط...
.
.
.
نوال: طالعة وهيا خايفة
محمد: توا كيف أتحسي..
نوال: شاردة ماردت
محمد: نوال
نوال: نعم شن قتلي
محمد: كيف حالك توا؟
نوال: بخير أتحسنت بعد التغذية
محمد: شد يد نواال بحنيه وأخيرا يانوال والحمد لله ربي رزقنا 🥺❤
نوال: وجهها مطفئ وبملامح عادية أي
محمد: خيرك كان أتحسي شيء أهو قاعدين جنب المصحة...
نوال: أبتسمت لا شيء
محمد: مالا خيرك مش أنراجو في اللحظة هذه من سنين
نوال: في سرها ضروري أنبين روحي فرحانة أبتسمت أي الحمد لله غير الدوااخ شوي مثأتر عليا
محمد: توا نوصلو الحوش أنديرلك عشي وح تأكلي كل شيء مافيش شبعت
نوال: سكتت وسرحت لعالم ثاني مش مصدقة العمل للي دراته والحمل من خالد مش من محمد
اني ماحملت إلا لما جاني خالد وقريب سنتين مع محمد ولا شيء يعني من محمد العقم
نوال: شن درت في روحي وفي حياتي!
اتشوف لمحمد وهو يسوق وفرحان بيطير في السمي
محمد: الحمد لله الحمد لله وربي كيف فقدت الامل وهو يقولك دايما ماتيأس وماتفقد الامل
نوال: ماردت ولا بحرف لاهية وخايفة من للي صار
ضروري ينززل.....
اي ضروري
محمد: شن هو للي ضروري
نوال: أنخلعت 😳 لا شيء فرحت حبي
غيرت الموضوع!
محمد: أي وربي اني عارف النوم مش ح يجيني اليوم
خالد:يدور في سور الحوش حاط يديه على رأسه يارب شن درت أني المرأة حملت مني أني
ومحمد كيف فرحان وهذا الخبر للي حاب يسمعه من سنين أني طعنت صديقي في ظهره
يارب ولو يعرف إن الولد ولدي أني ومش هو بوه
خالد: زعما نوال كيف توا؟؟
اكيدة خايفة زيني،، ضروري الولد ينزل بأي طريقة
خالد: أكيدة ح تتواصل معاي نوال في اليومين هذم ضروري ينزل
يارب نسمع بيه طااح يارب..
أنت تقرأ
أعماق مؤلمة 🤎 ((روايات ليبية))
Teen Fictionرواية اعماق مؤلمة للكاتب سيف القماطي رواية قوووية زي مسألة شرف 🤎🤎 تصميمي صورة الغلاف 🤎
