🔥 روآيآت سـيف آلقمـآطـي 🔥🔥
#رواية_أعماق_مؤلمة 🔥
#الحلقة 3
قراءة ممتعة 🎼💙
أني: ح أنكلمه ونعتذر وانقوله مش ح نمشي معاك ومش عارفة كيف زعما حقا يفصلني من عملي؟
ياربي خايفة،، خايفة انخلي أهلي بروحهم ولا بندير كيف ماخططت ح انكلم خوي سند يجي يقعد معاهم ويأخد أذن ويطلع من غاذي بالسيف عليه.......
اني: اي هكي احسن في حال ماوافق الخرا للي في المكتب.....
هي بنخش بسم الله الرحمن الرحيم أعوذ بالله من الشيطان الرجيم 😂🙂
أني: طق...... طق
المدير: عيونه في الورق رفع حاجبه وشاف للباب أدخل
أني: نزلت الجاكيت متعي تنفست نفس عميق ودخلت...
المدير: قاعد يقرأ في الورق واني انقدم خطوة وحدة ونوقف!
اني: ااا ومش عارفة كيف نبدأ؟
المدير: أهيا ورقة الفصل متعك كنت عارف انك مش ح تقدري وانتي تعرفي ماانطيح في كلمة 🙂
أني: انصدمت هذا كيف عرف، معاش عرفت شن اندير مديت يدي وشفت أسمي مكتوب وتوقيع المدير متع الفصل نقرأ ومصدومة وملامح وجهي تغيرووا
المدير: كنت عارف وخلاص توا تفضلي توا في عيونه نضرة استحقاار
أني: خنقتني العبرة حسيت حاجة تكسرت داخلي فكرت في المستقبل وبعد ماننفصل وماانحصل عمل بعدها بلعت ريقي 😐😐.....
تكلمت بنضرة حادة...
أني: وأني مش قالك مش موافقة وكنت جابة بنقولك موافقة اني نمشي 😐🥱😏
المدير: اهاا كويس وقف أبتسم أبتسامة صفراء خدي الورقة مني؟!
أني: واقفة نتفرج على الحقارة والحقير 🙂
المدير: شد الورقة رفعها لقريب وجهه ومزقها وابتسم
اني: تمام امتا ان شاءالله؟
المدير: توا اتفضلي برا بعدين ح تعرفي كل شيء
أني: لفيت وحسيت روحي درت حاجة كويسة وبينت اني قوية قدامه والله يعلم بالضعف للي كان في داخلي 💔💔💔
المدير: اني عارف ومتأكد انها كانت رافضة وبعد شافت الورقة وافقت اي هكي تستاهل 😏
أني: جوي تعكر وستين موضوع في رأسي.......
_____________________________
محمد: ماما جعان؟؟
أمه: عصبت وفي سرها واااك والله ماعندي مانعطيه بكل شن الفرخ هذا يأكل وبس ،، بديت نتحشم حتى انخش لمظبخ أهلي من أمي للي اتعارك...
باهي توا انشوفلك ماتاكل وناضت طوول
محمد: باهي وقعدت انشوف فيها وهيا طالعة وكانها مهمومة......
أمه: طلعت وخلت باب الدار مفتوح ولأول مرة من دون مااتحس..
محمد: الباب مفتوح قعدت شوي في مكاني تأكدت من أمي تبعدت قعدت مركز على صوت المكان للي بعد الدار بحكم منعرفش شن في!!
نضت نمشي خطوة خطوة وعندي أمل في يوم أني نطلع من الدار هذه وفرحان هلبا 😓😓
طلعت وجهي شفت مافيش حد تخطيت عتبة الدار واني طالع سمعت صووت عالي منعرفش منين جاي ونفس صوت المرآ للي نسمع فيها مرات ( جداي)
كانت اتقول (مصروف ماعاش يسد بكل شنو الحالة هذه 🙂 كل واحد يدير حل لروحه وان شاءالله)
محمد: نسمع ومش فاهم شيء ،، وفهمت من لما أمي ردت عليها....
أمي: الله غالب نعرف أني عبيء عليكم أني ومحمد بس شن اندير نقتل روحي ياأمي؟
محمد: تقربت أكثر للصوت وكان جاي من المظبخ انصدمت لما سمعت أمي قالت ياأمي قصدك هذه أم أمي؟
باهي شن هما الظروف للي تحكي عليهم أني وين بابا علاش من عايش حياتي مع بابا وفي حوش واسع وبروحنا 😓💔
قربت ولأول مرة انشوفها أم أمي منعرفش حتى شن أسمها......
محمد: رجعت بسرعة للدار خشيت وسكرت وراءي الباب مش أمي مااتشك فيا طلعت رجعت مكاني الاول حطيت رأسي لووطا وانفكر في هلبا حاجات من ضمنهم بوووي وين؟💔
كان نعرف علاش أمي دايما معصبة مني ومع إني مااندير في شيء؟
قاطع عليا صوت معدتي للي دار صوت قووي من الجوع حطيت يدي على معدتي دخلت أمي؟!
محمد: نشبحلها وخايف خفت تعرف من نضرة عيوني أني سمعت شيء ولا تعرف أني طلعت برا الدار......
أمي: هذا الموجود كول وخلاص؟
أنت تقرأ
أعماق مؤلمة 🤎 ((روايات ليبية))
Teen Fictionرواية اعماق مؤلمة للكاتب سيف القماطي رواية قوووية زي مسألة شرف 🤎🤎 تصميمي صورة الغلاف 🤎
