كانت رهف نائمه بسلام مثل الملاك لكن فتح الباب ودخلت حور بهدوء حتي وصلت امام رهف وصرخت:
رهههههههههف
استيقظت رهف وكانت ستقع علي الارض من الخضه: ايه يا حور مش هتبطلي تصحيني كده
حور: لما تبقي انتي تصحي بدري وتبطلي تسهري انا هبطل اصحيكي كده ويلا اصحي عشان نروح المدرسه سوا
رهف: الله انا بحب اول يوم في السنه بحس انه عيد مع اني بكره المدرسه بس بحب اول يوم 😂
حور: طب قومي يلا وانا هستناكي برا مع خالتو امل عبال ما تلبسي
رهف: طيب قوليلها تحضرلي السندوتشات والنبي
حور: شغاله عندك انا ها
رهف: يعني هو انتي اللي هتعمليهم انتي هتقوللها بس
حور: ماشي بس يلا انجزي يا زفته هانم
خرجت حور ودخلت عند امل
استوب(امل مامت رهف بتحب بنتها جداً وبتعامل حور زي رهف بالظبط ده حتى رهف بتقول دايما ان حور اللي بنتها مش هي😂)
حور: صباح الخير يا خالتو عامله ايه
امل: الحمدلله يا حور ايه الرقه اللي نزلت عليكي مره واحده دي 😂😂
حور: لا انتي فكرتي ايه انا بسألك عامله ايه علي الفطار افهموا صح مره بقا
امل: ماشي يا ام لسان طويل مش عارفه امك مستحملاكي ازاي
حور ببرود: خلصتي يا خالتو
امل ببلاهه : المفروض ايوا
حور: طيب مقولتيش برده عامله ايه علي الفطار 🙂
امل: انا عمللكوا شويه ملوخيه انما ايه تاكلي صوابعك وراها
حور: لا شكراً اروح افطر في بيتنا احسن
امل: ليه يابت ملها الملوخيه نفسي افهم
حور: انا بشوفك بتعمليها بقول ده انا هاكل لما اشبع بس مش ده اللي بيحصل لما باكل منها
امل: طيب امشي من هنا يابنت نوال امشي من وشي
حور: طيب بس متزوقيش 😂
خرجت رهف وقالت: يلا يا حور مش عايزين نتهزق من اول يوم
حور: يلا ياختي مانتي اللي بتأخريني مدي قدامي
وقاموا بتوديع امل وغادروا
__________________________________________
بس كده ودي نهايه البارت الاول نكمل البارت الجاي انا عارفه انه صغير بس علشان اول مره بعد كده هيبقا طويل عن كده
أنت تقرأ
حب بعد عداوه ❤ (قيد التعديل)
Humorهن صديقات منذ الطفوله لا يفترقن مهما كانت الاسباب وتجمعهم نفس التصرفات ولكن يختلفون في التفكير لكل واحده منهن تفكيرها الخاص وميول وصفات لكن كل من يراهم ويرى صداقتهم يظنهن اخوات . كانوا اولاد و اصبحوا رجال اقوياء عاشوا المرح و الحزن و الجد سويا لكن...
