حب بعد عداوه ❤ (قيد التعديل)

الجزء التاسع 9

وجود صديق سيجعل أيام العمل أكثر إشراقًا.
ـــــــــــــــــــــــــــــــــــــــــــــــــــــــــــــــ
دخلت حور الي المنزل مع نزول ياسين على الدرج و وقف ونظر لها بتحدي وهى نظرت له ببرود وقالت له: رهف فين مش المفروض تكون فاقت

قالت ذلك في دخول اصدقائها و سهام وهي تركض ويأتي زين من خلفها وهو يلهث

قالت رغده: ايوا هي رهف فين

ياسين ببرود: لسه مافقتش

حور: يعني ايه لسه مافقتش مش قولت انها هتفوق انهارده

ياسين: ومافقتش هعمل ايه يعني

دعاء: ولا انت عبيط

ياسين: اسكتي يا بت انتي احسنلك انتي متعرفيش انتي بتكلمي مين ولا ايه لا اصحى وفوقي كده

دعاء بردح مصري اصيل: نعم نعم بت اما تبتك سمعني تاني كده قولت ايه انت هتشوف نفسك ولا ايه ده انت حته دكتور لا راح ولا جه

ياسين: احترمي نفسك يابت انتي وانا قولت اللي عندي وهي لسه مافقتش

حور: ماشي بس هناخدها معانا واحنا ماشين

محدش هياخد رهف في مكان

كان ذلك صوت مالك الذي آتي للتو

رغده: يعني ايه مش هناخدها انتوا ناوين على ايه

سهام: انا عرفت من الاول انتوا اكيد مافيا وهتبعونا اعضاء بس انا مش هسمحلكوا بكده أبداً

زين: بس ابت اسكتي

سهام: ولاااا احترم نفسك يابا لاااا ده انت متعرفناش

مالك بعصبيه: اسكتوا بقا ايه مش بتفصلوا اولا صحبتكوا دخلت في غيبوبه والدكتور قال ماينفعش تتحرك

حور: ايه الكلام الفارغ ده وانت فاكر اني هصدقك لا تبقى غلطان

مالك: والله ممكن حضرتك تتصلي بنفسك بأي دكتوره وتيجي تشوفها وهتقولك نفس الكلام

حور: ماشي انا هرن فعلاً على اي دكتوره وهتشوف ان الدكتور اخوك حمار

كان ياسين سينقض عليها لكن امسكه مالك وقال اهدى كده مش عايزين كل حاجه تبوظ انت اول ما الدكتوره تيجي هتروح معاها وتفهمها على اللي عيزينه تمام

ياسين وهو غاضب من افعال حور: تمام بس وربنا ما هاسبها

اتصلت حور بطبيبه و جائت وذهب معها ياسين في الخفاء وقال لها ان حور زوجه مالك و ان اهلها يودون اخذها بالغصب فقالت الطبيبه: لا حول ولا قوة الا بالله طيب وهما عايزين يخدوها ليه هي مش مرتاحه هنا يابني

ياسين بتمثيل: أبداً والله دي بتموت في حاجه اسمها مالك و احنا بنعاملها كويس جداً بس هما عايزين يجوزوها لي واحد تاني غصب عنها