هن صديقات منذ الطفوله لا يفترقن مهما كانت الاسباب وتجمعهم نفس التصرفات ولكن يختلفون في التفكير لكل واحده منهن تفكيرها الخاص وميول وصفات لكن كل من يراهم ويرى صداقتهم يظنهن اخوات
.
كانوا اولاد و اصبحوا رجال اقوياء عاشوا المرح و الحزن و الجد سويا لكن...
دعاء: هو انا قولت حاجه ليكي انا بقول لرهف ورغده وسهام كنت جبت سيرتك
حور: اه بحسب ناس متجيش غير بالعين الحمرا
ضحكوا جميعا و رن جرز الطابور وبعدما انتهوا صعدوا الفصول و قاموا بضم المقعدين بجانب بعضهم كما كانوا يفعلون كل عام وجلسوا بجانب بعضهم البعض و دخلت المعلمه و تعرفت عليهم وبدأت الحصه
و بالرغم من ان الخمسه يكرهن المدرسه لكن عندما يأتي وقت الدراسه تنتبه كل حواسهم وكانوا مندمجين مع المعلمه و عندما انتهت الحصه أعطتهم المعلمه تدريبات خاصه بالدرس و دخل معلم اخر حتى مرت 3 حصص
وحور ورهف بدأوا يشعرون بالملل اما رغده ف نامت علي المنضدة وسهام اخرجت سندوتشات و بدأت ب اكلها
ودعاء كل دقيقه تخبرهم: ياختي انتي وهي والنبي عايزه اكل طيب اي حاجه الحق نفسي قبل ما اموت
دعاء: طب هركز ازاي انا انتوا عارفين اني مش بعرف اركز الا لو شبعانه
و قاطعها سماع صوت (حقيبه الطعام) و هي تفتح التفتت ببطئ و فجاءة دعاء: اععععع خيانه عظمى انتي بتكلي وسيباني كده وانا اللي كنت فاكره انكوا بتحبوني كلكم غدرتوا بيا
و اصبحت تبكي بدراميه
رهف وحور في صوت واحد ببرود: خلصتي المشهد بتاع كل مره
دعاء: ايه ياختي انتي وهي انا جعانه بجد والله اكلكوا واحدة ورا التانيه دلوقتي
سهام: لا وعلي ايه الطيب احسن 😂
واعطتها طعامها و عادت دعاء لطبيعتها وبدأت بالاكل وبعد مده رن الجرز يعلن عن وقت الاستراحه و خرجوا جميعا و لكن اصطدمت رهف بفتاة عند خروجها
ولم تكمل كلامها بسبب حور التي هجمت عليها هي ودعاء ورغده تحاول فض النزاع بينهم وسهام ذهبت لترى رهف
سهام: اهدي يا رهف خلاص هناخد حقك متعيطيش نظرت رهف اليهم و وجدت رغده تحيل بين حور و ريماس ودعاء تضع يدها في فمها و تأكله بشكل حرفي
حور: سبيني عليها قال بيئه قال يا رغده سبيني انا بس هشد شعرها وهاجي
وريماس تحاول ابعاد دعاء عنها و لكن دعاء ابت ان تدعها و رهف و سهام انفجروا من الضحك و كأنهم لا يتشاجرون الان
و جائت المعلمه و ابعدتهم عن ريماس وقالت: يلا كلكوا على غرفة المدير قدامي
دعاء بهمس لرهف: منك لله يارهف يابنت ام رهف اشوف فيكي يوم بقا انا اروح للمدير من اول يوم 😤
حور: منك لله يا رهف هو انا اللي غلطانه محدش قالي ادخل
رهف: اه يا واطيين ماشي انتي وهي ذهبوا الى غرفه مدير المدرسه الذي يدعى سيد: ايه من اول يوم كده مصيبه انتوا مشاغبين و مش بتتهدوا مع انكم شاطرين
دعاء وحور في صوت واحد: احنا ملناش دعوه رهف هي السبب
رهف: انتوا ايه بتعترفوا من اول بصه هتودوني في داهيه منكوا لله 🙂
المدير: يلا اتأسفوا لريماس
حور: والله ما يحصل هو انا بتأسف لامي لما اتأسف لي دي دعاء: عليا النعمه ما هتأسف لحد
رهف: بس يا حضرت المدير هي اللي غلطانه و قصت للمدير علي كل ما حدث
المدير: ماشي روحوا فصلكوا يلا وانتي يا ريماس تعتزري ليهم وخليكي كويسه مع صحابك يعني خلي اسلوبك احسن من كده و انتوا خليكوا صحاب يا بنات ده انتوا حتى بنات منين الرقه
حور وهي تلوي فمها: ده بيقول خليكوا اصحاب ده بيحط البنزين جمب النار
دعاء: لا و بيقول رقة ده بيغلط فينا علفكره
و بعد ذلك ذهبوا و اكملوا يومهم الدراسي و ذهبت كل منهن الى منزلها ___________________________________________ نكمل بعدين يا رجاله انا طولت في البارت شويه اهو انا عارفه انه مش كبير اوي بس انا مكدبتش هو اطول من التاني 😂
