حب بعد عداوه ❤ (قيد التعديل)

الجزء السابع 7

صعدت الي بيتها وهي تتسلل وفتحت باب شقتها وجدت

المكان هادئ فتنهدت بارتياح وتوجهت الي غرفتها ولكن

تأتي الرياح بما لا تشتهي السفن فوجدت يد تمسكها من الخلف مثل اللص فصرخت حور: اعععععععع ايه يا حجه هو في كده انتي وقفتيلي قلبي وكمان بيوظتيلي بريستيچي بالمسكه دي انتي ماسكه حرامي فراخ

نوال: بت انتي انا مش ناقصه فقع مراره كل ده كنتي فين تعرفي اني كنت هنزل الف عليكي في الشوارع

حور: ايه هتمشي تقولي عيله تايهه تايهه يا ولاد الحلال

نوال: لا هنزل اقول عيله فاسده فاسده يا ولاد الحلال 

حور: ليه كنت علبه لبن 😂😂😂

نوال: امشي من قدامي غوري جبتيلي المراره

توجهت حور الي غرفتها لكن نوال اوقفتها: انتي يابت مقولتيش ايه اخرك كده و لقيتوا رهف ولا لا

قصت حور علي والدتها كل شيئ يخص رهف

نوال: يالهوي طيب هي كويسه وازاي يابت تسيبيها لوحدها هناك

حور: لا متخافيش دول باين عليهم ناس محترمه وكمان في ست كبيره هناك وباين عليها ست طيبه وتعرف ربنا وهتاخد بالها منها

حور: انا هدخل انام بقا في جامعه بكره وحاجه زي النكد

_______________________________________
في بيت دعاء ووالدتها اماني

دخلت دعاء و وجدت المكان مظلم وهادئ فتوقعت ان والدتها نائمه فتوجهت الي المطبخ وظلت تقلب في الثلاجه وهي تقول: ولاد المعفنين مصاصين الدماء دول محدش فيهم جاب لينا حاجه تتاكل

اثناء ما كانت تحدث نفسها وجدت مره واحده شئ صلب
علي رأسها و والدتها تصرخ وتقول: حراااامي الحااااقونييي لا وحرامي مفجوع يوه يخيبك هو انتي يا طفسه كنتي فين يابت اتأخرتي ليه ورهف ملها

دعاء بألم وهي ممسكه برأسها: بس بس ايه مش تسألي علي بنتك اللي جيبتلها ارتجاج في المخ الاول

اماني: ولا اكني سمعت حاجه محدش قالك تعالي اتسحبي وتسرقي الاكل من التلاجه

دعاء: ايه بسرق دي على فكره انا اللي ممشيه البيت ده وموقفاه علي رجل لو مش انا كان زمنا بنشحت علي باب الحسين صدقي فكره بس بدل ما اشحت فلوس انا ممكن اشحت اكل علشان مش كل شويه تمسكيلي علي الواحده

اماني: اخلصي يابت وبطلي رغي البت رهف عملت ايه

دعاء حكت لوالدتها كل ما حدث

اماني: يا حبيبتي وتسبوها لوحدها يا ولاد بقا هي دي الصحوبيه انتوا عيال واطيه واطيه واطيه

دعاء وهي تصفق: لا بجد ابهرتيني ايه اللي هي دي الصحوبيه و عيال واطيه انتي شاربه ايه يا اماني