ارقى انواع الاناقه أن تكون بعيداً عن القيل و القال نظيف القلب ناصع الفكر طيب الاخلاق و جميل المشاعر
______________________________________
خرج مالك من مكتبه بعد مدة طويله فوجد الجو هادئ و الظلام دامس فصعد إلى غرفه والدته فوجدها مستيقظه
فقال : عامله أيه يا ست الكل اسف لو اتأخرت عليكي بس كان عندي شغل كتير
حبيبه: لا يا حبيبي ولا يهمك انا اصلا كنت بصلي و لسه مخلصة
مالك: اللهم تقبل منا و منكم
حبيبه : يارب يا حبيبي ها قولي ايه حكايه رهف و ليه حاسه اني اعرفها من زمان مش من كام يوم
مالك : لا يا امي انا مش عايزك تحسي بكده انا عايزك تتأكدي من ده لان فعلاً رهف مش غريبه عليكي و لا علينا كلنا
نظرت له حبيبه بحيره فقال مالك مسترسل حديثه بنظرة غامضه : هقولك بس حاولي تتحكمي في رد فعلك علشان في حجات عايز اتأكد منها و أرتب لكل صغيره و كبيره
حبيبه بقلق : قول يا مالك قلقتني
مالك: رهف ياستي تبقى .........
حبيبه بانفعال : ايه انت اكيد بتهزر يعني ايه كلامك ده
مالك : والله يا ماما زي ما قولتلك كده حتى انا نفسي انصدمت زيك بالظبط
حبيبه: انت عارف ايه اللي هيحصل لو حد من الصعيد عرف هيكون في نصيبه و حلت على دماغ البنت دي ممكن تروح فيها
مالك: اهدي بس محدش هيعرف يقرب منها طول منا عايش و لو انا لقدر الله روحت للي خالقني في من بعدي ياسين و زين و فهد و حمزه وانتي و أصحابها يعني مش هتبقى لوحدها
حبيبه: بعد الشر عليك يا حبيبي متقولش كده يابني
مالك: ولا شر ولا حاجه كل حاجه من عند ربنا حلوه
حبيبه: ربنا معاك يا بني و تعرف الحقيقه و ينور مخك
مالك: يارب يا ماما يا رب و يخليكي ليا ❤️
____________________________________
كانت حور و والدتها يتجهزون للاستماع لمسلسلهم المفضل حب ابيض واسود ( طبعاً في واحده عارفه المسلسل ده كويس اوي 🙄😂)
و لكن لم تجد حور الشكولاته لأن حور من عشاق الشكولاته على عكس رهف تماماً
حور: ماما انا هنزل اجيب شوكولاته من عمي محمد
نوال: لا مينفعش الجو ليل انتي عايزه تنزلي تحت حرامي يجي فجأة اقوم انا اجري و اصوت و اقول الحقوا الحرامي من بنتي
كانت حور تستمع لكل هذا بشبه ابتسامه لخوف والدتها عليها لكن انمحت الابتسامه عندما أكملت نوال حديثها
فقالت حور : وانا اللي كنت فاكره انك هتبقى خايفه عليا طلعتي خايفه على الحرامي
نوال: طبعاً اخاف على الحرامي يا عين امه بيشوف شغله و في حاله و تيجي انتي و تقطعي لقمه عيشه و بعدين اخاف عليكي ده ايه ده انتي تخوفي بلد
أنت تقرأ
حب بعد عداوه ❤ (قيد التعديل)
Humorهن صديقات منذ الطفوله لا يفترقن مهما كانت الاسباب وتجمعهم نفس التصرفات ولكن يختلفون في التفكير لكل واحده منهن تفكيرها الخاص وميول وصفات لكن كل من يراهم ويرى صداقتهم يظنهن اخوات . كانوا اولاد و اصبحوا رجال اقوياء عاشوا المرح و الحزن و الجد سويا لكن...
