حب بعد عداوه ❤ (قيد التعديل)

20

نوال: ده عندهااا

رهف: طنط ايه الالفاظ دي عيب مش كده
ثم اتجهت بنظرها الى اكبر مخاوفها و هي والدة سهام

و نظرت لها بإبسامة مرتبكه و قالت: ها يا ست الكل ايه رأيك

والدة سهام: نوال قالت ايه

رهف بغباء: قالت ده عندها

والدة سهام: بس هو فعلا عندها روحي اسأليه بقى

رهف: ايه يا دنيا ايه يا بشر ايه يا عالم ايه في ايه تاني يا ولاد اي مساعدة كده

حور: ايه يا خلق

رهف: ايوا صح ايه يا خلق

والدة رغده: انا طلعوني من الموضوع انا و بنتي

رهف: ليه كده اعسل ده انا بقول مفيش غيرك

اماني: انا عن نفسي موافقه بس كلب البحر اللي هناك دي تيجي بعريس

دعاء: ده اللي همك يا نبع الحنان عايزة تخلصي مني للدرجه دي مش طيقاني

اماني: يا شيخه اتنيلي و ايوا عايزة اخلص منك مش علشان مش زي اي ام ما بتقول ان عايزة افرح بيكي و كده لا ده انا مش عارفه هأكلك منين بقيتي عامله زي البقرة

دعاء: ماشي ماشي انا هخلي قرة عيني يأكلني و هو اللي هيطبخ كمان

اماني: يارب يطبخك انتي يا بعيده يطلع من اكل لحوم البشر و نخلص و بعدين انتي كده بتعترفي انك بقرة عايزة تاكل و بس

رهف: خلاص كفايه و النبي هبقى اجيبلها عريس والله بس تيجي معايا و بعدين اعتبروا انها رحلة ده هو اسبوع مش اكتر يعني مش هنطول و كمان مريم جايه معانا

والدة سهام: لا و كده طمنتيني محسساني ان معاكي ست العاقلين و الفاهمين مهي بجرة حلوب هي كمان

مريم: حبيبتي يا ست الكل و الله طالعه منك زي العسل

نوال: والله سبيني افكر مع نفسي لحد بكرة

رهف: يا سلام هتفكري مع نفسك بردو يعني مش هتقعدوا تلعبوا في دماغ بعض

نوال: لا كده هغير رأيي

رهف: انتي لسه قولتي حاجه علشان تغيريها

نوال: شيلوا البت دي من قدامي

رهف: لا و على ايه انا هدخل انام من سكات بس افتكروا اني امانة امل صحبتكوا و اختكوا اللي سابتها و افتكرولي اي حاجه حلوة

اماني: مفيش

رهف: حبيبي اللي جابر بخاطري

اماني: عجبك من عينيا هتلاقي من ده كل يوم

كل هذا و كانت حور تغط في نوم عميق هي و رغده و لم يعيروا للنقاش اي اهتمام

بعد نقاش طويل وافقت الامهات و اخيرا و ذهبت كل فتاة الى منزلها لتحضير مستلزماتها و النوم قليلا
ليستعدوا الى ما هو قادم