- عامية أم فصحى؟
- عامية
- الاسم اللي تحبي تتعرفي بيه؟
- شروق محمد، اسمي الحقيقي
- تفوقتي على عمرك؟
- لا أنا مش شايفة إني تفقوت،الموضوع متعلق بالشغف و إن الواحد يشوف يحب يعمل ايه و يعمله، متخلوش العمر يحسسكم إنكم صغيرين و مش هتعرفوا تعملوا حاجة
- رأيك في سوق الكتابة؟
- شايفة إن في كتاب كويسين و فوق العظمة و كل عمل أروع من التاني، متنبألهم بمستقبل كبير، و فئة تانية بتحاول تنمي من نفسها أكتر بعملها، و أحب أقولهم إن كلهم عظمة و إن الhard work بيغلب الموهبة
- الكاتب اتظلم بسمعة الكئابة؟
- اه طبعًا، مينفعش نحكم على كل الكتاب إن ليهم نفس الشخصية، كل كاتب متميز بشخصيته و بالذات إن أعماله مش دليل كامل عن شخصيته
- ايه النمطية في المجتمع اللي عايزة تغيريها؟
- لحد دلوقتي مغيرتش أي صورة نمطية أو مركزتش، بس لو حابة أغير هتكون الطب النفسي و المرضى النفسيين، أتمنى إن النمطية السيئة دي تتمسح من العالم، بحيث إننا نخلي المجتمع مكان صحي و نعبر فيه عن احتياجنا للمساعدة
- خوفتي تكتبي؟
- اه كنت حاسة إن دا مجرد حاجة جت في دماغي و إني مليش في المجال دا و خوفت من ردود الأفعال و خوفت حاجة أظلمها بوصفي، و بعدين اكتشفت إن الموضوع مش محتاج الخوف دا كله
- شعورك لما تموتي شخصية و القراء يغضبوا؟
- هو أنا طبعًا بزعل أكتر من القراء، بس باجي على شعوري عشان حبكة الرواية و أرجع نفسي لواقع إنهم مجرد شخصيات، و بالنسبة للقراء أنا أسفة و بحاول أفهمهم وجهة نظري
- الجيل الجديد هيحب القراءة؟
- الفن عامة ليه جمهوره و القراءة هتلاقي جمهورها
- للواتباد مستقبل أم أنه مرحلة
- هيكون ليه مستقبل لو أعطى الواتباد العرب امتيازات الأجانب مثل الpaid stories، فلو حبيت أستسمر في الواتباد أكيد هحتاج الخاصية دي، مش بس ال paid stories، و المسابقات كمان، و إن في فرصة للأجانب رواياتهم تخش مسابقات و تطبع في بلاد برا و تتعمل أفلام
- هل الكاتب الشاب متأثر بهوليود و نتفيليكس؟
- اه، عمومًا هوليود بقوا بيتيحوا فرص أكبر للخيال عن المصري زي الفامبيرز، الفضاء، الزومبيز، الوباء. الأعمال العربية اتحرقت لكن هوليود بتدي الكاتب خيال خاص
- مشاريعك القادمة؟
- أنا بشتغل على رواية اسمها احذر انعكاسك بتنزل حاليا، و في الشتاء في رواية مستقرتش على اسمها، بس هي حلوة، أتمنى متخيبش ظنونهم
- وعد للقراء؟
- إني أحاول أخليهم يلاقوا التميز في أغلب أعمالي و أحاول أحسن من نفسي أكتر
- نصيحة للكتّاب؟
- ميتأثروش بالتفاعل و يخلوا عندهم صبر أكتر و يفتكروا إنهم بيكتبوا لنفسهم، و إنهم يكونوا عندهم أمانة في اللي بيكتبوه و اللي عايزين يوصلوه للقراء، و متعملوش روايات للقارئ شوفوا اللي يناسب طابع الرواية
- استمتعي؟
- استمتعت جدًا
أنت تقرأ
داخل عقل الكاتب
Randomداخل عقل الكاتب تكمن حياوات، أحداث، أكوان موازية، مشاعر متدفقة، شخصيات كثيرة لا حصر لها، براكين و زلازل، ضحك و بكاء، حروب تخر لها الجبال، و عصور طال عليها العمر. آن الأوان أن ندخل هذا العقل و نتحدث معه قليلًا #1🥇interview #1🥇 حوارات
