- اسمك اللي تحبي تتعرفي بيه ؟
- كنت معروفة ب"بحر" قبل ما اعمل الجروب، بعد ما عملت الجروب بقيت "هنون"
فا اشطة يعني سواء هنا أو هنون مفيش فرق
بحب الناس لما تتعامل بعشم وتقولي هنون على طول
- بما ان العمر مجرد رقم،هل تفوقتي على عمرك يا هنون؟
- لا متوفقتش على عمري خالص
- رأيك في سوق الكتابة؟
- زي أي سوق في الدنيا فيه الحلو والوحش، بس سوق الكتابة تحديدًا الوحش فيه مش بيكون مجرد منتج وحش، عشان الكتابة بتأثر في الوعي المجتمعي، وأخلاق الناس، وقيمهم، ومعاييرهم
فا بحس سوق الكتابة فيه انتاج كتير سيء، وانتاج اكتر غير اخلاقي ولازم يتم تصفيته بأقرب وقت
اي حد مش عارف الالف من كوز الدرة يطلع يعملنا كتاب بيحرض الناس على افكار سيئة ومنحطة وغير اخلاقية، واي حد من عارف الالف من كوز الدرة كذلك عايز يطبع كتاب
مين فينا مش عايز يطبع كتاب؟بس السؤال هل انت مؤهل لده؟ تستحق ده؟ كتابك هيعمل فرق ايجابي في عقلية الناس؟عشان نعرف انت او انا او اي حد يستاهل ينشر كتابه ولا لأ، لازم الرقابة يكون ليها دور أكبر بكتير من ده في عمليات نشر الكتب
- ايه مخاوفك من دور النشر؟
- في حالة لو أنا فكرت أطبع كتابي ولا في حالة لو غيري طبع كتابه؟
- الاتنين
- أنا خايفة مكونش أهل للنشر، كتبي ولا روايتي متكونش تستحق تتنشر، ويكون ليها أثر سلبي عالناس وانا مش مدركة ده
وخايفة لو حد طبع كتابه ميكونش اهل لده برده، خصوصا لو مشهور وله شعبية والناس هتطبلله على اي حاجة
فيه ناس كتير مشاهير على واتباد وبيطبعوا رواياتهم مؤخرًا، ولكن فيه فئة كبيرة منهم رواياتهم كلها عبارة عن ابتذال روائي، وجواز اجباري، وسرد ركيك، واحداث ركيكة
- بعد ما بقت الكتابة سهلة بسبب الدور الاكتروني
هل اغلب الأعمال تفتقد المحتوى و القضية؟
- اه طبعًا
- الواتباد ظالم في بعض الأحيان؟
- من ناحية ايه
- الشهرة مثلا
- اه ممكن ظالم في جزئية الشهرةعشان اي حد بيكتب اي حاجة اباحية بيبقى ضامن لنفسه شهرة من الهواولكن محبة الناس ورأيهم مش ظالمين خالص
- الواتباد مجرد مرحلة ولا ليه مستقبل؟
-- بالنسبالي مرحلة
- هل ممكن حد يستفاد منه في المستقبل ولا الظلم اللي بيتعرضله العرب هيمنع دا
- يستفاد من ناحية ايه
- يكون زيه زي الكاتب الورقي
و الواتباد يكون منصة معتمدة من الجميع زي الكيندل مثلا
- لا معرفش بصراحة، كده كده سواء واتباد ولا اي تطبيق كتابة تاني بالنسبالي هما مجرد مرحلة، اتدرب فيها واعلم نفسي الالتزام واكون قاعدة جماهيرية ولو فتفوتة واسمع آراء كتير قبل ما أطبع روايتي او كتابي او واتيفر
- ازاي الكاتب يخرج من زون المرقعة
- يحدد أولوياته كل فترة، ويكتب أهداف واقعية
يعني مثلا، انا حاليًا في أجازة، فا انا اولوياتي أكتب في روايتي وأخرج اتفسح وكذا وكذا
تمام، بعدين بحدد عايزة اكتب قد ايه في روايتي، مش بقول 100 فصل في 3 ايام، عشان مش هتحقق ده وهتحبط، بحدد عدد معقول وأزيد سيكا من المعقول عشان يحفزني أخلص
مش معقول أبقى في فترة امتحانات واقول اني "بتمرقع" عشان مش بكتب، لا هي بس مسألة أولويات وتحديد للأهداف كمان يعرف هو بيكتب ليه، انا بكتب عشان اوصل لإيه؟ ولا بكتب عشان أوصّل للناس ايه؟ساعتها الهدف الاكبر من الكتابة، هيبقى حافز للشخص انه يكتب
- هل محتاجين نفلتر الكتاب ولا من الحق الكل يكتب
- مينفعش سفاح ولا قتّال قُتلة ييجي يقول فين حرية الرأي انا لازم انشر كتاباتي ويدبدب برجله في الارض
انا معرفش "الكتابة" حق للجميع ولا لا،
انا اعرف "نشر الكتابة" حق للجميع ولا لا
النشر طبعا مش حق للجميع، مش اي حد يستحق ينشر كتاباته، ممكن يبقى علمه ناقص، ممكن يقول معلومات غلط، ممكن يحرض على حاجات غلط، ممكن اسلوبه يأثر في الناس بالسلب
فا لازم رقابة عشان مش كل الناس تستحق تكتب، ومش كل الأعمال تستحق تتنشر
- الأدب متحرر ولا مش كل حاجه تتقال؟
- على حسب ايه اللي هيتقال، ومين اللي هيقوله، وفي سياق عامل ازاي، ونهاية الحوار عاملة ازاي، ومين الفئة اللي هتقرا، وهكذا يعني
- نضرب مثال
رواية موسم صيد العزلان لأحمد مراد لو قرأتيها
كان فيها جرعات الحادية و جنسية كتير جدا بسبب و بدون سبب
لما اتسأل عنها جاوب انه مفيش جرعة للالحاد او الجنس و هو بيعتقد ان اي حاجة تتكتب
- أنا مقريتش لأحمد مراد قبل كده، ولكن أنا شايفة ان مش اي حاجة تتكتب طبعا ديه تبقى زريبة مش مجتمع له نظام وقوانين وقيم
لو اي حد حقه يكتب اي حاجة، المتحرش كمان يومين يطلع يحكيلنا معاناته مع البنت اللي استفزته عشان يتحرش بيها، والقاتل يحكيلنا عن متعته وهو بيقتل الشخص اللي ضايقه، وخلافه
كل حاجة لازم يكون ليها حدود، وآداب، هي مش زريبة عايشين فيها
- مشاريعك القادمة ؟
- بالنسبة للكتابة، فا عايزة اخلص امتحاناتي بقى عشان أفوق للجروب اللي راكناه من يوم 20/5، واشوف هنعمل ايه لو حبينا نتقابل، واكتب شوية في الرواية واعدلها، واكمل في كتاب الاغاني والمراجعات
- وعد للقراء؟
- اه ان شاء الله
- نصيحة للكتاب ؟
- كان القمر نفع نفسه والله😂
النصايح اللي هقولها مش بالضرورة اني بنفذها 100%بس يعني، ككاتب لسه جديد، بلاش ابتذال ولهث وراء المشاهدات على حساب معاييرك الاخلاقية
- استمتعي ؟
- جدا بجد
الاسئلة جديدة ورايقة
أنت تقرأ
داخل عقل الكاتب
Randomداخل عقل الكاتب تكمن حياوات، أحداث، أكوان موازية، مشاعر متدفقة، شخصيات كثيرة لا حصر لها، براكين و زلازل، ضحك و بكاء، حروب تخر لها الجبال، و عصور طال عليها العمر. آن الأوان أن ندخل هذا العقل و نتحدث معه قليلًا #1🥇interview #1🥇 حوارات
