sanimse__
- اسمك اللي تحبي تتعرفي بيه؟
-چنى
- بما ان العمر مجرد رقم، هل تفوقتي على عمرك ؟
-آه جدا، بس دايما مقولة أفكارك وعقلك أكبر من سنك
- رأيك في سوق الكتابة؟
-مليء بالحاجات السيئة اللي لا تستحق الرؤية، ومليء بالكنوز المخفية اللي تستحق تتحط في متحف.
- القضية النسوية محتاجة دعم كتابي اكتر؟
- جدا، الكتابة نوع من انواع الفن اللي ممكن توصل بيها لعقل القارئ بطريقة مباشرة وترسخ أفكار محددة فيه يكون بيدافع عنها من منظوره.
أنا شايفة إن النسوية إذا تم التركيز عليها في الكتابة وتم إزالة المحتوى اللي البعض بيعتبروه كوميدي وفيه إهانة للمرأة، هنكون بنعيد تشكيل قالب الأفكار من تاني.
- هل في كاتب ممكن يكون قاصد يروج لحاجة فيها إهانة او إساءة للمرأة؟
- أكيد، كل كاتب مسئول بشكل مباشر عن كتاباته حتى لو كانت هزليه، وكل كاتب بيحط من أفكاره في كتاباته وبيرسخها في ابطالها.
- ازاي عرفتي موهبتك؟
- بكتب من وأنا طفلة في حضانة صراحة، بس على الواتباد بقالي سنة وخمس شهور.معرفتهاش، اتعودت عليها.
لما كنت طفلة وبدأت أروح مدرسة مكنش عندي صحاب "على الرغم من كوني شخصية اجتماعية جدا."
وكنت بتعرض للتنمر كتيير جدا، كنت بحب أقرأ مجلات وقصص أطفال، وقتها بدأت أكتب حاجة شبيهه بالمذكرات.
كنت برجع من اليوم الدراسي أكتب كل تفصيلة حصلتلي في حياتي
- كتابك المفضلين؟
- د. أحمد خالد توفيق الله يرحمه، وليد فكري، عمر طاهر، د. أحمد خيري العمري، د.محمد طه، محمد عصمت، فيرجينيا وولف، سيمون دو بوفوار
- تتعاملي ازاي مع القفلة من القراية و الكتابة؟
- بحاول أجرب اسمع بودكاستس ومقالات، مبحبش اضغط نفسي في القراءة أو الكتابة بحب اسيب لكل حاجة وقتها.
- الأدب متحرر ولا مش كل حاجه تتقال؟
- الأدب متحرر، مع وضع قيود للتحرر ده.
يعني حلو إنك تكتب وتتحرر من أي قيد في الكتابة، بس متحرضش الناس على الغلط، ومتبرزش الغلط على إنه حاجة عظيمة.
- مشاريعك القادمة؟
- والله بكتب حاليًا رواية تاريخية أحداثها بتدور في وقت الاحتلال البريطاني لمصر، وناوية أخلصها وأعمل كتاب مقالات بناقش فيه أي حاجة أحس إنها تستحق إن الواحد يتكلم عنها.
- وعد للقراء
- وعد هحاول أخلص الرواية في أقل من 5 سنين😭
- نصيحة للكتاب؟
- اكتب اللي تحسه، واوصفه عشان القارئ يحسه، متكتبش اللي على هوا القارئ على قد ما تكتب اللي على هواك انت.
اسمع للقارئ كإنه ناقد، بس متخليش كلام القارئ هو المحور الجوهري للكتابة.
- استمتعي ؟
- جدا💞💞💞
أنت تقرأ
داخل عقل الكاتب
Randomداخل عقل الكاتب تكمن حياوات، أحداث، أكوان موازية، مشاعر متدفقة، شخصيات كثيرة لا حصر لها، براكين و زلازل، ضحك و بكاء، حروب تخر لها الجبال، و عصور طال عليها العمر. آن الأوان أن ندخل هذا العقل و نتحدث معه قليلًا #1🥇interview #1🥇 حوارات
