Basmala_Mahmoud
-اسمك اللي تحبي تتعرفي بيه
-أول ما بدأت كتابه كنت حابه أسم ' سموذي ' ،بس دلوقتي حبيت اسمي اكتر .
-بما ان العمر مجرد رقم، هل تفوقتي على عمرك
-متفوقتش عليه...بس راضيه عن الي وصلتله حتي الان
-رأيك في سوق الكتابة
-الكترونياً ،بقي صعب جداً وممكن تلاقي فيه كل الكوارث والافكار العقيمه..،بقي اي حد مسموح له يكتب وينشر افكار مؤذيه و غلط..ف شايفه انه بقي عباره عن كارثه.
ورقياً ،شايفه انه نوعاً ما لا بأس به ،عشان في مواهب جديده ظهرت بس الموضوع يعتمد علي دار النشر..في دار نشر بتنتقي الحاجات بأهتمام بالتالي بنقدر نقرأ حاجات نضيفه ،في دار نشر بتطبع وخلاص ف عينك تتلوث من الي بتشوفه وهكذا..
-و انت بتكتبي أعمالك بتخططي للحبكة و النهاية ولا بتسيبيها برزقها
-برزقها🤝
-كاتبك المفضل
-د.أغر الجمال و د.خوله حمدي.
-القراءة عادة ولا اعمق من كدا
-أعمق بكتير
-ايه هي القراءة
-القراءه هي طوله بال وصبر..،يعني الي بيقرأ دا انسان بيستحمل تقلبات القصه سواء كانت حزينه سعيده كئيبه لحد ما بيوصل للنهايه..يعني القراءه صبر وطوله بال ومزاج❤️
-كل كاتب قارئ، فهل كل قارئ كاتب
-كل كاتب قارئ عشان بيكون عنده حصيله لغويه و بيكون علي معرفه بثغرات الكتابه..عشان كدا الكاتب لازم يكون قارئ .
القارئ مش بالضروره يكون كاتب لانه ناس كتير بتقرأ ومش بتستفيد حاجه ولا بتفهم هي بتقرأ ايه اساساً ،وناس تانيه بتقرأ كتسليه مش اكتر ف صعب ان كل قارئ يبقي كاتب.
-معوقات الكتابة؟
-مش حاجه معينه لكن ساعات بيحصل انقطاع افكار مفاجئ بلاهدف كدا يفصلك من الكتابه.. ،برضو الاجواء المتوتره بيكون صعب الكتابه فيها..
-بتتغلبي عليها ازاي؟
-مش بتغلب عليها ،انا بقعد احاول اعمل جو كويس يدخلني ف موود الكتابه و ساعات بقدر اكتب فعلاً وساعات لأ ،ف احسن حل انه ابطل كتابه وقتها لحد ما الاقي نفسي عندي استعداد ارجع اكمل كتابه..وإلا غير كدا هتبقي كروته
-نوع القراء اللي بتحبيهم؟
-حسب فهمي للسؤال يعني ، بحب الي بيشجعوني..حتي لو حطوا كلمه واحده حلوه وقتها بتبسط عشان بحس انه انا بكتب لحد وانه في حد مُهتم ومتابع مش قاعده بكلم نفسي ،وبحب اكتر الي هما بيعلقوا علي كل فقره! حرفياً ساعات بنزل فصول بسرعه مخصوص عشان اشوف تعليقاتهم❤️🤝
-مشاريعك القادمة؟
-اخلص الاتنين الي بكتبهم و هشوف القادم انا شاء الله...
_وعد للقراء؟
-والله...هو كله نصيب وقدر...وربنا يسهل🚶🏻♀️
-نصيحة للكتاب؟
-بلاش يكتئبوا من الدعم و التفاعل القليل في البدايه لأن دا طبيعي جداً ،بلاش يقعدوا يقارنوا نفسهم بكتاب كبار عشان احنا لسه مُبتدئين طبيعي نكون فمستوي أقل ،قارنوا بين عملكم الأول وعملكم الحالي وانتوا هتلاحظوا الفرق وتتبسطوا❤️
-استمتعتي؟
-اه ❤️
أنت تقرأ
داخل عقل الكاتب
Randomداخل عقل الكاتب تكمن حياوات، أحداث، أكوان موازية، مشاعر متدفقة، شخصيات كثيرة لا حصر لها، براكين و زلازل، ضحك و بكاء، حروب تخر لها الجبال، و عصور طال عليها العمر. آن الأوان أن ندخل هذا العقل و نتحدث معه قليلًا #1🥇interview #1🥇 حوارات
