عشاق بین العناد والکبریاء(بقلم منةالله محمود)

البارت الثامن

قبل٥ساعات

فى قصر الشرقاوى يدلف ادهم ليجد امه جالسه على احدى المقاعد وتتصفح فى هاتفها فوجدها اللحظه المناسبة ليطلب طلبه

فاكمل سيرة وهو يدندن قائلاً:ست الحبااايب ياحبيبه
رفعت شمس عينها من الهاتف ونظرت له بشك
ادهم مكمل:يأغلى من رووحى ودمى
شمس بعدم ارتياح:مادام قولت اغلى من روحك ودمك يبقى عامل مصيبه
اقترب ادهم منها وجلس بجوارها مكمل:ياحنينه وكل طيييبه يارب ياخليكى ياامى
تركت شمس هاتفها جواره وقالت:انا كدا اتاكدت إن فى مصيبه قول ياادهم عامل ايه
ادهم بمرح:انا الحمدلله ياست الكل انتى ايه اخبارك
ظلت شمس تنظر له بجمود ليحمحم هو بحرج قائلاً:بصراحه انا ليا طلب صغنن عند شموستى حبيبتى
شمس بجدية:ايه هو
ادهم بهمس:عاوز موتسيكل
لم تسمعه شمس جيداً فقالت:عاوز ايه مسمعتش عالى صوتك
ادهم بخفوت:عاوز موتسيكل
شمس بصوت عالى:ليه ان شاءالله ما انت لسه جايب واحد جديد ده غير جراچ الموتسيكلات اللى عندك برا
ادهم مصطنع الانكسار:اصلى فى حد خبطه وادشدش
شمس بخضه:ايه حد خبطك..ثم تكمل وهى تتحسس وجهه وجسده:طيب انت عامل ايه فيك حاجه انت كويس
ادهم بجدية:اطمنى انا كويس ده حد بيركن غلط فخبطه
شمس بحده:انا قولت مالكش موتسيكلات لإن عارفه مش هيجى من وراها غير وجع القلب من النهاردة تنسى حاجه اسمها الزفت ده
ادهم بمحايلة:لا ماما علشان خاطرى متقوليش كدا انتى عارفه انا بحب الموتوسيكلات قد ايه..ثم يكمل بحيل خادعة:وبعدين يرضيكى ازعل ونفسيتى تتعب وتأثر على دراستى اللى هى هندسة
علمت شمس أن ابنها يلعب على وترها فهى على استعداد أن تنفذ كل ما يرغب به مقابل أن يتخرج من هندسة ويعمل معها فقالت بتنهيدة:ماشى هجيبلك موتسيكل جديد بس اعمل حسابك دى اخر مره اجيبلك فيها الزفت ده
قبلها ادهم من وجنتها بقوة ثم قال بفرحه:اجمد ام دى ولا ايه
ابعدته شمس عنها بعنف وقال بضيق:بطل بوس بقى ويلا روح نضف نفسك بدل ما انت متبهدل كدا
فى نفس الوقت يدلف الشقيق الاخر ويتقدم نحو امه لينحنى بنصف جسده ويقبل يدها ثم يجلس بالناحية المجاوره الاخرى منها وهو يقول بغزل:ايه الحلاوة دى ياست الكل
شمس ببهجه:حبيبى يادومى دى عيونك الحلوة
ادهم بغيظ مصطنع:اه هو تقوليله عيونه حلو وانا تقوليلى قوم استحمى
شمس:علشان هو بسيط فى كلامه انت كلامنجى
ادهم بمرح:بنكشك ياشموسه علشان متزهقيش..ثم يقف ويقوم متجهاً لدرج تارك امه وشقيقه
تنظر شمس بتسأول:عملت ايه النهارده فى الجامعة ياحبيبى
تنهد ادم بعمق وقال:هحكيلك علشان فعلاً محتاج رايك فى الموضوع ده

(فلاش باك)
يدلف ادم مكتب العميد ويقول بإحترام:حضرتك عاوزنى
العميد وهو جالس على مقعده:تعالى ياادم اقعد
تقدم ادم نحو المكتب وجلس ليسمع العميد يقول:الفنان بتاعنا عامل ايه
ادم ببشاشه:الحمدلله بخير
العميد:اتخصصت فى ايه
ادم:قسم فنون وان شاءالله هيكون نحت
العميد:ياه ده انا قولت إنك هتدخل عمارة علشان تساعد الوالد والوالده
ادم بإبتسامه بسيطة:كنت دخلت هندسة بقى علشان ابقى معاهم بس انا بحب الرسم وده كان حلمى من زمان علشان كدا ناوى اتخصص فيه
العميد:انت موهوب وانا واثق إنك هتقدر تمشى فيه وهيجى اليوم اللى هتبقى فنان كبير
ادم بنفس اسلوبه:ان شاءالله
العميد:بص ياسيدى انا طلبتك علشان عاوز اقولك إن فى مسابقة معموله لافضل رسام فى العالم لبورتريه وتطويره وانا رشحت اسمك فيها وهتكون بعد٣شهور من دالواقتى
ادم بزهول:معقول حضرتك رشحتنى فيه طيب ازاى وانا لسه فى تانى سنة كلية
العميد:اولاً بعلاقاتى قدرت اتواصل مع حد تبع المنظمين وسجل اسمك ثانياً ياادم انت رائع غير إن الكورسات اللى انت خدتها والشغل اللى بتعمله فى الدراسة والإجازة مخلياك سابق سنك يابنى انت ايقونه متحركة الله اكبر فأكيد تستحق إنك تشارك فى المسابقة دى ده غير إنك لو فوزت فيها هتكون نقلة فى حياتك بعد كدا
ادم بحيرة:طيب والدراسة حضرتك عارف الكلية متعبة قد ايه والشغل فيها مش بيخلص
العميد:اطمن أي حاجه مش فهمها او هتتاخر فيها هخلى الدكاترة يرجعولك عليها تانى انت عارف الكل بيحبك قد ايه المهم حط فى دماغك المسابقة دى وكفايا إنها هتبقى خطوة مهمه فى حياتك واسم الكلية هيكون فى السماء علشان واحد محترف وموهوب زيك موجود فيها
بااك