رواية... كبرياء الحب والعناد ❤
((البارت التاسع عشر))
كنت ناويه اخلي ده البارت الاخير بس متقلقوش الجاي....هيبقا العشرين والاخير...
في يوم جديد... حور زي عادتها راحت شغلها و رجعت... وفي المساء راحت علشان تقابل ادم...وتعرف في اي...و
ادم:حور كويس انك جيتي اقعدي...
حور بجمود:بقولك اي انت تنجز وتقول في اي بسرعه....
ادم:تمام اهدي اقعدي وانا هتكلم....حور قعدت....و
ادم:حور انا اسف علي كل حاجه انا اذيتك بيها بس صدقيني انا فعلاً حبيتك... بس ده مش موضوعي اللي انا هتكلم في.... انا مش عارف بصراحه انا شيطان ولا كان مالي فوق مانا اذيتك زمان اذيتك برضو دلوقتي....
حور بعدم فهم: انا مش فاهمه حاجه...
ادم بتنهيده: فكره الصور اللي جت لي عمار يوم فرحكم.... انا اللي كنت بعتهم وانا اللي كنت مخطط لكل ده.... بس مش لوحدي...
حور بصدمه: انت معقول وانا اذيتك في اي علشان ده كله... ومين اللي كان معاك؟!..
ادم: بنت اسمها حنين هي اللي جتلي وكانت زي الشيطانه.... وانا للأسف مشية وراها... وعملت الخطه دي معاها علشان عمار يسيبك وتطلقه....
حور:انته مش بشر ليه عاملته كده ليه...وبعدين انته اي اللي خلاك تقولي الكلام ده؟!...
ادم:عذاب الضمير يا حور انا دمرت حياتك وحياتي بسبب اني واحد خاين خنتك وخنت مراتي....مبعرفش انام من الذنب ده علشان كده قررت اقولك...
حور بضحكه كلها وجع:انت جاي تقولي دلوقتي انت دمرتني انا وعمار اطلقنا خلاص وعمار سافر....كل حاجه انتهت بسببكم حرام عليكم....
ادم بصدمه: ازاى اتطلقته ليه...؟!
حور:بسببك لو مكنتش دخلت حياتي و دمرتها مكنتش عمري هجرح عمار واسيبه....خلتني افقد ثقتي في كل الرجاله وكملت بحزن...مع ان عمار كان بيحبني وحنين عليا بس انا سبته بسبب خوفي....
ادم:انا مش عارف اقولك اي....انا لما جيت علشان اقولك كنت عايز احذركم من حنين دي....بس مكنتش اعرف ان الوقت اتاخر والله صدقيني.....حور قامت علشان تمشي....و
حور:للأسف اتاخرت اوي....وسبته ومشية....و بعد مرور تسعة اشهر....في منزل اسلام وعلياء....
علياء قامت من النوم:اااااه الحقنييي يا اسلاااام بولدددد....
اسلام قام مفزوع علي صوتها:اي في اي اعوذ بالله من الشيطان الرجيم...
علياء ببكاء:اااه الحقنييي انا بولد...
اسلام:ياحبيبتي حرام عليكي انتي كل يوم بتقولي انك بتولدي وبعدين....مبيبقاش ولاده....
علياء بصريخ:الحقنييي والنبي يا اسلام المره دي بولد....و اسلام قام واخدها و راحه المستشفى....واتصل باهل علياء والكل كان معاها في....المستشفى...و بعد مرور عدة ساعات الدكتوره طلعت وكان معاها البيبي....واسلام اخده وبعد شويه دخل لي علياء....و
اسلام بحب:حمدالله على السلامة يا حبيبتي....بصي البيبي القمر ده...هنسميها اي بقا...
علياء بفرحه:الله يسلمك ياحبيبي هي بنوته بجد انا مبسوطه اوى....
اسلام:بس انا مبسوط اكتر كده هيبقا عندي بنتين انتي بنتي الاولي وهي بنتي التانيه...
علياء بدموع الفرحة من كلامه:ربنا يخليك ليا يا حبيبي....والكل دخل وبارك لي علياء واسلام....و تاني يوم روحه بيتهم....وبعد مرور اسبوع بالتحديد يوم سبوع اسيل بنت اسلام وعلياء...الكل كان موجود وحور ...وفجأة الكل اتفجأ من دخول...عمار...و
علياء اول ما شفته جريت عليه:عمور وحشني اووووي بجد مش مصدقه انك جيت....
عمار بإبتسامة:مقدرش اتاخر عليكي يا لولو مبروك يا حبيبتي فين الصغنونه....
علياء:ثواني هجبهالك حالا....و راحت علياء علشان تجيب اسيل....وفجأه عمار شاف حور والاتنين عنيهم اتقبلت....وكانت بتقول حاجات كتيير اوى....حور مش مصدقه انها شافته ضربات قلبها زادت ومكنتش عارفه تعمل اي.....وعمار كان زيها بالظبط بس هو مكنش مبين ليها اي حاجه....حور طلعت بره بسرعه وفضلت تعيط....وبعد شويه دخلت...و بعد شويه الحفله خلصت وحور كانت بتساعد علياء....واسلام وعمار كانو قاعدين مع بعض....وعلياء قصدت تخلي حور تفضل وتمشي لما عمار يكون ماشي....وبعد شويه حور وعلياء...خلصه و رتبه البيت وكل حاجه....و
حور:يلا يا لولو انا همشي عايزة حاجة....
علياء:عايزة سلامتك يا حبيبتي...وحور نزلت....وهي علي السلام كانت هتقع...وفجأه لاقيت ايد بتمسكها ومكنش غير....عمار....و
عمار:حسبي هتقعي....وكانو الاتنين بصين في عين بعض...وحور قامت و....
حور بتوتر:ش شكرا...وبعدين كملت حمدالله علي سلامتك....
عمار:العفو الله يسلمك.....و حور نزلت وهو كان وراها علي طول....حور فضلت مستنيه تاكسي وكان الوقت متاخر...وعمار ركب عربيته وكان هيمشي....و
عمار بحمحمه:احم انسه حور تعالي اوصلك الوقت....متاخر
حور بكسره:لا شكرا يا استاذ عمار...مش عايزة أتعب حضرتك...
عمار:مفيش تعب ولا حاجه اركبي يلا...فعلا حور ركبت معاه...وطول الطريق الاتنين عنيهم متشلتش من علي بعض بس طبعا من غير ما التاني ياخد باله نظرات حب واشتياق مابين الطرفين... طبعا عمار ميعرفش ان حور بتحبه...ولاحظ نظرتها ليه...واستغرب ان نظرتها ليه...نفس نظرته ليها....و
عمار في نفسه:معقول تكون...وعند الفكره دي كدب نفسه...لا لا انا غبي اوى هتحبني ازاى وهي اللي سبتني....واخيرا وصله الاتنين...واليوم خلص.... تاني يوم حور كانت راجعه من شغلها وقررت انها....هتتمشي شويه وبعدين تروح....وكانت ماشيه وفجأه خبطت في حد....و
حور:انا اسفه مخدش بالي....اي ده عمار...
عمار:حور بتعملي اي هنا...
حور:عادي بتمشي شويه....وانت بتعمل اي هنا...
عمار:برضو بتمشي شويه....وكمل تعالي نتمشي مع بعض بقا...
حور بارتباك وتوتر:مفيش مشكله طبعا...
عمار:اي مالك شكلك مدايقه ومعيطه...
حور:هاا لا لا وانا هعيط ليه...
عمار:مش عارف بس باين عليكي معيطه...
عمار مقدرش يكتم مشاعر اشتايقه ليها و...
عمار بحب :وحشتيني اوى يا حور...
حور بدون وعي ودموع ف عنيها:وانت كمان وحشتني اوى....
عمار بصدمه :اي ده قولي اللي قولتيه تاني كده....وفي اللحظة دي حور رجعت لوعيها وعرفت هي قالت اي وطلعت جريت ركبت تاكسي....وسابت عمار اللي واقف فاتح بقه...و
عمار:دي قالت اني وحشتها احييه انتي يا بت يا حور دي ميشة....وبعد ما حور مشية عمار كمان مشي..بعد مرور كام يوم في المساء في منزل حور....حور كانت قاعده في البلكونة بتقرأ كتاب وفجأه لاقيت حاجه...بتترمي عليها...بصت لاقيته عمار...و
عمار بإبتسامة:بتقري في اي كده...
حور بخجل من اللي قالته اخر مره:ولا حاجه كتاب عادي....
عمار:ممكن اقبلك بكره يا حور في حاجه ضروري عايزك فيها....
حور:بس....عمار قطعها....و
عمار:مفيش بس هستناكي بكره في المكان اللي شوفتك فيه المره اللي فاتت ها و راح غمزلها....وضحك....وحور من كسوفها دخلت تجري علي جوه....و
عمار بضحك:دي مجنونه والله...و كمل بحزن برغم اللي عاملته مش قادر ابطل احبها او اقسي عليها بس برضو مش هبين قدامها علشان مش هنرجع لبعض...وبعدين دخل....وتاني يوم حور خلصت شغلها وراحت المكان اللي عمار قالها عليه...وكان علي البحر...و
عمار بإبتسامة:كويس انك جيتي...
حور بتوتر:عايزني في اي....
عمار قرب منها شويه و:عايز اعرف انا فعلا وحشتك يا حور انتي رميتي الكلمه وسبتيني ومشيتي....
حور: لا يوجد رد
عمار:حور ردي عليا...
حور بدون وعي:عمار انت لسه بتحبني؟!
عمار اتصدم من سؤالها ومكنش عارف يرد....و
حور وعنيها دمعت:تمام انا فهمت انت نستني....وكانت لسه هتمشي...و
عمار بعصبيه:يهمك تعرفي انا لسه بحبك ولالا....طب ليه عايزة تعرفي...مش انتي اللي سبتيني برضو...
حور وخلاص فاض بيها وبكل جراءة والدموع اللي في عنيها:علشان بحبك يا غبي...وسبته وميشة....عمار مكنش قادر يقف الكلمه حرفيا لجمته...و
عمار:معقول حور يا حور استني انتي كل مره بترمي الكلام وتمشي....وبعدها هو كمان مشي....و بعد مرور كام يوم عمار كان بيحاول يتكلم معاها او يفهم اي حاجه بس هي مكنتش بتخليه بشوفها خالص...وفي يوم حور رجعت البيت و...بالتحديد في يوم سفر عمار...
والدة حور:ادخلي غيري بسرعه واطلعي في عريس متقدملك وقاعد بره مع والدك...
حور بصدمه:اي عريس قولتلك يا ماما شيلي الموضوع من دماغك عريس مين ده كمان....
والدة حور:متتسرعيش واطلعي شوفيه مش يمكن يعجبك يلا اخلصي الراجل قاعد بره مينفعش تكسفي ابوكي قدامه...حور طلعت فعلاً بس مغيرتش ولا عملت اي حاجه كانت طالعه حزينه ومكسوره ماهو عمار زمانه سافر بقا....وطلعت قاعدة من غير ما تشوف حتي العريس....و اول مادخلت وقعدت والدها و الدتها طالعه....و
العريس:اي يا عروسه مش عايزة تشوفيني ولا اي لا انا كده هزعل......استنوني في البارت العشرون والاخير....
ياتري مين العريس... وياتري نهايه قصتنا هتبقا اي... كل ده هنعرفه البارت الجاي....
بقلمي /Esraa EleTrby
أنت تقرأ
رواية كبرياء الحب والعناد ❤
Romantizmالمقدمه) .... هو يحبها حد الجنون ولكن يوجد لديه كبرياء يمنعه من الاعتراف امامها بذلك مخافة من انا يخسرها وهي شخصيه عنيده متمرده تكره صنف ادم كله فهل للقدر رأي اخر..... هل الحب هيهزم الكبرياء والعند كل ده هنعرفه من خلال الروايه..... (هو علي طول القدر...
