جاء الصباح قامو الناس لكل (عائلة نور) فطرو وكل واحد شد ثنيتو وصلت نوور للفاك بكري شوية دخلت للكلاس وقعت تستنى في صحابها وتبربش في تلفونها ... شوية ودخل داالي جاء طول و قعد بجانبها استغربت هيا
نورر:أاا معلم ميسالش تقوم هاني لبلايص مكدسة دالي غرلها على جنب ومام با كلمها
نور:استغفر لله ..تو نمشي نحول أنا كي قدر عليا ربي ..هالمصايب الصباح ...
هي جات باش تقوم ..وسمعت حسو
دالي:جرب سعدك وحول..تو تشوف شنعملك
نور قعدت مبهمة؛بلاهي بابا 😒 😐 وشنو عندك شتعمل
غزرلها في عينها وقرب منها عالخر لدرجة معاش فما مسافة بيناتهم ..نفس طالع هابط ..أول مالمس شفايفها حست بكورون ضرب بدنها وهو كيف كيف ...تفاعلت معاه عالاول لأكن فيسع ماتذكرت غرورها...
دزتو وقعدت مبهمة فيه ...مافاقت كان كي دخلو صحابها والبروفة وبدأ الدرس...
تعدات قريب النص ساعة تو وهما يغزرو لبعضهم تحت حس مس...مهمش معدلين عالقراية..ايي اونفان دق الجرس وخرجو.
####
صوتو مالي الشركة وهو يصيح ويعيط على الخدامة الي غادي.
ايهم: كيفاش تعملو حاجة كما هكا ومتشاورونيش اااه قولولي ر##$كم
سكريتارا:مسيو ايهم احنا خذينا الموافقة متع سي محمد وكهو .
ايهم:علاش أنا آخر واحد بسمع اووووف زايد#$$#...اخرجو عليا ناس لكل لبرا
جاء محمد يجري يلقى الشركة داخلة بعضها
محمد:جيهان حضرلي قهوة وخلطهالي للبيرو
جيهان (السكريتارا)حاضر مسيو
دخل للبيرو على ايهم يلقاه يرحي في الدخااان
محمد:شبيك ياخي حسك قالب الدنيا
ايهم؛كيفاش تعمل حاجة كما هكا ومتشاورنيش يا بابا
محمد: على شنوا تحكي؟
ايهم:على الشريك الجديد الي باش نعقدو معاه الصفقة ..تعرف عليه سي باهي ولا
محمد:واحنا شهمنا فيه باهي ولا باش ناخذوه ياخي!؟
ايهم؛افهمني يا بابا راو سي نزار وولدو اخطر ما فما في البلاد يعتبرو المنافسين متاعنا
محمد:اي اعطينا نربحو الصفقة وكهو .
ايهم:يا بابا راهم حتى كان خسرو خسارتهم موش ببلاش اكيد ناويين على حكاية ..
محمد:ايا يزيني بلاهي..وخنبداو نحضرو رواحنا غدوا نضمنا حفلة كبيرة باش نستقبلهم
ايهم بقى حال فمو مسكين:زادا ..!!اتو تشوفو على شنوا ناويين
