جات وقت العشاء...كان كل شيء حاضر..وطاولة منصوبة....ونور في ببتها تحضر في روحها...عندها برشا متلمتش على الطاولة مع عايلتها...وفرحتها تضاعفت خاصة وانو دالي باش يجيب امو وابوه يتعشو حذاهم....
__________________
حط آخر رشة برفان ولبس منڨالتو وهبط مع أمو وبوه ....
بعد مركبو في الكرهبة
داالي:أاا امي جبت الڨاطو وبوكي النوار🙄
اميرة:أي وأنت تنساش الخاتم...😶
بو داالي:ههه 😅 اذاكا ينسى كل شيء الا الخاتم
ضحكو الكل وداالي حمارت خدودومن الحشمة....
شوية وقت ووصلو...
عرضتهم لمياء والبسمة ماالية وجها
لمياء:اهلا اهلا مرحبا بيكم
محمد:عسلامة اي تفضلو زارتنا البركة
سلمو على بعضهم وقعدو في الصالون يحكيو. حتى لين هبط ايهم سلم عالجماعة .... وقعد حذا داالي .....
وداالي عينيه مركحتش ..يلوج على نور ويستني وقتاه تهبط
همزو ايهم ووشوشلو:واا صحوبة شوية وقت وتجي وهزها علينا خنرتاحو😅😅😒
اااحقا حضرت كل شيء
داالي:اي زعما شنية الرياكسيون تع نور
ايهم:اكيد شتكون سيربريز هائلة😅...
وقام ايهم ستاذن من الناس وخرج باش يجيب عبورة ...
وصل قدام دارها زمر..خرجتلو تتمختر بروبتها الباج وشعرها الكيراي...الحصيلو طلعت زين وعين..
قعد ايهم يبلع في ريقو...لين طلعت حذاه وديراكت ريحت البارفان ضربتو..
عبير:بونسوااغ.حبي😜
ايهم:اهلا..شنوا الزين هاذا لكل 😳😅
حشمت عبير 😅 وطبست راسها..وانطلقو لدار الجماعة...
