قاعدة تغزر لروحها في المراية..وتبوزي وتتصور..لين دخلت علاها امها
لمياء:وووه يا نوور..الناس تستنى اللوطة و نت قاعدة تتصور
نور:اا والله نسيت ياامي هيا هيا نهبطو
وطلت مالشباك تلقى كرهبة خوها حبست
نور:وايا هاو ايهم زاد جااء هوا وعبير..
لمياء:شكون عبير يابنيتي.. متقوليش اكا الطفلة السمحة اللي جات معاه ليلة الحفلة..
ضحكت نور:اي امي اذييكا هيا..
لمياء:ياوالله مبهاها اكا لبنية لحق عجبتني..ياخي بيناتهم حاجة
نور:اححم 😳..منعرش يامي
لمياء:امم متعرش يا حلوفة...😒هيا هيا نهبطو
((((++++------____------++++))))
كمل شرب كاس التاي وحطو على الطاولة...
ومع هزت عينيه يشوف في كتلة انوثة هابطة
الساقين البيض وراهم الفونط اللي على جنب..روب روج ماشية مع بدنها..شعرها هابطة على كتافها....قعدت عينيه مرشوقة علاها حتى لين كملت سلمت على الناس وقعدت بجانبو...حس روحو سخن عالخر وهي حمارت بالحشمة...
تعدا شوية وقت.. لمياء واميرة راكشين يحكو في امور الديار والقضية...وسي محمد وايمن (اب داالي)يحكو في امور الخدمة......
الرباعي الراعي متاعنا راكشيين يحكو ويضحكو... شوية وقت وجات حذاهم ملاك
فجاة سكتت الناس لكل وتكلم سي ايمن
ايمن:اححم..اولا مرسي الي استدعيتونا و حمدلله على سلامة نوارة....
باهي الليلة جيناكم خاطبين راغبين في بنت الحسب والنسب بنتكم نور لولدي داالي..
محمد:والله شنوا شنقوللكم داالي ولدنا كيما نور بنتنا....يا سيدي جازتكم 😅
نور فمها تحل ومش مصدقة مكنتش تتصور اللي الليلة خطبتها.😳
..شدلها دالي يدها وتبسملها..وقف على ركبة ونص و مد الخاتم اللامع :تقبل تعرس بيا نور ❤️
تصدمت شوية ماللول بعد دموعها هبطو مالفرحة وقالت:اي نقبل
ناس لكل صقفت لهم...
ومشاو قعدو على طاولة العشاء..
الحصيلو تعدات سهرية لكلها ضحك وتفدليك
تعدا الوقت فيسع وروحو عائلة دالي...
