روحت نور 12للدار تلقى ايهم قاعد يفطر وحدو
ايهم:اهلا نوور
نور:اهلا ايهم ..شبيك وحدك ماما وبابا فين مشاو
ايهم:هذوكم مالصباح وهما بقضو الحفلة غدوا ..قالك بابا يحبها سبيسيال باش نربحو ولا شنوا ..رغم الى أنا قلبي ماقايلي خير ..
قعدت نور حذاه وخذات قطعة بيتزا وكلات شوية :باهي ...الليلة باش نخرج أنا وداالي
ايهم:ايه ومستانسا تشاورني.. براا
نور:تي لا نحبك تجو أنت وعبير معانا تعملو جو ..
ايهم:لا أنا الليلة عندي منعمل برو انتم وعبير متهزهاش
نوور:لاااع عاد والله لما تجي أنا نحبك تتفرهد وتنحي ستراس الخدمة
ايهم:نوور (حمر عينيه زعما زعما باش تخاف منو)شوية هي طرشقت بالضحك ...مالغلب طرشق هو زادا وقال لها:بااهي يا للا 😑
نور بدأت تنڤز :يااي جو جو
باستا ومشات تجري لبيتها
ايهم ؛ملا فرخة مسكين داالي اش باش يعاني ههه
###
حطو الحطة الناس لكل عبير ونور لبسو رووب ميني (كان بالسيف زادا خاتر داالي وايهم حزاارين ) و الاولاد لبسو سبور
المهم خلطو للبواتا الى باش يسهرو فاها وشدو طاولة ..بدأت الموزيكا وبدأ الجو هبطو يشطحو ايهم وعبير . وداالي ونوور ...انغمسو لكل مع ddj ...شوية وفما بنات بدأت يلسقو لداالي أما هو موش لاهي باهم....شلقت نور باهم زادت لسقتلو
نور:محلاك بب 🙂♥️
داالي استغرب مالول وبعد شلق بالفازة ..:اا محلاه حبي المغيار هوا هههه
نور:عجبوك عاد نتي 😒ااه!!؟
داالي:نوو أنا بخلافك منغزر لحتا طفلة ..تي لكل ميجوش في ضفرك ههه
نور؛اممم بالحق ...شوف شوف كيفاه تتلعوك اذييكا خييت مخيبها المصفارة الجويدة هاذي
وقعدت تتمقعر عليهم وهما يغزلو كيفاه شايخين بالضحك داالي و نوور علاهم
/\/\/\~\~\~\~\~\/\/\/
مووش بعيد علاهم برشا كانو عبير وايهم يتمعشقو ...قربو لبعضهم
ايهم:محلا زينك بب ♥️
حشمت عبير عالخر وهبطت راسها (عبير كان لاحضتوها حشاما عالخر)
ايهم:بوزينو هو الحشام ...هيا نقعدو نرتاحو شوية ..
عبير:أي هيا يا روحي اصلا أنا تعبت ..
قعدو هبطو كيسان Jue(محبش ايهم يشرب بحذا عبير)
عبير:بب هاني شنوصل للتولات فيسع ونجي
ايهم: اوووكي تبطاش
مشات عبير...وقعد ايهم يلوج على نور بعينيه وفجاءة لمح عبد كاان آخر واحد يخمم يشووفو
ايهم:فااش تعمل أنت لهنا
شكون زعما اللي شافو ايهم وشنو شيصير هذا تعرفونه في الحلقات التالية ❤️(تفاعلو بلاهي)
