ملاك ..طايحة دايخة...مضروبة بكلها...
نور شادها راجل وحاطلها الفرد في راسها..وهي تبكي و تفركح...
الراجل:تقدمو خطوة نتيري علاها
داالي:جرب سعدك ومسها تو...##$
الراجل:ههه والله انتي توا ماكش في موقف باش تهدد يا سيد
نور:امانك عاوني يا داالي
داالي:تخافش يا روحي..هديئ روحك ...
ايهم:باهي..شنوا المطلوب توا...
الراجل:تبعدو باش نجم نهرب...مكانش شنضربها...
داالي:دووي..جماعتكم تشدو وباش يجيفو في الحبس..وانت معندك وين تهرب...
الراجل:قرب صبعو من الزناد..وجاء باش يضرب نور
في لحضة عيط داالي:لااا..باهي لحضة...هانا شنبعدو..أما سيبها..
تبسم الراجل وبدأ يوخر باش يطلع في الطائرة..وتجيه كرتوشة في راسو ديراكت..
لكلهم تلفتو للمصدر يلقاو ملاك شادة الفرد وخشمها بالدم (من الضرب)...
جرات نور لايهم وداالي وحملو بعضهم ثلاثتهم
نور:قداش توحشتكم 😭😭😭
داالي:كان تشوف احنا يا روحي
قحرلو ايهم وهز راسو يلقى ملاك تغزرلهم وعينيها مليانة دموع..عيطلها باش تجي تركش معاهم في الحضن متع الوحش......
\∆\∆\∆\∆\∆\∆\∆
قاعدة في الصالة كالعادة...هي وراجلها مدنكسين ريوسهم ويستنو في خبر....
فجأة دخلت نور تجري وتعيط"ماما..بابا..وينكم هاني..جيت"
قامت لمياء ومحمد عنقوها لمياء من كثر الوحش بدات تبكي ونور معاها
ايهم:يزي عااد ياامي من البكاء هاي قدمك نور
لمياء:مصارلك شي ماو بنتي..أنت لاباس
طمنتها نور ..
ودارت لداالي :عيشو البطل متاعي هوا جاء نقذني🙃😅
داالي:فدلك..فدلك ياليلا..حتا احنا قعدنا نلوجو لين ريقنا نشف...اما حمدلله مصارلك شي..
نور:أي ههه.. والله توحشتك برشا
داالي:مالا كان تشوف أنا..موت بالوحش ❤️
طبست راسها حاشمة و تفاهمو باش باش تدوش وترتاح وبعد يخرجو.....
