هبط يلقا بوه على طاولة الفطور شاد جريدة....
مالك:هيه توا شنوا شنعملو فيها بنت الناس
نزار:😏سؤال جيد جداً ...ههههه (ضحك ضحكتو الشريرة).لازمنا نعدو يومين الساعة باش يتوحشوها برشا لدرجة انهم كي يشوفوها يولو يعملو أي شيء على خاترها
مالك:هيه ..وفي حكاية الشركة ..لازمنا نربحو من الطرفين........
نزار:أي بالطبع..(.ترشف قهوتو وتكلم بصوت كاسح)باش نهدد محمد يكتبلي كل شيء ونرجعلو بنتو
مالك:هاايه اسمع اسيدي ..هههه... باهي ياسر
وتو خنمشي نتلف الجرة...
×^×^×^×^×^×^×
داالي بايت يلوج حتى ل4متاع الصباح ...وبعد مشا يشرب
قعد وبدأ الكاس في جرة خووه ؛نور ....اااه..كان تعرف قداه توحشتك يا روحي
(شرب) ...وينك وين مشيت عليا ..اهئ
وبدا يبكي الأول مرا : توحشتك..توحشت ضحكتك....توحشت هبالك ....توحشت زينك ...توحشت كل حاجة فيك
وقعد يبكي ..؟..
\()()()()()()()/
ايهم قاعد يلوج على أي دليل يوصلو الاختفاء متع اختو....حب يدخل للكاميرا متع الشركة....ويشوف يلقاش حاجة ..شوي للأسف ملقا شيء ..ضرب يدو عالطاولة مالعصب...
ايهم:مالا اللعبة ملعوبة أكيد ...يلزمني نلقى شكون لعمل العملة ..اوووف..طربق الباب وخرج ...
وصل مالك للشركة ودخل والتقى ب ايهم
مالك:صباح النور
ايهم:وين تشوف فيه النور براس ميمتك...اسمعني ابعدني مهارة اليوم راني منيش ناقسك
مالك: باهي هه كهو ..أما باش نسالك ياخي لقيتوها نور
وقتها ايهم ركبتلو في مخو الى مالك ينجم يكون عندو يد في حكاية اختو
شدة من خناقو :ياطحاان ..متكون كان أنت خطفتها قلي وينهي خير ما نقتلك تكلم
جاو رجال مالك يحزو مافكوه كان بسيف
مشا ايهم وهو منرفز عالخر
تعدات ايام وناس لكل تلوج كل نهار ملقوش حتا أثر ... دالي حالتو كل يوم توالي اسوء....
