راكا الكرهبة ومشالهم يلقاهم قاعدين وحاطين قدامهم بيسي ...
ايهم: صباح النور
ملاك و دالي: صباح الخير
ملاك:باهي ..اللي عليا عملتو أنا توا ...سي مالك وركحتو وتو جاء دوركم عاد
ايهم :باهي اووك ..أنا سمعت الى في دار مالك وبالضبط في البيرو نتع بوه فما كووفر محطوط فيها برشا دوسيات ينجمو يعاونونا
معناها لازمنا نهزوهم
داالي: أي...وكيفاه شندخلو
ايهم:فما شكون باش يدخلنا
(وغزر لملاك)
ملاك:🙂فاش تحكي مفهمتش
ايهم:اتو نفهمك اولا ...........
+--+--+--+--+--+
حط آخر دوسيات عندو وسكر الكوفر بالكود وخرج يغزر لولدو قاعد يعوم في البيسين .. تنهد من عروش قلبو خاتر عارفو بهلول والى يجي يعديها عليه ..كان مجاش هوا واقفلو في الخدمة راي ضاعت عندها برشا..
نزار:ماالك..ايجا لحضة
مالك:نعم بابا عيطتلى
نزار:أي باش نقلك راني الليلة خارج نتعشى مع زملائي منبطاش ..قدام عينيك الفيلا ومتغفلش
مالك:أكيد بابا عندك كان الرجال
نزار:أي اتو نشوفو ....
مشا بوه ..خرج مالبيسين وعمل دوش واتكى
شد التليفون وبدأ يبربش فيه ..جات في بالو ايناس...طلبها
ملاك:ألو وي ..
مالك:عسلامة ايناس أنا مالك تذكرتني
ملاك :نو سامحني موش ايناس (وبعد تذكرت الى هيا قاتلو على اسم مستعار)
مالك:شنوا ؟
ملاك:ااه..اييه تذكرتك يا مالك .. سامحني باللهي داخلة بعضي شوية وكهو
مالك:أي موش مشكل ..حبيت نقلك نخرجو الليلة نتعشو
ملاك لقاتها فرصة باش تبعد مالك على الدار
ملاك:أي بالطبع 😅
مالك:اوك مالا 7:00نتعدالك
ملاك:باهي ..باي
مالك:باي
_-_-_-_
بعد مكلمت مالك طلبت ايهم
ملاك:ايا هوا سهالتنا العملية
ايهم: كيفاه ..مفهمتش شنوا صاار
ملاك:ما مالك طلبني وقلي هيا نخرجو الليلة نتعشو
ايهم:ايا باهي على الاقل نجمو ندخلو انا وداالي ونريڨلو امورنا
ملاك:ايا باي لازمني نحضر روحي من توا أنا
ايهم:باهي باي
