وصل بحذا دارها ودق الباب ..حلتلو وهيا مبهمة في زينو .. قعدو مصدومين في زين بعضهم.. ايهم دوختو ريحت البارفان تاعها.. وعبير دوختها ريحت الدخااان المخلطة برجوليتو ...طول جبدها من حزامها..لسقها ليه
ايهم:شنوا رايك منغير منمشو .. نقعدو نسهرو
ضربتو على صدرو :يزي وهيا نمشو ...
وسبقتو ..باش تكتم حشمتها..
"//"//"//"//"//"//
وصلو زادا هوما وركشو في طاولة مع نور وداالي وقعدو يضحكو عاملين جو ...تعدا شوية وقت..وطلع محمد ونزار باش يخدمو خدمتهم ويعرفو عالمشرووع ..كملو وبدأت الموزيكا والى هاذا شاد حب حياتو ويتمايلو على الغناء ....
دخلت بكل ثيقة في النفس ..ناوية على خرابها ناوية مشات تفاهمت مع سرفور باش يحطلو منوم في العصير متاعو ...
ايهم :هيا نقعدو نرتاحو شوية حبيبتي
عبير:هيا نقعدو...
بعد مقعدو جابلو السرفور كاس العصير، شربو طوول ...
سكريتارا:سي محمد حاشتنا بورقة هامة يوصي عليها سي نزار باش نصححوها...
محمد: أي أي اكيد تو نقول لايهم يجيبها
واتجه نحو ايهم وعبير
محمد: بنسوااغ يا جماعة شنو عاملين جو
عبير 😅 أي موسيو مرسي
محمد:ايا باهي... ايهم تجي حاشتي بيك فيسع
بعدو شوية
ايهم:نشالله لاباس بابا فما حاجة؟
محمد:لا لا لاباس...جيست عيطلك باش تطلع تجيبلنا ورقة مهمة ياسر نسيتها في للبيرو متاعي ..عيش ولدي أنت اخف مني ...وهاك المفتاح خوذو حل بيه الباب...
خذا ايهم المفتاح وطلع ...بدأ يحس بدوخة ورااسو يووجع فيه قبل ميخلط حب يرتاح شوية.....يسمع في حس طالون قريب ينقب الأرض..هز راسو بسيف..يشوف فيها واقفة وماشية وتقربلو ...
ايهم:فااش..ت تعمل..أنت ..أنت لينا (يتكلم بسيف)
روسلين: توحشتك حبيت نجي نطل عليك
وبدأت تحب تبوسو
ايهم : أبعد عليا.....(سايا راسو معاش ينجم...داخ) بعد مطاح على القاعة عيطت روسلين لزوز رجال باش يدخلووه معاهم للبيت ...بعد مخرجو. ...نحتلو دبشو ونزعت هيا زادا ..وقربتلو شوية وبدأت تعمل في تصاور باش يبانو راقدين مبعضهم ........
