4:00متع العشية ...سي محمد يلبس في الكوستييم....ويزرب :تي هيا يا لمياء لازمنا نخلطو قبل الضيوف
لمياء:أي سيا..أنا حاضرة ..أما أنا هاك مزلت
وطلت لمياء..كانت لابسة روب مفخفخة مطروزة في الدوراي طلعت عليها برشا..قعد يغزرلها محمد..وبعد قربلها ..حشمت هيا
محمد:محلاك..عندنا قدااه معملناش vacanceراس راس
لمياء حشمت بكلها:وه يزي احشم يا راجل..صغارك قريب يعرسو وأنت مزلت تحكي في كلام هكا
محمد:أي عاد شبيه الكلام الحلو الخارج مالقلب معندوش عمر هكا ولا
طبست راسها وضحكت :أي صحيح
حط وجهها بين يديه وباسها من جبينها :هيا نمشو يا ملكتي 😊
لمياء:😊♥️هيا اا
وخرجو ركبو في الكرهبة وانطلقو
_-_-_-_-_-_-_-
في جنينة كبيرة بارشا ..وين الڨازون الاخضر..كانت الانوار تشعل ...الطواول منظمة
ديكور في الروز بيبي والبلون مضخم...
كانو الضيوف في كل مكان ..يضحكو ..يشربو..
جاء سي نزار اللي مكانش همو انو يربح أو يخسر ..بقدر مايهمو انو يعمل الشى الي في مخو ...وقف يغزر من بعييد لمحمد الى يسلم على الناس ويضحك :اضحك يا محمد اضحك اتو نشوفو شكون شيضحك في الاخر.
]\]\]\]\]\]\]\]\[\
واقفة قدام المراية....تميكج ...كملت وعملت رشة بارفان...جات تفطق
نور:زايد يا نوارة...وحدك في الزين ..هههه
ورمات لروحها بوسة ....تررن..ترررن.. تاليفونها نوقز ..سافا الاسم المكتوب فرحت ..
نور(خشنت في صوتها وتكلمت):اوو عالسلامة..موسيو بشكون حاشتك!؟🧔
ضحك علاها دالي:حاشتي بي اكا المڨربعة .. ههههههه بالاهي كان بحذاك عديهالي
نور: هاي جات المڨربعة 😑
داالي:هههه زايد مهبولة...هيا اهبط اهبط هاني نستنا فيك لوطة
نور: اوكي ♥️
عاودت عملت رشة بارفان وهبطت تجري
ركبت معااه قعدت يغزرلها وبعد جبدها محلاك بب 🙂♥️ ومبن ريحتك ..اووب وغطسو في بوووسة عميقة.....
داالي:اممم ..بب وينو ايهم ...؟
نور:نعرش قال باش يتعدا لعبير ..يجيبها ويجي...
وصلو هبطو ..ودخلو اليد ف اليد ..ترشقت العينين لكل عليهم ...والضواء لمعت عليهم ..محمد ولمياء يتبسو ...كان واحد بركاا قاعد يشرب ويغزرلها...
مالك: والله لما نخليكم تشعفو الناس لكل 😡🤬......
