ကြာညိုနဲ့ဇွဲပြည့်ပိုင်ဇေ့အိမ်မှာနေပြီးကျောင်းတက်ရတာကိုနှစ်ယောက်လုံးမပျော်ကြ။အိမ်အကြီး
ကြီးထဲမှာတစ်ယောက်တစ်ခန်းစီထားတာကိုမနေချင်၍တစ်ခန်းထဲမှာနှစ်ယောက်ပူးနေကြသည်။
နှစ်ယောက်အတူနေကြတော့အခန်းထဲကိုခုတင်နှစ်လုံးထည့်ပေးသည်။
ခုတင်ကလည်းနှစ်ယောက်တက်အိပ်တာတောင်အကျယ်ကြီး။တစ်ယောက်တည်းဆိုကျွမ်းထိုးနေလို့ရသည်။ကျောင်းသွားတော့လည်းအိမ်ကနေကားနဲ့လိုက်ပို့သည်။အပြန်လည်းကားနဲ့စောင့်
ကြိုသည်။
နှစ်ယောက်လုံးကဒါကိုသဘောမကျ။မြတုတ်နဲ့
ကျော်ကြီးတို့မိန်းကလေးတွေတောင်ကျောင်းကိုစက်ဘီးနဲ့တက်ကြတာ။သူတို့လည်းစက်ဘီးနဲ့ကျောင်းတက်ချင်သည်။ဒါပေမဲ့ပိုင်ဇေကခွင့်မပြု။အိမ်နဲ့ကျောင်းကဝေးလို့ပါဆိုတဲ့အကြောင်းပြချက်နဲ့စက်ဘီးစီးခွင့်မပေးပေ။ဟုတ်တော့လည်းဟုတ်သည်။သူ့အိမ်ကမြို့ပြင်နားရောက်နေသည်။ခြံဝင်းကျယ်ကြီးထဲမှာအိမ်အကြီးကြီးထဲမှာအိမ်မွေးတိရစ္ဆာန်လေးတွေလိုပဲ။ထားရာနေ၊ကျွေးတာစား။ဘယ်မှမသွားရမလာရနဲ့နှစ်ယောက်လုံးထွက်ပြေးချင်နေကြသည်။
ရွာကအဘိုးတွေဆီဖုန်းဆက်ပြီးမနေချင်တော့
ကြောင်းပြောတော့ဘာတွေလိုအပ်နေလို့လဲလို့မေးသည်။လိုနေတာကလွတ်လပ်ခွင့်ပဲ။
အပြင်မထွက်ရလို့ပါဆိုတဲ့အကြောင်းပြချက်ကိုလူကြီးတွေကလက်မခံ။ကျောင်းသားပဲကျောင်းတက်ရမယ်။စာကျက်ရမယ်။ဘယ်မှမသွားနဲ့
လို့တစ်ချက်လွှတ်အမိန့်ထုတ်သည်။ပိုင်ဇေနဲ့အောင်စေကအဘိုးနှစ်ယောက်လုံးကိုစည်းရုံးသိမ်းသွင်းထားတော့ကြာညိုနဲ့ဇွဲပြည့်ဘာမှကိုပြန်
ပြောခွင့်မရှိ။
မိုးညိုကကြာညိုနဲ့ဇွဲပြည့်ကိုကျောင်းလိုက်ပို့ပြီးအ
ပြန်မှာကျောင်းနားမှာရပ်ထားတဲ့ကားတစ်စီးကို
မြင်သွားသည်။လူတစ်ယောက်ကကားဘော်ဒီကိုမှီပြီးရပ်နေသည်။
စတိုင်ပန်အနက်ရောင်၊မိုးပြာရောင်ရှပ်နဲ့အရပ်ရှည်ရှည်အသားညိုညိုလူတစ်ယောက်။မနက်ခင်းမှာတောင်နေကာမျက်မှန်အမဲကြီးတပ်ထားသည်။ထိုလူကလက်ပိုက်ပြီးကားကိုမှီရပ်ကာကျောင်းဘက်ကိုကြည့်နေသည်။သူ့ကိုမြင်တာနဲ့မိုးညိုအိမ်ပြန်လို့မဖြစ်တော့မှန်းနားလည်လိုက်သည်။ချက်ချင်းပဲပိုင်ဇေ့ဆီကိုဖုန်းခေါ်လိုက်သည်။
