#مجنونتي
#البارت_الثاني_والأربعون
صلي الله علي طـــــــــــــه خير الخلق وأحلاها🌺🌺🌺🌺🌺🌺🌺🌺🌺مع Shoshitoo
:كـل واحد فيكوا ليه حاجة هيعملها واحد منكوا هيسافر المغرب عشان القنبلة الي هناك وهيبقي معاه فريق بتاعنا هيروح معاه هننقلوا عن طريق طيارة خاصة وهتنزلوا وهتلاقوا قوة موجودة من المغرب كمان هتساعدكوا أوي لأن دي بلدهم واحنا علي أتصال بيهم..وهنا الباقي وهيكون معاكوا فريق دعم بردو أظن كده معندكوش اي أستفسار...
هزوا رأسهم بالنفي دليلاً علي عدم وجود اي أسئلة فالخطة واضحة للغاية..وأردف بكلمات أخيرة:
_الطيارة هتكون جاهزة علي الساعة 8 يعني كمان ساعة تكونوا في المقر هتروحوا تجهزوا وطيروا.. والي هيفضل هنـا القنبلة موجودة في **** بس لسة متحددش هي فين بالتحديد هتكون دي وظيفة الي هيفضلوا هيمشطوا المكان لحد ميوصلولها معاكوا وقت لحد بكرة الساعة 12 بليل بعد كده القنبلة هتنفجر فلازم تمشطوا المكان كله والوضع كده كمان في المغرب الفلاشة مفهاش غير أسم المنطقة لكن موقعها لسة متحددش مكانها فانتوا هيبقي معاكوا ناس خبره والأجهزة كمان هتساعدكوا بس اهم حاجة..
قاطعه "أدهـم" بتركيز:
_الوقت اهم حاجة الوقت يعني المفروض نبدأ من دلوقتي..
أردف "كريم" بتأيد:
_بالظبط كده..
نظر "هادي" بهدوء كشخصيته وأردف:
_يبقي نتحرك بقي عشان نلحق نظبط الموضوع..
نظر "محمود" لثلاثتهم بتمعن ثم اردف بتحفيز.:
_ربنا يوفقكوا يا رجالة..
رحل اللواء"محمود" بعدما أملي عليهم التعليمات وبداخله قلق عليهم فالبحث عن القنبلة في تلك المدة القصيرة أشبه بالبحث عن إبرة في كوم قش دعا بداخله ان يستطيعوا فـ هم من أكفأ الظباط في المديرية يتمني أن يعودوا سالمين فأرتدي نظارته وانطلق بسيارته نحو المقر وخلفه "كريم و هادئ" فهم من ينطلفوا إلي المغرب بينما "أدهم" ذهب ليودع معذبة قلبه ليذهب إلي مقر عمله ليباشر البحث..فـصعد لأعلي وجدها تجلس في غرفته وتقرأ في كتاب الله بصوتها العذب الذي جعل جسده كله يقشعر من خشوعها وقرأتها المتقنة..
جلس ينظر لها وحينما انتبهت له فصدقت ونظرت له بإبتسامتها التي يحبها بشده وتلك الغمازات التي تزيدها جمالاً فوق جمالها وأردفت بمرح:
_في إيه يا سيادة المدير مسمحلكش انا جوزي غيور ولسه مموت اخويا ضرب فلو سمحت مسمحلكش تبوصلي كده..
نظر لها "أدهم" بحب ثم أردف بمكر وهو يحتضنها من خصرها:
_ويا تري جوز حضرتك كان غيران ليه يا تري؟!..
نظرت له ببراءة مردفة:
_يعني يرضيك أحضن أخويا الي أنا هو راضعين علي بعض وهو عرفني وانا عرفاه وكمان هو الي مجوزنا يغير منه بقي ده يرضيك ده ده "حمزة"..
كتم"أدهم ضحكاته علي ملامحها وأردف:
_لا أزاي ميرضنيش بس جايز بيحبك
قاطعته: ايه أيه جايز بيحبني جايز لا معلش انا متأكدة انو بيحبني يا عم معنديش انا حاجة أسمها جايز قال جايز قال لا مهو مش بعد كل الي حصل وتقولي جايز ايه يا عم لا خد بالك أحنا جامدين جدًا مش اووي بس..
أردف بمكر: يا جـدع
أردفت"حياة" بسرعة:
_اومال انت مفكر أيه..
ضحك "أدهم" علي مشاغبتها التي لا تنتهي وأحتضنها حتي كاد ان يدخلها بأضلاعه وهمس بجانب أذنها:
_لازم أمشي دلوقتي عشان عندي مهمة جيت أشوفك عشان هتوحشيني جدًا..بكت "حياة" وتشبتت به فـ هي لا تريد ابتعاده عنها في كل مرة يبتعد يحدث شيء ويتعذب كلاهما بعده حاول "أدهم" تهدئتها مردفًا:
_مش هتأخر يا قلبي هما يومين بس وهتلاقيني رجعتلك تاني بس أوعي تنسي تدعيلي..
خرجت من أحضانه مردفة بلوم:
_وانا لو مكنتش أدعيلك انت هدعي لـ مين يا حبيبي أخص عليك بجد بقي تشكك اني هنساك في دعائي انت دعوتي الوحيدة يا"أدهم" انت كل حاجة وأي حاجة يا "أدهم" بحبك ❤
تنهد "أدهم" وأردف بتذمر:
_يعني مكنتيش عارفة تقوليها قبل اليوم ده اديني بدل مقعد أشرحالك بالتفصيل مضطر أسافر عشان زفت العملية ربنا يسامحك علطول مطلعة عيني ينفع كده بقي دي كلمة تتقال قبل ما واحد يسافر هسافر أزاي أنا دلوقتي يا بت الناس ينفع الي بتعملي في قلبي المسكين ده..
ضحكت "حياة" علي تصرفات "أدهم" وتذمره فهي قالتها متعمدة حتي تجعله يشعر بالغيظ وان يشتاق إليها كما يشتاق هذا المسكين الذي يكمن خلف قفصها الصدري ويدق بشده لهذا الأدهم!!... الذي سيتركها وسيرحل إنها تشعر بالأشتياق إلية منذ الآن ماذا ستفعل عندما يغادر!!....
أحتضنته "حياة" هذه المرة هي لا تريده ان يرحل وهو لا يريد ان يتركها ويسافر ليومين فقط اعتاد ان يستيقظ علي وجهها المشرق وعلي تلك الغمازات التي يغار ان يراها احد غيره في غيابه وأردف بتملك:
_"حيـاة" هسافر يومين ممنوع تطلعي من المكان ده ممنوع تلبسي اللون الاسود والأحمر والكحلي وتضحكيش لحد بغمازاتك الحلوة دي ثم زفر واكمل اقولك متكلميش حد ولا بلاش متطلعيشمن الأوضة أحسن عشان محدش يشوفك غيري كده أحسن..
ضحكت "حياة" بصوت رقيق علي هذا المتملك وأردفت بمرح:
_يا بني انت ايه الي بتقوله ده متضحكش ومتكلمش ومتحركش كمان لا كده كتير يا "أدهم" انا مش بتكلم غير مع "أميرة" بس وكمان عليا مشيت و"حمزة" يعني مفيش حد غير "أميرة" بس وبعدين انا مشفتش المكان أصلاً ومطلعتش بره الباب ده يدوبك بدخل اوضة "أميرة" وبطلع منها واجي هنا بس انت غيور اووي يا أدهمي..
اردف "أدهم" بتملك عاشق:
_اه غيور وبحبك❤ثم انهي حديثه بقبله خاطفة علي شفتيها وتركها وخرج من الباب قائلاً:
_ سـلام يا حبي..
أردفت "حياة" بعشق وهي تري طيفه:
_سلام يا حبيبي.
أنت تقرأ
مجنونتي رواية بالعامية المصرية💜بقلم الفرفوشة //شهد سالم 💔😂😂
Genel Kurguالمقدمـــة يري بعض الأشخاص أن الحب تفاهه وليـس له وجود ويري البعض الأخر أن الحب هو الذي يمد الإنسان بالحياة وهناك من يؤمن بالحب إيماناً كاملاً وهناك من يحب ولكن يغلبه القدر دائماً وهناك من يعشق ولا يُعشق ، ولكـن عندما ينشأ الإنسان في مكان ولد فيه...
