ف القاهره
ومع بداء يوم جديد تستيقظ ( عشق) على رنين هاتفها وكان المتصل صديقتها المقربه (ريم)
عشق بنوم : الو ياريم
ريم بغضب من تاخريها: اي ياعشق انتى فين لحد دلوقتي انتى ناسيه اننا عندنا اجتماع بعد ساعه
عشق: اوبس خلاص اقفلى نص ساعه واكون عندك وجهزى للاجتماع عقبال ماجى
ريم: تمام بس متتاخريش سلام
عشق: سلام
وقامت عشق واخدت حماما دافئا وادت فرضها وغيرت ملابسها لكى تذهب الى عملها
نزلت عشق لترى امها واختها يجلسان على مائده الطعام
عشق: صباح الخير يأمى
الام: صباح الخير ياحبيبتى
وجلست عشق على المائده متجنبه تلك التى تنظر لها بغيظ لتردف بغيظ وبرود مصطنع: اى مفيش صباح الخير ياياسو
عشق ببرود متجنبه النظر لها: لا مفيش
ياسمين بغيظ: بقا كدا كل دا عشان اتاخرت شويا في حفله عيد ميلاد صحبتي
عشق وقد رفعت نظرها لها: لا مش عشان اتاخرتى بس عشان رحتى اصلا من غير ماتقوليلى او حتى تقولى لماما كنا منعناكى من حاجه عشان تخبى علينا لا وكمان راجعه البيت الساعه ١٢ بقا ف واحده محترمه تخرج من غير ماتقول لحد من اهلها وتقعد للوقت دا برا البيت
ياسمين بدموع فعشق بمثابه امها الثانيه: انا اسفه ياعشق صدقنى مش هكررها تانى انا بس حبيت اروح مع صحابى هما دايما بيقولو عليا معقده لانى مش بروح حفلات وانا حبيت اثبتلهم غير كدا انا اسفه مش هكررها تانى
عشق وقد رقت لدموعها قامت وجلست بجانبها: خلاص ياحبيبتي متعيطيش انا بس زعلانه لانك خبيتى عليا انك رايحه ولانك رجعتى متأخّر وخلتينى انا وماما نقلق عليكى
ياسمين: خلاص والله ماهكررها تانى بس انتي ماتزعليش منى
عشق: خلاص ياستي مش زعلانه بس ياريت متتكررش
ياسمين بمرح وقد عانقتها: خلاص والله وعد
الام بابتسامة هادئه: ربنا يهديكو يارب ويخليكو لبعض
عشق: ويخليكى لينا يامى انا همشي بقا عشان عندى اجتماع بعد شويا
الام: بس انتى لسه مكملتيش اكل يابنتى
عشق وهى تقبل راسها: لا يامى اكلت الحمدلله يلا سلام بقا
الام: سلام ياحبيبتي
وغادرت عشق الى عملها بينما اردفت ياسمين بمرح قائله: اه ماهو عشق بس اللى حبيبتك وانا بنت البطه السوده
الام بمرح: انا بطه سوده يابت
ياسمين بضحك على امها: لايابطوط انتى بطه بيضه وعسل كمان
الام بحده مصطنعه: بطوط اى يابت احترمى نفسك ويلا قومى على جامعتك
ياسمين: خلاص ياحاجه قايمه الله يلا سلام
اردفت ياسمين وهى تقوم وتقبل راسها ومن ثم غادرت اى جامعتها
بينما اخذت الام تدعو الله ان يحفظ بناتها
********************
وفى قصر العمده ف الصعيد
فقد استيقظ على حركه فى غرفته ففتح عيناه ليرى اخته تقف وتستعد لسكب كوب المياه عليه لتصحيه بطريقتها ولكنه اسرع على الحركه من مكانه فوقعت المياه على التخت
تفاجأت هى من حركته هذه فهى كانت تعتقد انه نام وسيفيق عندما تسكب المياه عليه وتهرب مثل كل مره ولكنه خالف توقعها
نظرت له فتقابلت مع نظرته الناريه لها فاردفت وهى تحاول الهروب: والله ماما هى اللى قالتلى اطلع اصحيك
