وفى مكان ما
كان يكسر كل شي يقابله بغضب ويردف بعصبيبه: يعنى اى مماتوش يعنى اى ناجدو منها
احد رجاله بخوف: والله ياباشا احنا قطعنا الفرامل بس هما اللى نطو من العربيه
الباشا بغضب وصوت عالى: عشان انا مشغل عندى شويه بهايم.... امشو اطلعو برا ياأغبيه
خرجو الرجال بينما هو ظل يكسر فى الاشياء بغضب : والله ليكون موتكم على ايدى ياولاد فاطمه وهحسر قلب امكو عليكو
***********
ومع بدايه يوم جديد مليئ بالاحداث والمفاجات
اشرقت اشعه الشمس على شرفه بطلتنا التى تململت على الفراش بإزعاج من صوت رنين هاتفها الذى ايقظها
عشق بازعاج: الو عايزة ايه على الصبح
ريم بصدمه : تصدقى ان انا غلطانه انى جيت من القاهره للصعيد عشان اقف جنبك واكون معاكى
عشق بإستعياب: اى دا هو انتى هنا فى الصعيد؟
ريم بضيق: هو انتى لسه بتسالى تعالى ياختى خدينى انا بقالى ساعه واقفه جنب السرايا وبرن عليكى لحد ما الشمس قورت دماغى
عشق بضحك: حاضر نزلالك اهو
**********
اما فى غرفه ياسمين
دلفت شمس الى الغرفه بدون استاذن
ياسمين بفزع: يابنتى حرام عليكى خضتينى
شمس برخامه وهى تشد خدودها: سلامتك من الخضه ياروحى
ياسمين: والله مجنونه انا مش عارفه ازاى انتى هتتجوزى انهاردا بجد مش عارفه
شمس بضيق وهى تجلس: ياشيخه اسكتى بقا متفكرنيش
نظرت لها ياسمين بصدمه ثم اكملت شمس: الا قوليلي ياياسو هو عادى الواحده تبقى متوتره فى اليوم دا
ياسمين بتنهيده: والله ياختى انا متجوزتش قبل كدا وبعدين هو انتى كدا متوتره؟
شمس: اه
ياسمين بقله حيله: بقولك اى ياشمس ما تقومى انزلى عقبال مالبس الطرحه وانزل وراكى
شمس بمرح: انتى بتطردينى بااااااس انا هروح عند امى ولا تقولى امشي ولا تبوظ فى وشي
ياسمين بضحك: والله انتى هتموتينى قريب
شمس بمزاح: خلاص هسيبك بس متتاخريش عليا عشان بغير عليكى يابيضه
ياسمين بضحك وغلب: والله مجنونه
خرجت شمس من الغرفه متجه لغرفتها لكى تجهز نفسها ولكن تفاجأت بأحدهم يضع يده على فمها ويجذبها لغرفه ما ثم تركها لفت شمس لتجد ان رعد من فعل ذلك
