وفى صباح يوم جديد في القاهرة
دلفت هذه الجميله الشركه ليقف الجميع احتراما لها
دلفت الى مكتبها واشارت للسكرتيره لتدخل خلفها فاردافت: اطلبى الاستاذ كريم وخليه يجى وهاتيلى فنجان قهوه
السكرتيره بايماءه وكانت تدعى( مي): حاضر يافندم
وبالفعل خرجت مي واتجهت لمكتب كريم وطرقت الباب ودلفت عندما سمعت الاذن بالدخول فراته مندمج فى عمله فقالت: الانسه عشق طالبه حضرتك يافندم
كريم وبعد ان رفع نظره لها فقال بابتسامه: حاضر هروحلها دلوقتي
امأت مي براسها وكادت ان تغادر الا ان صوت كريم اوقفها قائلا: استنى يامي
مي: نعم يافندم
كريم وقد قام من مكانه واتجه لها: مش قلنا بلاش فندم دى
مي: بس احنا فى شركه عايزنى اقول لحضرتك اى يعنى
كريم: ياستى قولى اى حاجه بس بلاش فندم دى
مي: حاضر ياباشمهندس
كريم بضحك: بردو والله انتى عجيبه يامي عموما انا كنت عايز اكلمك فى موضوع كده ممكن اعزمك على الغداء ونتكلم شويا
مي بهدوء: ممكن بس موضوع ايه ده
كريم وهو يغادر: هتعرفى واحنا بنتغداء يلا هروح اشوف عشق بقا
مي وهى تغادر خلفه: حاضر
فى مكتب عشق سمعت طرق على الباب فسمحت للطارق بالدلوف فدخل كريم قائلا: حضرتك عايزانى
عشق باهتمام: اه ياكريم كنت عايزه اعرف عملت اى فى موضوع الحديد وكمان موضوع المهندسين والتصميم
كريم بابتسامه: كل شئ تمام المهندسين بداءؤ فى التصميم وان شاء الله هيكون عندك تصميماتهم بكرا اما بقا بالنسبة للحديد فانا اتفقت مع شركه الصفوى للحديد والصلب واتفاقنا هنستلم الحديد بعد اسبوعين بس بصراحه مدير الشركه طلب منى اخدله معاد من حضرتك لانه عايز يتعرف عليكى ويمضى العقد معاكى بشكل مباشر
عشق باستغراب: اشمعنا يعنى
كريم: معرفش والله بس هو طلب كدا وانا مقدرتش ارفضّ وقلتلو هخدلك معاد وهو عايز يقابلك انهاردا عشان بكرا هيرجع الصعيد
عشق: تمام خلاص كلمه وقولو ان انا فى انتظراه
كريم وهو يقوم: تمام عن ازنك
عشق: اتفضل
**************
وفى المشفى فى الصعيد
استيقظت اميره فلم تجد والدتها فى الغرفه فظنت انها نزلت لتجلب شيء ما وظلت تفكر فيما حدث معها فقاطع تفكيرها دلوف مازن الى الغرفه بعد ان استاذن
