صباح / مساء الخير فراشاتي 💕
شلونكم ؟ ان شاء الله تكونون بالف مليون خير اليوم راح نكمل روايتنة وقصتنة والسرد بيها اهم شيء بنات عيشوها حسو بيها تفاعلو نفسيًا وية كلماتها حتى توصلون لاعلى مرتبة للاستمتاع بالرواية ، اتمنى الكم قراءة مُمتعة ويلا نبلللشششش 🏃🏻♀️💙
ملاحظة // جيبو وياكم شيء تاكلو 🙃😂💕
الكاتبـة//
#جنات_ الموسوي
جـروح اعـداي حـاسبهن خـراميـش
لجـن حـيل المـني جـروح الاحـباب 💔
جنّة// كعدت الصبح جانت الساعة ٧:٠٠ الصبح الجو بارد حيل و ضوة الشمس داخل ع غررفة والغررفة هدوء بس اكو صوت بعيد مال خبصة عرس جوة و صوت مواعين وسوالف باوعت محد من البنات بفراشها كمت غسلت وجهي ورفعت شعري وذبيت شال ع راسي ونزلت دخلت للمطبخ لكيت البنات جاي يتريكن
هاا واجن تتريكن وماتكعدني وحصررت نفسي بنصهن
سارة// بنت عمي شهم الوسطانية خايبة كلنة خطية جاية من سفر وتعبانة عفناج سويعة نايمة وهسة جاي نتريك حتى كلنة نروح لبيت جدو
جنّة // كلجن راح تروحن لبيت جدي هسة
سارة// اي كلنة راح نروح نساعدهن بالغدة يكلج الديوان ع غدة ينترس زلم كل القرية والشيوخ راح يجون جدي مسوي وليمة و عماتي و عمامي وبناتهم و ولدهم ملتمين وعمتي حياة موصية ابوية من البارحة لازم باجر من الصبح كلنة يمها راح تجين انتِ مو ؟
جنّة// لا انتن روحن واني اجي بعدين لا تنتظرني
ماردت اروح من الصبح وياهن احس ما جاهزة بسرعة التقي بيهم وهمة مخبوصين راح اتوتر ماجاهزة نهائيًا عافني البنات ع راحتي و غيرن ملابسهن احنة نلبس عبي خليجية و راحن كلهن ع بيت جدي ماعدا زوجة ابن عمي الچبير بقت تعدل بالبيت وبقت يم جهالها حيل صغار ونايمين تفقنة ورة الغدة تسبحهم وتبدللهم ونروح كلنة كمت لميت مواعين الريوك وغسلتهن كلت للبنات عوفن مواعين الريوك علية وانتن روحن غسلتهن ومسحت الطابق الجوة مال بيت وصعدت ع الغرفة الجنت نايمة بيها عزلتها ونظفتها ومسحتها وعطرتها جانت ضوجة وحرت شسوي كلت خلي ابلش من هسة اجهز نفسي شوي شوي حتى ما انخبص طلعت فستاني من الجنطة طبعًا جايبتة بجنطة وحدة لان حيل ضخم وراقي وفخم علكتة باب الكنتور وراها طلعت الشال و جهزت الدنابيس و خليت المكياج ع التسريحة(ميز التواليت) من بعدها دخلت اخذتلي دوش طبعًا العائلة كلها راح تروح تحني لبنية لذلك نلبس حجابات وما ننزعها جنت واكفة اباوع ع مكياج وحايرة منين ابلش و يالوان اخلي شوي وتدخل علية جنان جنان تصير اخت زوجة ابن عمي بنية عمرها ٢٢ سنة تدرس جامعة ومثقفة واني وياها صديقات و من تجي ع اختها نجي ونلتم سوية سلمت علية سلام حار صدك جنت مشاقتلها
أنت تقرأ
ظلمني شيخ قلبي
Romanceاكرهُ نفسي عِندما اكون ضَعيفة آمام جبروتهِ وقوته اريدُ ان اتحرر من قيوده لا اريد ان اتقيد به ولكن لقلبي رأييٌ مُخالفاً لذلك كانهُ هو المسيطر لا انا..
