ظلمني شيخ قلبي

البارت الرابـع..

هلو ياحلوات يافرشات 🦋💙 اجيتكم بآسرع بارت بالدنيا مثل ما طلبتو من يمي 😂💜اليوم البارت عجيب عيشو بي وركزولي بي وتخيلو وياي جيبو شيء تاكلو تشربو وستمتعو +++ احبكم هووواي💕

يا ظفيرة نترست من الناس عگدات ونذر و ياورك حنة وطعام چاي و جمال امي وسوالفها الچناينها العصر ...

شيخ علي:-كعدت الصبح مثل كُل مرة من وكت حتى الحك امشي امور العشيرة والفلاليح والزرع ومشاكل الوادم هواي مسؤوليات على ظهري بدلت وتعطرت واخذت سويجي ونزلت بية طبيعة ماتريك بالبيت كلة بالديوان وانتظر جدي و الحجي يكعدون واتريك وياهم ع المة هذا طبعي من صغري زلت واول ما نزلت اجيت افتح الباب الخارجي ولكيتة مفتوح تعجبت كل مرة اني افتح البوب الصباحيات كلت هذا اكيد واحد من الولد كاعد قبلي فتحتة تقدمت خطوتين لكيتها واكفة بصف اليآسة لابسة دشداشة مرسومة عليها رسم شعرها مبينة ذيالة من جوة الشال لان مفتوح ومخلية شيء تدفة بي ع متونها مغمضة عيونها ورموشها شكد ما طوال بارزات مبتسمة بخفة وغمازتها لوحيدة يادوب مبينة اطراف اصابها حمر من البرد وخشمها محومر ردت اركض والفها بين عبايتي حسيتها بنيتي المحروم منها١٨ سنة حبيبتي وحلالي الي اباوع عليها من بعيد احسها حنينة بيها كلشي حلو للحظة وحدة حسيت بروحي وكلت شمالني هيج اهذي عطت بيها عيطة قوية خليت جسمها يرجف رزلتها ومن ارزلها احسها تعاتبني بعيونها ورب الكعبة ماكو شيء يكسرني ولا يوجعني بكد هاي النظرة بس اني نفسي مدري ليش هيج اعاملها ستهضمت وعفتها تحجي وطلعت ..

شغلت السيارة وطلعت ع بساتين لازم مسويلي جدول كل اسبوع اشرف ع شغل والعمال والفلاليح واشوف نقوصاتهم رغم زيدون ومهيب وحسن اخوتي ما مقصرين وعليهم الاعتماد بس لازم اتآكد طلعت وبنص الطريق اجاني اتصال اليوم لازم عندي كعدة وية شيخ عشيرة چبير حتى احل الهم مشكلة بين عشيرة ثانية واصير مصلح بينهم بس المشكلة ما مرتب وضعي لهل كعدة ولازم ارجع للبيت حتى اجيب جم شغلة واروحلهم لفت السيارة ورجعت للبيت اني واريد اوصل لكيت جنة طلعت من فرع البيت و وحدها وتمشي خفيف و لا زهراء ولا خط احنة عمرنة كلة ما طلعنة نسووان وحدهن تجي هاي تسويها دمي كام يغلي وعيوني جومرن من العصبية طبكت السيارة ومشيت مسافة وراها بعدها مشت بالبستان وجان يجي ولد ويتمضحك وراها وهي شوي وحجت وياه و تتمضحك هم ويمشون خفيف بنص بستان و وحدها بذيج اللحظة حسيت دفنتها واجببب تالي عمري تنزل راسي هاي وتتمعشك بالبساتين جن سليمان كلة صعد براسي سحبت اقسام ورميت هذا الحيوان برجلة وركضت عليها مثل المخبل ..

جنة :-شمرني بالسيارة واحس روحي طلعت لسابع سمة من الضرب والخوف مدري شمآخذ من فكرة حتى هيج يسوي صعد وهوة يرجف احسة وحش اول مرة اشوفة هيج متهستر عرفت موتي بهذا اليوم راح يصير اخذ الجهاز وتصل بحسن ..

شيخ علي:- حسن اسمعني زين الحجي الي راح اكولة بشررر يتنفس ماريد يعرف بي بالبستان تلكة واحد مصوب تآخذة وتذبة بالمخزن مال محلات القديمة بالسوك العتيك و تجيب ابو يوس المضمد يداويلة جرحة واذا كلك الة مستشفى كص رجلة ولا تودي ..