ظلمني شيخ قلبي

البارت السادس ..

صباح / مساء الخير فراشاتي 💕
شلونكم ؟ ان شاء الله تكونون بالف مليون خير اليوم راح نكمل روايتنة وقصتنة والسرد بيها اهم شيء بنات عيشوها حسو بيها تفاعلو نفسيًا وية كلماتها حتى توصلون لاعلى مرتبة للاستمتاع بالرواية ، اتمنى الكم قراءة مُمتعة ويلا نبلللشششش 🏃🏻‍♀️💙

ملاحظة // جيبو وياكم شيء تاكلو 🙃😂💕

الكاتبـة//
#جنات_ الموسوي

كلهـم ما مدنـك كمـت مثل النـار
من تلهـب ومحـد يُـعرف شـبيها 🔥💔 ..

جـنّة // صعدت بالسيارة واخذني عمو ابو زينب وعمة اخلاص بعد ما ودعت جدي الي مكسور خاطرة علية و ودعت زيد الي فعلاً جان اخ دنيا وسند الي صدك الي يكلك الدنيا من تشد حيلها عليك بالمصايب ربك راح يبينلك الي وياك و الي عليك الطريق كُلة اني ساكتة بس عقلي يشتغل ومصدوم عفت ديرتي واهلي وطفولتي ومراهقتي وحياتي احس اني تحت تآثير صدمة حيل جبيرة عمي وعمة طول الطريق يقرون قران وادعية علية واني شبه فاقدة الوعي ما عندي لا الصحة ولا الطاقة احس نهد حيلي و صلنة لبغداد باليل تلكتني زوجة ثامراسمها عذراء كلش حبابة و حنونة وعدها بس ولد وبنية صغار حيل الولد ٧ اشهرعمرة والبنية سنتين و جانت واكفة بصفها بنت عمي زينب هي بكدي وهم صف سادس اني حيل احبها رغم ما ملتقين هواي بس هي من جانت تجينة حبابة و اخوها ثامرعمرة ٢٧ سنة هم جان موجود ساعدتني عمتي من نزلتي من السيارة وكعدتني ع كرسي المتحرك واجة ثامر مشة الكرسي سلمو علية وجانو حيل فرحانين بية بس نظرات الشفقة والدموع المحبوسة علية  بعيونهم توجعني حيل باوعت ع بيت عمي اني اول مرة اشوفة وادخلة بيت ضخم وراقي حيل وبي اكثر من طابق صح مو مثل بيوتنة لان بيوتنة قصور ومضايف بس بيتهم حيل راقي وحديث دخلنة جوة و اخذت زينب تمشي الكرسي بدال ثامر شاورتني و تضحك

زينب // شيخلصج مني راح ابقى العب و افرج وانتي بالكرسي ههههه

جنة // بتسمتلها بس متتت الم لان وجهي مشكك و مورم حتى الحجي والابتسامة يوجعن جروح وجهي زينب حيل حلوة ضعيفة و شعرها قصير اسود وعيونها كبار نازكة حيل

ابو زينب // باباتي زنوبة صعدي جنّة لغرفتها الي جهزتيها الها وشنو تحتاج انتي تبقين يم راسها بوية زينب جنّة هي اختج الي ما جابتها الج امج كُل الي بالبيت يحط جنّة بعيونة ويغمضها

عمة اخلاص // ابو زينب جنّة بنيتي ولا توصيني ببنيتي و الله يشهد مو بس احطها بعيوني ع راسي وامشي متباهية بيها