ظلمني شيخ قلبي

البارت الحـادي عـشـر..

صباح / مساء الخير فراشاتي 💕
شلونكم ؟ ان شاء الله تكونون بالف مليون خير اليوم راح نكمل روايتنة وقصتنة والسرد بيها اهم شيء بنات عيشوها حسو بيها تفاعلو نفسيًا وية كلماتها حتى توصلون لاعلى مرتبة للاستمتاع بالرواية ، اتمنى الكم قراءة مُمتعة ويلا نبلللشششش 🏃🏻‍♀️💙

ملاحظة // جيبو وياكم شيء تاكلو 🙃😂💕

الكاتبـة//
#جنات_ الموسوي

لأني رِيفي
أحبّبتُ مَلامِح القَمح فِي عيّنيكِ 🌾♥️

جنة// وصلنة للبيت اول مادخلت و نزعت جوري مني البركع كل النسوان فتحن حلكن ع جمالي و نصهن ماعرفني 😂😂 اجتي زهراء شاورتني و بصفها عبير وزينب

زهراء // اكلج شو بلة احجي انتِ جنة لو بدلوج ؟

جنة// 😂😂😂😂😂 دنجبي مو لهل درجة

عبير // خايبة يا مو هل درجة هو غيررر تسطرررين من الجمال

جنة// ادري بروحي حلوة بس روحن جيبلي شي اكلة متت جوع

جوري // ومنو الي اكلت فلافل من الصبح

جنة// انتِ كلتيها من الصبح هسة راح يصير العصر جابلي البنات ماعون دولمة وكعدت اكل كعدن هلاهل و ركص لحد ما صارت الساعة بـ٤ العصر كالو راح نروح لزفة زيد و ونجيب شمس حتى لليل نزفجن باوعت عليهم يجهزون اني صفنت وكلت الجوري لعد واني منو يبقى يمي باوعت علية الشيخة و كالت واني وين رحت اني و جوري يمج لا عمة انتِ لازم تروحين من زمان بنفسج تجيبين عروس زيد بايدج واني جوري يمي وبعدين انتم مراح تتاخرون وقابل اني غريبة واستغرب

الشيخة // هاهية يبعد امج ع كولتج انتِ مو غريبة انتِ بنيتي

جنة// راحن كل النسوان و لزلم بقيت اني و جوري
اكلج جوري اني احس رجلي تورمت من الحذاء اريد انزعة وابلل رجلي مي بارد

جوري // انتظري اجيبلج طشت مي بارد و نزعي الحذاء وخلي رجلج بالطشت

جنة // عليمن اني رايحة للحمام اغسلهن واجي بلكي حرارتهن تروح احس يفورن رحت للحمام الي فوك بغرفة البنات دخلت للغرفة و من بعدها رحت للحمام فتحت البوري مال مي ع رجلي حتى تبرد بقيت تقريبا خمس دقايق من طلعت بس رفعت راسي شفت اسماء بوجهي نزززيت نزة ما صايرة اني كل ظني هي رايحة وياهم جانت باجية كلش وعيونها مطككة من البجي