ظلمني شيخ قلبي

البارت العـاشـر..

صباح / مساء الخير فراشاتي 💕
شلونكم ؟ ان شاء الله تكونون بالف مليون خير اليوم راح نكمل روايتنة وقصتنة والسرد بيها اهم شيء بنات عيشوها حسو بيها تفاعلو نفسيًا وية كلماتها حتى توصلون لاعلى مرتبة للاستمتاع بالرواية ، اتمنى الكم قراءة مُمتعة ويلا نبلللشششش 🏃🏻‍♀️💙

ملاحظة // جيبو وياكم شيء تاكلو 🙃😂💕

الكاتبـة//
#جنات_ الموسوي

صورةٌ واحدة لكِ فقط
‏أحارب بها وجوه النساء التي أصادفهن كل يوم وتنتصر !

شيخ علي// من رخصة الحاضرين كلهم و من رخصة الاكبارية و من رخصة كل الشيبات اعرف الحرمة ماتدخل للمضيف و تتوسط الزلم بس هاي الحرمة تختلف لانها محجوزة لشيخ من صغرها اعترف اني اذيتها و خطآت بحقها و جل من لا يُخطآ بس الله غفار الذنوب و اني طلبت مغفرتي ع ذنبي بحقها من يم الله ومن ثم الايام راح تثبت اني راح انسيها اذيتي بطيب المعاملة جنة من صغرها مكتوبة الي و حقي و اتصور هسة بلغت وكبرت وكل حق يرجع الصاحبة و جنة وصية لازم تتنفذ و اني كدامك كلكم احب ابلغكم ان شاء الله وبحيل الله عرسي و عرس زيد باجر و مادام عمي موجود هسة يعقدلنة

جنة // اسمع بالحجي مالتة و كل الي جنت اكدر اسوي اصفن بوجهة واكول بداخلي هذا ناوي يدمرني لا محالة يعني فوك كُل الي سواه بية جاي يريدني الة مو من كل عقلة اكيدد ؟؟

جدي // بوووية قرار عرسك بالزواج باجر قرار مُستعجل كلش

جنة // نصددددمت وفكيت حلكي ع كلام جدي يعني جدي ماعندة اعتراض يزوجني لهل انسان الي جرم بحقي ؟ وعندة اشكال ع عرس باجر؟ طلعت من سكوتي و كلت لازم احجي لازززم
حجيت بصوت كلة يرجف وبي نداء استغاثة غير مباشر (جدي و اني ؟؟)

جدي // بنيتي جنة لازم تعرفين شغلة مهمة اني ماكدر و مو بيدي اسوي شي هذا الشي وصية ابوووج و امج الله يرحمهم و لازم تتنفذ

شيخ علي // تفضل عمي مانريد نعطلكم عن عشاكم اعقدلنة مادام الكل حاضر

جنة // من الصدمة و من عدم الاستيعاب الي صارتلي كل الي قررتة انو راح اشوووف شيخ علي ايام سووود و اكررهة بعيشتة و انزل كلمتة لاسفل السافلين
بلش عمي يقرا ايات من القران ع زواج و بلش يعقدلنة بشلو يتفقون ع حاضر و ذكر الغايب حتى عمي يسجل واني كاعدة بنصهم بدون ما نطق حرف بس اكل بنفسي و احقد ع شيخ علي بلش عمي يسآل بي و هو ما شا الله عليه كالها بعلو صوتة كانما يكلي غصبًا عليج حصلتج بلش يسالني و اني كابتة صوتي و دموعي و قهرتي و حسرتي و عتابي ع امي و ابوية الي سلموني بايدة كلت بصوت يادوب ينسمع بعد ما عمي كرر جملة الزواج علية اكثر من مرة كلت موافقة بس بداخلي معناها اكول ميتة خلص عمي و وقعو الشهود الي همة حسن و ابن عمي احمد الجبير باوعت ع جدي و استاذنتة و طلعت اول ماطلعت لكيت امة الثقلين من النسوان واكفة متوترة و عيونها مستغربة تباوعلي باوعت عليهن و بدون ما احجي صعدت فوك دخلت للغرفة سديت الباب غيرت فستاني و نزعت حذائي لبست كلبية و نزلت كلش طبيعي لكيتهن كلهن يحجن و اول ما دخلت سكتن و محد حجت لكيت زينب تحط طرشي كتلها عوفي عنج اكمل كعدت اساعد بيهن وهنة مستغربات مانطيت اي ردة فعل ع الي الصار كملنة صب العشة و اجوي الزام اخذوه كعدنة نتعشة وجانت زهراء كبالي زينب جاي تشرب مي وزهراء غصت وبقت تكحكح فد مرررة غصت بالاكل و تاشر الزينب و زينب عبالها تصيحها