السلام عليكم...
اعرفكم بنفسي انا شيخ علي شيخ من اكبر شيوخ العمارة واذكلهم وزن وحچايتة ماصارت ولا راح تصير ثنين احچي الحق لو على كص ركبتي واليجيني دخيل انطي هلي وماانطي معروف علية بين كل السلف شنو شيخ علي احنة شيوخ اب عن جد وميسورين الحال بس عمرنة ماتعلينة على كومنة وماصرنة نباوع الهم بالعين الصغيرة انا ورثت الشيوخية من عمري ٢٥ سنة سلمها الي ابوي بعد ماجان جدي مستلمها عمامي ماعارضو لان يدرون كلش زين محد يدبرها غيري ومسؤليتها چبيرة وتكسر الظهر انة انسان يبين علية جاف من واحد يشوفي قاسي وعصبي ودمي حار من يوم يومة بس رغم هذا كلبي طيب بس ماابين الاحد ملامحي حادة صاحب عيون حادة وجوزية ورموش طوال جسمي ضخم وطويل ورياضي اسمر بس بشكار انسان كلش مهتم بشكلي واناقتي وعندي هوس بالسيارات مكمل جامعة كلية هندسة مدني بس مااشتغل بمجالي كل وكتي مخلي للعشيرة والكيعان نقطة ضعفي اهلي العائلة من اولوياتي متزوج بت عمي لقاء طبعاً يبين للعالم اني ماخذها عن حب بس لا الحب جان بس من طرفها واخذتها احتراماً العمي احترمها واقدرها بس المالك گلبي وماخذة وعايش ومستوطني راسي وگلبي هي جنة اوووف يجنة من زغرها شالعة افآدي ومعذبتني ابين اني اكرها واضوج منها وكل ماتصير گبالي اخزها واذب الها حجاية تضوجها بس كل هذا حتى اهدي نار كلبي مااكدر اروح واحول احبنها واريدنها اني شيخ علي بكبري ومقامي زعطوط تخليني اروحلها ماادري احس بضعف بهل شي يجوز لان احنة كبرنة على انو المرة هي التنطي وانتَ بس التأخذ رغم هذا اكو اشياء اشوفها بعيونها ماجاي اشوفها عند مرتي احاول ابعد نظري عنها بس هي بطفولتها مخبلتني .....
ورداتي مو تنسون الايك والتعليقات الحلوة واريد اعرف رئيكم الراقي مثلكم لأن يحفزني انو استمر🌿💜
#الكاتبة_ جنات_الموسوي.
أنت تقرأ
ظلمني شيخ قلبي
Romantikاكرهُ نفسي عِندما اكون ضَعيفة آمام جبروتهِ وقوته اريدُ ان اتحرر من قيوده لا اريد ان اتقيد به ولكن لقلبي رأييٌ مُخالفاً لذلك كانهُ هو المسيطر لا انا..
