ظلمني شيخ قلبي

البارت الخامس..

مساء / صباح اي وقت انتم بي ان شاء الله تكونون بآحسن حال شلونكم مشتاقتلكم والله واسفةةة هواي ع تآخيرر بس مريت شوي بظروف اريدكم تدعولي بيها وحقكم علية واليوم اعوضكم تعوييض حلو وعد💕🌧

اليوم نكمل سرد الأحداث بقصتنة ان شاء الله تعجبكم احبكم كولش هوواي وشكرًا ع تفاعلكم وكلامكم الذهب 💙💎

مابيـه ولابيـه
اصافح من جديد چفوف
باعت واشترت بيـه💔..

زيد :- دخلت للبيت ما اسمع الة صوت الصريخ وامي وخواتي يصيحن بآسم الشيخ علي يعوف جنّة ركضت فوك لكيت شيخ علي طالع من الغرفة مالتة بس عبالك جنازة متروس بدمة ومهدود حيلة ركضت ع غرفة شفت جنة مرمية بطلقة وسابحة بدمها عرفت ما راح الحك عليها شلتها و ركضت بيها واني الي ماتنزل دمعتي وما مخلي بشر يشوفها غوشت عيوني من البجي عليها الكافر ما يسوي هيج بيها اخذتها وصعدت وياي عبير و زوجة حسن ومهيب شخطت السيارة وسويت الطريق عشر دقايق وصلنة للمستشفى ركضو بيها الدكاترة للطوارئ وبعدها غرفة العمليات نتهينة من الخوف ونريد نفهم شصار بعدها اجوي للمستشفى جدي وابوي و عمامي وولدهم ونترست المستشفى ومحد يدري ليش شيخ علي سوة هيج بجنة .

زيد:- من رخصتك جدي و من رخصة الاكبارية قسمًا بذات الله اذا شيخ علي مسوي هيج جريمة بجنة ع باطل اني اتبرى منة ولا هو اخوية ولا اعرفة

ابوي :-انجب اليوم الكعدة ونفهم من اخوك كلشي بس هسة المهم جنّة تطلع بخير واكيد الة سبب

بعد خمس ساعات من الخوف والرجيف و الدعاء طلع الدكتور وكلها هبت عليه

الكُل:- هاا دكتور بشررر بنيتنة شلونها؟؟

الدكتور:- لازم تقدمون تقرير للشرطة ع سبب حالة المريضة لان البيها ما يشيلة العقل اجتنة شبه ميتة ماعرفنة نعالج الجروح ونخيط لو نطلع الرصاصة البنية وضعها خطر ويراد تبقى بالعناية صغيرة بالعمر وبنيتها ضعيفة ع هل وجع دعولها

كلنة خفنة والبنات يبجن بقو ولد عمومتي وعبير واخوي مهيب هناك لان مايقبلون ندخل ولا نشوفها ورحنة كلنة حتى نجتمع بشيخ علي ونفهم السالفة

زهراء:-بعد ما ركض زيد بجنة للمستشفى متنة من البواجي والقلق والانتظار روحنة طلعت كعدت املخ بروحي لان جنت سبب بالي صار واحس اعترفت بالشين عليها وهي اخيتي ورويحتي امي تخربطت وكل ساعة نصحيها وشيخ علي طلع وبعد ماندري بي ورة كم ساعة دخلو الزلم علينة واجتمعو بالديوان وعرفنة وضع جنة مو زين و الكل كاعد ع اعصابة يريد يجي الشيخ علي يفهمهم

شيخ علي:- بعد ما جنة رمت نفسها بالطلقة شكد كلبي جلد وبارد وقاسي وشايف موت بس اول مرة انسطر لدرجة روحي تطلع هيج حسيت روحي طلعت من رمت نفسها وفقدت واجة زيد اخذها ومادري شصار بيها اذا حية لو ميتة طلعت من البيت وصعدت سيارتي وكمت اسوق بلا وعي خابرت حسن حتى اروح لمكان هذا الناقص لكيت مختلة بمستودع دخلت وشفتة معالج رجلة لان حسن عندة خبرة بهل مواضيع لزمتة وخليت الاسلاح براسة وكتلة اذا ما تحجي الحق هل رصاصة مو برجلك هل مرة براسك