ظلمني شيخ قلبي

البارت الثاني عشـر ..

صباح / مساء الخير فراشاتي 💕
شلونكم ؟ ان شاء الله تكونون بالف مليون خير اليوم راح نكمل روايتنة وقصتنة والسرد بيها اهم شيء بنات عيشوها حسو بيها تفاعلو نفسيًا وية كلماتها حتى توصلون لاعلى مرتبة للاستمتاع بالرواية ، اتمنى الكم قراءة مُمتعة ويلا نبلللشششش 🏃🏻‍♀️💙

ملاحظة // جيبو وياكم شيء تاكلو 🙃😂💕

الكاتبـة//
#جنات_ الموسوي

هم حطت كحل بعيونها الحلوات !!
وهنه بلا كحل بلشوف چتالات .

جنة // هستوني غفيت خمس دقايق و حسيت الباب نفتح بقوة فزيت من نومتي ولكيت علي و اسماء يم راسي نصدمت شبيهم هذولة كمت ع حيلي و كتلهم خير شكو ؟

اسماء // ما تحملتي الة تتبجبجين الة و تشكيلة من يمي

شيخ علي // لزمتها من شعرها و حجيت بنبرة اريد ابلعها بيها صوتج مرة ثانية مايعلة واني موجود و شوفي يا اسماء هذا اني وهذا قراري بالزواج من جنة تقبليها تعيشين معززة مكرمة و تبقين من حرمة شيخ علي والطفل الي بطنج وانتِ تعيشين احسن عيشة ما تتقبليها وتبلشين بامورج الخبيثة ذاك الباب يوسع الجمل و حمول الجمل مفهووووم يا اسماء؟؟

اسماء// تتطردني علمودها وما صارلكم يوم من مزوجين ؟

شيخ علي// اذا فهمتيها هيج طبج مررررض

اسماء// ماشي ياشيخ علي اني عايفتلك البيت وماشية وخلي هل بزر تفيدك

شيخ علي// اسمعي زين وخليها ترجية باذنج المرة الي تطلع من هل بيت واني ما طاردها ما ارجعها من بيت اهلها لو تموووت و يلا كدامي عتذريلها عتذارين الاول ع حركة الشيطانية الي سويتيها اليوم قبل الزفة والثانية ع كلمة البزر الي هسة حجيتها الها

اسماء// هسة كمت تدور مقام لهل بزر!! لعد منو القبل كم شهر رمة هل بزر طلقة لان يشك بيها !!

جنة // من حجت اسماء هل حجاية و ماحسيت الة و راجدي قوووي نوم اسماء بالكاع

شيخ علي// وحق من انزل القُران لو مو بطنج طفل جان خليتج تصيحين لربج من الكتل طلعي و بعد اياني و اياج اشووف خلقتج الزززفرررة

جنة// طلعت اسماء من الغرفة و علي راح كعد ع جرباية ومدنج راسة بعصبية و ايدة ترجف ردت اعوفة يرتاح و اطلع من الغرفة وصلت للباب وحجة و هو بعدة مدنج بنبررة حادة كلها غضب و تعب