هلو حبايبي أن شاء الله كلكم بخير وحابة اشكُر الكُل على هل تفاعل الي يجنن وان شاء الله ابد ما طول عليكم بتنزيل البارتات قرائة ممتعة💙🤍
#الكاتبة_جنات _الموسوي.
جنة :_حسيت اكو صوت وراية واني كاعدة بالسطح درت وجهي واجتي عيني بعينة مشت رجفة قوية بجسمي لان هو سابقاً محذر وكايل ماريد طلعة بالسطح ابد بقيت اباوع عليه و افرك بيدي ومتوترة عيونة جانت تخزر بية ودنجت بسرعة تقرب من عندي و صارت مسافة كلش قليلة بيناتنة حجة بحة صوت بيها هدوء وبرود واعصاب وكلشي خلتني أريد اوكع من طولي .
شيخ علي:_اني مو قبل كايل ومحذر الف مرة ماكو طلعة بالسطح.
جنة:_ ما طلع من عندي اي صوت بس بقيت امتمت ويادوب ردت اطلع كلمة من عندي وابرر قاطعني.
شيخ علي:_ وبعدين عايفة الدنيا و الوادم والخطار وانتي من اهل البيت و صاعدة فوك وحدج هسة الي يشوفج شيأخذ نظرة وين يروح بالة هاا؟؟
جنة:_ بقيت بس ساكتة الساني نربط وماعرف شنو احجي وين اولي بس بقيت ادعي كون احد يجي يخلصني من عندة.
شيخ علي:_ بصوت عالي وكلة اعصاب جاوووووبيني.
جنة :_ واني ارجف واحجي طلعت لان ختنكت من جوة ولان هواي خطار وجهال وهوسة دخت شوي كلت اجر نفس خمس دقايق وانزل كام يتقرب واني ارجع ليورة و هو يباوع بعيوني ويحجي بهدوء .
شيخ علي:_ زين فتهمنة ختنكتي وطلعتي تشتمين هوة البواجي والنوح ليش؟
جنة:_بقى يتقدم واني ارجع ليورة وامتمت بالحجي كتلة هيج،،ماااكو شي ءءعيوني توجعني وصارت حمر جنت احجي وما احس الة نلوت رجلي و طحت ع ظهري عثرت بالدجة مال باب و مانتبهت وكعت وبقيت اتلوة ألم مو طبيعي برجلي صار وبس ابجي وعيوني ما وكفت ابد.
شيخ علي:_من وكعت وبقت تبجي دنجت بسرعة عليها باوعت ع رجليها صارت زركة من الوكعة وهي تبجي والألم أخذها من شفتها هيج من عصبيتي بقيت ارزل بيها بس لان خايف عليها شبيج ما تكليلي شهل ثول والغباء العندج بصوت عالي.
جنة:_كلة بسببك سويت جلسة مال تحقيق شفتني ابجي و انوح عوفني بحالي الة تدخل اااخ رجلي.
شيخ علي:_ وعلي لو ما واكعة وحاجية هل حجاية جان اليوم اطلعج مكسرة و كبل للمقبرة بس راح اغلس بمزاجي.
جنة:_ماحسيت غير حط ايدة على ظهري وشالني بقيت مشلولة اول مرة يطخني بكل حياتة متت من الخجل دخلني لغرفتي ونومني ع جرباية كال شوي واجي اصبري صدك شوي واجة جايب بايدة باندج وعصارة مال اعصاب دهن رجلي وكال راح اسوي حركة شوي تأذي بس تحمليها ولاتصرخين وتفضحينة و جان يطك رجلي قوي متت من الألم و زدت بالبجي كتلة وخر انتَ متعمد هيج تسوي حتى تاذيني اني شسويتلك وتكسرها عبالي كسرها.
أنت تقرأ
ظلمني شيخ قلبي
Romantikاكرهُ نفسي عِندما اكون ضَعيفة آمام جبروتهِ وقوته اريدُ ان اتحرر من قيوده لا اريد ان اتقيد به ولكن لقلبي رأييٌ مُخالفاً لذلك كانهُ هو المسيطر لا انا..
