أولاد الوازنة

الجـزء الـرابـع و العـشـرون

...فطوش حطاتها فوركو ، و شيفور تيحط لها حوايجها و الخيرات البلاد لي جابتهم معها، دارت تتفتح الساروت بدون جدوى ..

فطوش : احااي ، والله مابغى يتحل ....

..عليها وقفة بنهار امتى يتفتح الباب و دخل الدارها من عينين جيران تاتشوف اسماء جاية هازة سطل و صاك وقفات متفاجأة حاطة يدها على حنكها ...

اسماء: ( بارتجال ) امي على سلامتك ..( دخلت ساروت فالباب و تحل ) نعاونك امي !؟ 

فطوش ضرباتها اللقوة لفمها ، دخلو الحوايج غير طلعو الدار وهيا بدات تغوت ...

اويلها هيااا بدلت لها ساروت بابهاا !! اويلها هيااا علااش تجي و تلقاها قدامها !؟ اويلها هياااا اش فدااارها و محاالها ..تتويل ودايرة يدها مور ظهرها دخل بيت تخرج صالون و دخل كوزينة دوز بيتها ...منها تويال و مراقبة البيت 

اسماء: ( تتغبن ) آمي انا ماشي بنتك !؟ آشنوو فيها الا جيتي لقيتني فدار !؟ 

فطوش : ابنتيي و لي طلعت منها فالدنيا ، و مووصية هيا الا خليتك فالدار ، بالسلام لقيت الساروت مبدل غدا تهزي دار تحطيها فشي قنت !؟ 

اسماء: وسارووت تهرس ليااا ، و بدلتو واش نخليه محلول 

فطوش : وراااه كلتها ليه !! ماتخليهااش موراك !! ياك خلاك تمشي حمام و يجي راجلك يروحك محالك !؟ 

اسماء: ( عوجات فمها بامتعاض ) ماجاش !! 

فطوش : اتجيك فرااس !! ( لاحظت الحنة و شعر مصاوب وجلابة ) اش خاصك امااشاا !؟ خاصني الحنة الجوااد ( طيرات لها ساروت من يدها)زيدي قداامي نروحك محالك 

اسماء: ( باعتراض ) مانمشيش !! هانا مونساك تايجي اباا 

فطوش : ( تتعاود تصاوب زيفها ) حراام عليا دقيقة لازدتيها !! حسبي دروج 

اسماء : ( مشات بيتها تتخنخن جمعت حوايجها ..وتتسمعها تتعاير ) هو خلاني هيهيهي نمشي انا عندو باش يزيد يبرد فيا جنونو 

فطوش : ( تتغسل يدها و تتبدل جلابة ) يعلم الله شكون دخل محالي و نعس فراشي و كلا فماعني ،من صغرها تموت على جميع ...اويلي اويلي خاوية دارها و فراشها ..اويلي فين نرد وجهي 

اسماء : ( وقفات قدامها ) آاامي !! ( تتسمع دقان ) 

فطوش : هاا صحاباتك تابعينك ! نزلي جري عليهم قبل لا نزل نشتف عليهم ...