أولاد الوازنة

الجزء الثـامــن

.....وقف بطومبيل قدام وكالة باش يتصل بيها تخرج عندو ، اول اتصال عطاه اوكيبي وتاني اتصال سمع غواتها ...طيرها فالسماا و تم دااخل تيسب و عااير البنت الاستقبال ماجات تحبسو تاطار المكتب لي مكتوب فيه سميتها دفعو يلاه للمحها طاحت على طولتهاا .
فاروق: (طار عندها يهزهاا مخلوع) خديييجة ..خدييجةة
هازها من كتافها عندو تيحاول يفيقهاا تا دخلات ليالي و معاها بنت مخلوعين ...
ليالي: شنوو درتي لها !؟ مالهاا ..(تتقيس وجها ) خديجة تتسمعيني
فاروق: جيبي ريحة الماا ..غير سخفت
..بتلفة مشات تابيرو لصاكهاا تجيب ريحة و قرعة الماا ....مداتها فاروق تيرش على وجها و رش و ليالي تتشمها ريحة...يلاه بذات تفيق ..
خديجة: (تاتسمع صوت تيصوني فوذنها و صحتها طايحة ناضت تتبكي) اااه هيء هيء
فاروق هزها لحضنوو مخرجها و ليالي تابعاهم ...فتح باب لوطو بيد و دخلها حطهاا
خديجة: (ماقادة تهضر ولا تكلم ) ماابغيتش نمشي الدار نخلع ماماا
فاروق: (تيسد لها صمطة) ماغاديش نديك (شاف ليالي) مرات خويا جيبي لها صاكها عافاك ..
ليالي: ووي .......(مشات جابت لها صاكها و تلفونها عطاتهم ليه) عفااك افااروق ..عنداك معاها !!
فاروق: كوني هانية ......(غير تيتنهد حط صاكها للور و ركب مقلع بيهاا ) نديك طبيب ؟؟
خديجة: (تتحس بضعف فصحتها) مم بلاااش ..خاصني غير تقطيرة
خديجة: نوو ..شوف شي فاغماسي عفاك
....كسيرا و تيقلب على فغماسي تالمحو وقف حداااه ..نزل عند السيدة لي تماا و شرح لها حالة خديجة و خرجات على وعدها و سعدها و عبراتو لها قالطموبيل
: نازل عندك امدام طونسيون ، ماحاملاش !؟
فاروق: مزال !! شنو خاصها دبا !؟
: نعطيها تقطيرة و فيتامين ...(شافت فيها) الله يشافيك
..رجع معاها ..عطاتو الدوا و شرحت ليه طريقة الاستعمال ...
فاروق: (عطاها دوا) شوية لبااس !؟
خديجة: (دوخة مزال شداها) حمد الله شويش دباا
فاروق: غاادي نسولك وبلا ماتخلعي ليا و تسخفي !؟ (شاف فيها بحدة) معاامن كنتي تتهضري معااه !؟
خديجة: (بذات ترعد) الله يخليك ..مااناقصا مشااكل !! صحتي ماتتستحملش الصدااع ..
فاروق: اناا فذمة (حط يديه على صدرو) نهز صداع مشاكل و لي جات فالطريق ..مهم عندي الما مايدوزش من تحتي ! فهمتي ؟؟
فاروق: اش تتسوى قيمتي ؟ انا البنت لي باغيها لحلال حمااار لخلا يمرضها !؟ نقطع لمو للساان باش تيتهجى !!
خديجة: ( حانية راسها تسمع ليه ..الامان تتلمس كل مرة تتلقى بيه ولو تيخلعها و يخوفها الا تتحس بيه سيد نفسو) سي بوون !! هداك السيد صفحة تقطعت و عاارفني غادي نتزوج !!
فاروق: هااد الهضرة كووليها !! (جبد تلفون) شنو كنية هااد ولد قحبة !؟
خديجة: فاروق بليز !! ماناقصاش صدااع الا رجع صدعني ولا اتصل و الله تنقولها ليك ..
فاروق: (تماطى صاكها و جبد تلفوون نفس حارة تتخرج من انفو و عروقو تنفخوو ) ديري كوود
خديجة: (شدات تلفون تترعد ) غير كوولي علاااش ناوي ..واش بغيتي نوصلو معاه محاكم !؟
فاروق: حلليي زمر !! (حلاتو و حفظ كود K) معااك محكمة شخصيااا الا ماخويتو مدينة راني ماشي اجودان شاااف نوري زامل بوه يدور بحاجتي ..
فتح تلفون دخل مكالمات لقى رقم مور رقمو بدون اسم دخل انسطاا و بدا يقلب على وجهو لي مانساهاش تاطلع ليه سمية و كنية بلاصة فاش خدام سكريناه رسلو ليه ..
فاروق: هداا مسمار طرقنااه ..(حك ذقنو تلف علاش جاي) اااه فكرتني !! غدا الواليدة جاية عاودي اكدي على والديك و صباج جيبي شهادة عزوبة وراقك باش ندفع ملف نتوصل بموافقة نضربو عقد ..ووجدي شنو خااصك بغيتك فداري ليلة قبل غداا
خديجة: عقد ماعنديش مشكل نضربوه ..ولاكن حتى حااجة ماوااجدة ، فين فراش دار و انا ضروري ندير الحفلة لعائلتي
فاروق: من دبا زيدي ختاري فراش الدار لي بغتيه و ديري حفلة ديري عرس لي خاصك انا موجود ..عاارف حلم اي بنت تفرح براسها وناا ماحاارمكش ..
خديجة: هاادشي جااني مزروب بزااااف ..
فاروق: (ديمارا مقلع) وووقت خديجة مامساعدنيش من لابريكاد نيشان عندك ...مهم ندوزك داركم ارتااحي و ميعادنا غداا ، لي خصاااااتك اتصلي بياااا