أولاد الوازنة

الجـزء السادس و العشرون

اول يوم من رمضان، صدف بيوم الاثنين فاق من نعاس على منبه تلفون...جلس عاطيها بظهر تيمسح فوجه و حط صبعانو بين عينيه تيحاول يصحصح ....دار جنب عندها تيفيقها 

نبيل: اسماااااء ( وقف تيتكسل ) نوضي راها تسعود ونص 

اسماء: ( سخانة رجعت لها ..وتتحس بصحتها مدكدكة ) امممم 

نبيل: ( غادي حمام ) وانوووضي ..

..دخل الحمام طرف و غسل وجهو ...وخرج لقاها مزالة ناعسة ..لبس حوايجو وكل مرة ينادي عليهاا تاناضت وتتحس براسها مريضة ....وقفت قدامو حيدت بيجامة لي كانت لابساها منها سوتيمات هو يحقق فيها شوفة 

نبيل: اش داكشي خارج فيك !؟ 

اسماء : ( نزلت عينيها تيبان لها حبوب حمرا دايرا لما) ااااه !! ( خافت تقيسو ) تياكلني 

نبيل: ( جلسها تيشوف هو يلاحظ انه منتشر فكرشها بزاف وغادي تينتشر ) يعلم الله شنو كلتي !؟ ااش هاد سخانة !؟ 

اسماء: ( شدتها خلعة وبكية ) نشرب دوليبران وصافي ..

نبيل: ( شاد راسو نطق بزعاف) فييين اتمشي ونتي بهاد حالة !؟ 

اسماء: ( بخوف ) لاالا انا ممريضاش !! هادي وقيلا واحد كينة شربتها تفتح ليا شهية هيا دارتها ليا 

نبيل: ( هيا تتهضر هو تيعقدهم ) عااااودي !؟ ماااا سمعتش مزيان اش كلتي !؟ ( تحنى مقابل وجها تيغوت) اااااش وصيييتك الباااارح !؟ الدوااا مامعاااه للعب 

اسماء : ( جرت بيجامة تتغطي بيها ...) مانعاااودش ...صافي يمشي عليا الحال 

نبيل: ( جر لها ديك بيجااامة بنترة نا خلعهاا ) جلابتك زيدي قداامي طبيبة نشوف اش هاد لعجب خرج فيك !؟ 

اسماء: ( برفض و وبكاء) مافيا والووو !! مانمشيش ...( تترجع بوراء ) 

نبيل: ( جرها من رجليها تاوصلت عندو و جرها من وذنها) توحشتي العصاااا !؟ لاااااا توحشتي العصاااا ! لبسي جلابتك مانعاودش هضراااا 

اسماء: ( وقفت تترعد و بدموع قاهرين تتهبطهم و تتنخصص و تتهز يديها عندو محاولة تفهمو) والله مابقيت تنشربو ! راه مافيا والو قهرني طبيب

نبيل: ( حاط يدو على خصرو غاضب تيسمع لها ) قهرووك طبة !؟ لاش تتعلفي فدوايات !؟ عطيني هاد خرا نشوفها !؟