أولاد الوازنة

الجزء الرابع و الخمسون

_خرج خلاها جالسة ، عطاتو الهضرة لي فيقاتو ، جلس حدا براء لهز تلكمند طفى تلفزة و تقاد فالجلسة تيشوف فيه
زياد: جهلت دلمي ! تتخرجو فيا جنون وتكولو ليا مالك
براء: هرس ! شخشخ ! خلي عليك البنت فتقار ، روحها قربت تخوج ! تبقى تريزوني امور اصاحبي
براء: ( بتساؤول ) فين ؟ وهيا؟
زياد: راها ترتاح ! الصباح تصبح بحال ماطرا والو
براء : ( هز حواجبو بلاحول ) سعاداتك اخويا ! ربي تيعطي الفول لي ماعندو سنان ، السيدة شادة عليه طيارة ومانعرفت آش على دقيقة من تعطلت كان يدوز فاخطر مجرمين
زياد: ( تفكرها فاش قالت كريمينال ) والو ! ماتنعقلي على كري
..براء: ( سد الباب ) ياك متاكد ماتخرجش ولا شي للعبة ؟
زياد: الا ! هاديك عندي فشكل ! كن بغات تمشي تكولها ليا فوجهي..
..خرجو هو براء ! ركبو سيارة ضاربين دورة حتى ستقرو على بار شبابي دخلة بالمراقبة ، قادو لهم جليسة مع موسيقى و الجو حماسي ، بدا يتكالما طلبو ليهم مشروبات و رجع لحالتو العادية تيهضر هو براء على السفر و كرة و حديد كما العادة ! دوزو وقيت و خرجو راجعين فطريقهم تقضاو العشا زياد شاف فواحد ريسطو بسطيلة شراها ليها و تقضاو بعض مشروبات رجعو الدار ، شعلو تلفزة هادي عادة براء معلمها من فاروق، بداو يوجدو العشا فطبلة تا دخل عندنا خرجها لابسة مستور و حانية راسها، اما براء محترمها ، جلسو فجو عادي تيتعشاو ، كملو ناضت بغات تعاون ماخلاهاش براء، هكدا دازن ليلة! براء ناعس فصالون مع افلام و زياد فغرفة ضيوف معاها متتعانقين
زياد: غادي نكبر دماغي ونزطم على راسي ! ونخليك ترجعي لبرتغال ( بجنون ) ووادوزي هاد لقاء الز** ولكن الأخبار نبغيها تكون عندي
ايناس : ( غير تتشوف فيه ) ....تافقنا حتى عيد ميلاد ديالي
زياد: ( هز يديه باستلام ) اوك ! شهر عشرة مابعيدش ؟ ياك
إيناس: ماتنفرقوش عليكم فالعدات خاص الخطبة و تفاهمو و يشفوك والديا و يعرفو والديك عاد يوافقو
زياد : ( تنهيدة طلعت ليه من عمق هو تيتفكر زاينة ) عارف ! بلا ماتبقاي تمرضيني بهاد القلاوي !
إيناس: ( تنهدت تتفكر ) انا عارفة ماماك ماتبغينيش
زياد: ( هز حاجب و نزلو ) غير كنت تنضحك معاك ! انا ماما ماشي خايبة ؟ ماما تتبغي الحاجة مزيانة لينا
إيناس: ( بهدوء ) خايفة ! دبا انا وياك متافقين ؟ نقدرو ناجلو شحال مابغينا زواجنا
زياد : ( غمض عينيه تبرد فراسو ..) تعيشي معايا بلا زواج !؟ ( جات تجاوب ) ماشي شهر ولا يومين ؟ داري ترجع هيا دارك و تسافري معايا فين مامشيت
زياد: بزواجنا يكون ساهل !
زياد: انا ماغاديش نزيرك و ماغادي نفرض عليك والو
إيناس: ماتنساش الا تزوجنا و مشيت معاك انسمح فخدمتي
زياد : انتي ديك خدمة ماشي مفروض عليك !؟
إيناس : نو ! اوطيل خدام بلا بينا و خويا مشا يبني مستقبلو بعيد
زياد: انا مانقدرش نحدد حياتنا من هنا عامين فين تكون ! عروض مزالة تاتجيني للكرة مزال تالف
_نعست فحضنو ! عمرها خافت منو ، لأنها عارفاه ماشي من نوع اي يضربها و يغدرها فضهرها ، دائما تتحس معاه بامان ، مزال نقط آخرين يناقشهم ولكن فضلو حتى يوافقو والديهم ، تافقت معاه فعيد ميلادها تفاتح والديها على زواج ، هو نفس شيء ! عادت مياه مجاريها دوزت معاه يومين مثل الحلم ، تتحس بيه مغير بزاف مهتم بيها اكثر وو حنين بعض احيان لان طابع عنف غالب عليه ، مزال ماصرح لها بالحب ولكن فاهمة عليه ، آخر النهار ودعت براء و شكراتو وزاد بيها زياد مطار طريق كلها تيسوط وومعصب ، عنقانو و عنقها بحب ماساخيش بيها، الان امور توضحت ، علاقتهم عندها هدف ! حب يتكلل بزواج ، رجع البرطمة دوز مع براء بقية اسبوع ! هو بتلفون مع زاينة ونوصير و اخوتو لي دائمين طلبات ، تقضى لهم ملابس دخول مدرسي و ملابس سبور و لي توني سنيي ديال فرق كرة ودع براء لي واضح حزن فعيونو
زياد: مابقى قد مافات اصاحبي ! الصبر
براء: ( كانه مختوق ) داكشي ماكاين! اسلم عليهم بزاف و الميمة
زياد : انشاء الله ! ياكما عندك شي حاجة نوصلها نعمة ؟
براء: ماتتبغيش ! اما عزيز عليها داكشي ليكسبور ، تتخاف يسولها عمي ولا اسماء منين جابتها
زياد: كاينة ! هههه انت نسيبة تتكولها اسماء باغي العموم يسخط عليك
براء: ياودي عاد البارح تتخلينا عندها الواليدة وتلعب معانا ههههه
زياد : ههههه وايه الاعوام تطير يلاه ( بحضن رجولي ) تهلا نتشاوفو
زياد: لا انشاء الله ندوز شي امور هانا معاك
_مرت الايام ! مر الصيف و تبعو دخول المدرسي ، نعمة هدا هو العام منشوذ ؛ نفس مؤسسة تابعت بيها دراستها اما يوسف العام ثاني من ليسطا و زكريا مزال مكمل لافاك تيحس براسو من الناس اي فقط تيقراو وصافي، من داخل المطبخ من فيلا اسماء واقفة فالكوزينة هيا زاينة تيوجدو حلوى بمناسبة العيد مولد نبي ! و يوسف جالس تيشري اتاي و تيشوف فيهم
زاينة: دبا نتي بزبدة سنطرال تخدمي صابلي ؟
اسماء: ( بعدم فهم ) باش نخدمو ؟
اسماء : لاء بسنطرال احسن ، سهلتي نتي سنطرال
زاينة : انا هاد سنطرال للماكلة و ماتتدوزش ليا ! تندخل غير البلدية ولا الفرماج
اسماء : ( تكفضت حطت يديها على كصعة ) طلقينا راه مزال رجع حتى بوتيك !
زاينة : راه مرجوعنا بجوج ! دبا شنو ؟
اسماء : غادي ندير جوج عجينات ونهني مخي معاك ! حتى ليل و نزوق
يوسف : آحداكيتو ؟ ياك مولفين تشريوه
زاينة: اويلي حي ! بعدي من الولد
اسماء : ( خنزرت فيه ) انوض خرج عليا !
يوسف: (وقف مبعد عارفاها تتضرب ) ديرو بهلة عفاكم
اسماء: آجي دلكها انت ! انا ماكرهاتني امي الله يرحمها فيها مانعاود نعجنها
زاينة : الله يرحمها ! يلاه بداي
اسماء: ( تتهز بيديها ) ماقطعتي زبدة ما غسلتي بيض ؟ باش نبدا واش توقفي عليا بحال عسكري ؟
زاينة: ( تتضحك ) زيدي غوتي يا تنشدك من داك الشعر نرجعو براهش
اسماء: ( تتضحك ) الشعر مشى مع ولادة و رضاعة
يوسف : ( تياكل بنان ) ديري دلك لانشطيكشن ! لانسيسطيكسيون ( تشرح بيديه ) شعر ملصق
زاينة جلست طلقاتها بضحكة ! ضحك ضحك و اسماء تتفقص
اسماء: شتي بسالات ؟ دخول صحة
يوسف : ( مبرد ) آري واحد عشرين درهم نخرج نتقهوا
اسماء : و الله لا شديتيها ! خرج عليا
يوسف : ( دار جهة تلاجة هز بزطامها مدو ليها ) هاكي هاهو بزطامك ! حلي اري عشرين درهم
اسماء: وووو الله لا شدتيها !
...تشد ماتشدش ! تعطيني ما تعطينيش ، دورات معاه زاينة و خرج لقى سورات طموبيل هزها يضرب دورة ، الصيف لي داز دوز لهم نبيل بيرمي و ديك مدرسة التعليم تقلبت مسكينة بضحك مع يوسف..اما فوق عجنو صابلي تعاونو فيه ، اسماء دارت شكل آخر ! وجدات كوتي ونزلت عند الوازنة عطاتها تاكل و شعلت لها تلفزة ودعوها بعد ما تاكدت ان نعمة فطريق للدار !
اسماء : شفتي شلاهبي هز ليا طموبيل ؟ خلي يرجع نبيل الا ماهضرش معاه انا عارفة شغلي
زاينة: صافي نمشيو بطموبيلتي ! عرفتي هاد عطلة نزل شلوح توحشت لبلاد و جوها
اسماء: سيري اختي بصحة ! انا ماعندي سفر مع نعمة
زاينة : نعمة مشاء الله عليها تتقرا ! عندك هيا حسام و ولد خديجة ملونسيين فالقراية ، حمدي الله ماتكولي لها هزي كتاب ولا دوزي تحفظي !
اسماء: معصبة بزاف ! ديما تتشكا برأسها ! الامتحانات لي فاتت تتدخل بيتها وغير تسمع صوت تتبقى تردخ فالباب ، من لقات غير هيا وراسها
زاينة : ساعفي اصاحبتي ! ناري طريق عامرة
اسماء : ( تتشوف فتلفون ) زياد عندو ماتش اليوم ؟
زاينة : لعبو صباح راه ربحو ! عاد شفتيه فسطوري ؟
اسماء : ياختي عندك ولدك مسارينا فالمغرب وبنت ليالي مساريانا العالم ضاربة دنيا بركلة
زاينة: اوا بنت سفير اختي اش بغيتيها تطلع ؟ داك الراجل عندها مفششها بحالنا دزنا فالحرب
اسماء : ( تتنهد ) الحرب و اسكتي ؟ اودي صبرنا على اولاد وصافي..
زاينة : ضحكي على راسك بهاد هضرة ! حقا صبرنا ولكن زين ديالي ابات اولادي مانفرطش فيه ابدا
اسماء: من زمان تتموتي عليه
زاينة : بصحتي ! ونتي تكبري على نعمة لي عطاك سيدي ربي
اسماء : نبني ليه تمثال ؟ ( زاينة تتضحك ) اوا هيا هادي..مالو راجل وصافي
زاينة : زعما داك القليب ماعمرش بيه؟
اسماء : معمر بالله و الايمان ..ونبيل
...وصلو الحي ! الحومة اولى لش شهدت اولى زواجهم ، حومى لي شهدت نشأة احلامهم و كوارثهم ، دخلت الحضانة تتراقب امورها و اسماء دخلت بوتيك كدالك تتسير أعمالها ، مر وقت لابأس به ! حتى خرجت زاينة ركبت بلال و عمر فالسيارة ركبت تاهيا تنتظر اسماء هو تلفون تيرن جاوبات
نوصير : فين راكي ؟! معاك اسماء ؟
زاينة : فالحومة ! وي حنا جايين ، ياك والو باس
نوصير : ( تيشوق قدامو زياد) زا مهم حتى تجي
....قطعت تلفون مافبالها والو ! حتى طلعت اسماس تترعد تتبكي
اسماء : يوسف فالكوميسارية !
زاينة : اويلي !؟ عاد عيط ليا نوصير ماقالي والو ؟
اسماء : الأخبار وصلتني من خديجة كما العادة