أولاد الوازنة

الجزء الثالث و الأربعون

..حطهم فاروق امام العمارة و طلعو وحدة شادة فوحدة فسانسور حتى دقو على خديجة فتحات لهم
خديجة : هادو نتوما ؟ دخلوو
..دخلو جلسة فالصالون اسماء غير تتبكي و زاينة رمات شال حيداتو و تتغلي باعصاب ، عطاتهم خديجة الما ونتظرت دقائق عاد تكلمت
خديجة : فهموني ؟ اش وصلكم كوميسارية ؟
زاينة : ( تتهز راسها الفوق بفقصة و تنفس) هااادي اختي
اسماء : مالي اش درت ؟ هيا لي عيطت للبوليس
زاينة : ( خرجت عينيها فيها ) حلللي عقلك و عرفي معامن طحتي ؟ شفتيها تتخرج فيك عينيها قدام كومسير ! هاديك فرملية لاروب ؟ الالة صيفطات خوها لعند نبيل يتزوجها
خديجة : ( بصدمة ) اويلي ؟ منين جابت هاد الجرأة ؟ اسماء اش هادشي ؟
اسماء : واش لخاطري اختي ؟ كنت تنعاملها مزيان و تنشكر فيها فنبيل لا شي نهار يجري عليها
خديجة : ( قربت لها وذنها بمعنى سمعيني ) عاودي اش قلتي ؟ تشكريها لراجلك ؟
اسماء : ( تتمسح دموعها ) اااه
زاينة : ( تتحس بالمصارنها تيتقلبو ) ااااختي نتي لي حليتي لهم العينين
خديجة : اشمم عينين ؟ لا نبيل وافق يتزوجها
اسماء : ( شدت مخدة تجنن ) مقااااليش ماقاالي والو
زاينة : ( ناضت بلا هواها ) اااش يقوووليك ؟ هاهو قالك ؟ اش فجهدك ماديري ؟ واش لي تخلي الغريبة دخل بيت نعاس ديالها وتقلب ركانيها للمراة ؟
خديجة : زاينة لا غوات ! دراري ناعسين
اسماء : ( تتمسح دموعها ) مشى يعاود ليه فاروق ويجي يغوت عليا
خديجة : لاحول ولا قوة الا بالله! اوا اش وصلكم كوميسارية ؟
..اسماء تاتعاود و تكمل لها زاينة ! عاودو لها من اول تا لفين وصلهم فاروق !!
خديجة : ماابقاتات تقة حصول بيه ! تراعي غير نفسيتك و لكرشك فمك ! ولكن راكم غالطين اش داكم واش خلاكم تهجمو عليها
زاينة : ( تترعد ) راه عاد فكوها مني اما ناكلها ! ( تتحط يدها على قلبها ) قلبي يسكت
خديجة : الموضوع فعلا كبير و تيمرض فالخاطر ! ولكن ازاينة توصلو كوميسارية ؟
زاينة : را هيا بنت حرام لي عيطت لهم نازلة تلعب لينا فيلم ! جاب الله مساجاتها زيروها
خديجة : بزاااف على هاد الجرأة ! شي حاجة تما لي خلاتها تزيد فافكارها !
اسماء : ( تتدمع ) قبل مايمشي نبيل العمرة ! كنا تزايدنا فالهضرة وسمعاتنا ! دخلت تتهدنني و تنصحني ( زيرت يديها ) و جمعت ليه حوايجو ووو
خديجة: ( حطت يدها على حنكها ) تغااابيتي لهاد درجة؟ ماشي امو ولا اختو ولا عمتوو ولا خالتو باش دخل فحوايجو
...بمجرد ما كملت هضرتها وهيا تبان لهم شادة فحلقها و عينيها اخرجو تتحس براسها تتجيف ! تاطاحت ارض تتركل و تترعد..ماعرفو باش تبلاو ! بصدمة ناضو تيغوتو و يرشوها باالما و دراري فاقو تيبكيو بالخلعة ! تا توكضت خديجة اتصلت بإسعاف
طالعين تيجيرو واحد مور واحد ! قلبهم يسكت !! دراري الغوووات الغووووات
فاروق : ( شافها هازة زياد لي عقلو يخرج ) خديجة مالكم ؟
خديجةة: زااااينة طااحت لنا تتجيف
نوصير وذنيه تصمكو ولدو تيتجبد ليه هو مرفوع ...هما الباب المسعفين مخرجينها بلا عقل تبعهم و نبيل و مغيث غير تيشوفو ..
مغيث : ( قرب مسعف اول ) الله يحفظكم دريكت للكلينيك ****
مسعف : شكون يمشي معها ؟
نوصير : ( مصدم ) مراتي !
فاروق شد زياد مدو لمغيث ! نبيل دخل الداخل لقاها تتبكي يلاه بان لها هيا تقفز
اسماء : مااشي انا و الله مادرت لها شي حااجة
نبيل : ( تيحاول غير يقرب منها هيا تتبعد و رؤيا حداها تتبكي ) ششش اسماء
اسماء : والله منعااااود و الله ماعصبتها و الله ماانا
فاروق : ( نهض فيها من اللور ) اسماااااااء ! رؤيا سكتي
فاروق : خليه هنا مع دراري و اسماء ! حنا خديجة نمشيو نتبعو زاينة
خديجة : ( تتمسح دموعها ) يلاه
نبيل : ( شد زياد عرفو و سكت )سيرو انا نشد دراري !!
...فالدقائق الحال تيتقلب ! شي بقى على ود اولاد ومراتو لي تيشوفها اتبع زاينة و اخرين تبعو الاسعاف ! شنو وقع ؟ كيف طرا ؟ الله واعلم حتى لي كانو معاها مافهمو والو ...مسافة طريق وصلو نوصير تيجري تابع بياص ! تادخلوها ليغجونس و للحقو عليه اخوتو
نوصير : ( غير تيشوف ) فين زياد ؟
مغيث : فدار مع نبيل و اسماء تاهيا ماشي حتى لتما
فاروق : ( تيخاطب خديجة ) كي طرا ؟
خديجة : ( تتفكر مشهد ) تنهضرو ! شوية بدات تغوت و تتشد فكرشها تاطاحت تتركل
فاروق : يلاه البنت طيحوها الاعصاااب
..دام الصمت ! حتى اخرج الطبيب تيخاطبهم بعد ما عرفهم انهم من العائلة !
طبيب : حاليا راها فاقت ناقصها شوية تنفس ، الحالة راه فحالة يرثى لها مع الغدد درقية او بما يسمة بليكواطخ ، راه الموت بعينيها